ཟླ་3ཚེས་5ཉིན། རྒྱལ་ཡོངས་དམངས་འཐུས་ཚོགས་ཆེན་སྐབས་བཅུ་གསུམ་པའི་ཚོགས་འདུ་ཐེངས་ལྔ་བ་མི་དམངས་ཚོགས་ཁང་ཆེན་མོར་མགོ་ཚུགས། ཟུང་ཆུ་རྫོང་གི་ལས་རིགས་ཁག་གི་ཏང་ཡོན་ལས་བྱེད་པ་དང་མང་ཚོགས་ཀྱིས་བརྙན་འཕྲིན་ལྟ་བ་དང་དྲ་སྦྲེལ་ཐད་གཏོང་སོགས་ཀྱི་བྱེད་ཐབས་བརྒྱུད་ནས། ཚོགས་ཆེན་གྱི་ནང་དོན་ཤེས་རྟོགས་བྱས་ནས་དུས་ཐོག་ཏུ་གྲོས་བསྡུར་དང་སྤེལ་རེས་ཀྱི་བྱེད་སྒོ་སྤེལ།

      ལྷག་པར་དུ་ཏཱ་ཞིན་ཡུལ་ཚོའི་སྡེ་བ་སོ་སོའི་སྡེ་དམངས་རྣམས་མཉམ་དུ་འཛོམས་ནས་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་བརྙན་འཕྲིན་གསར་འགྱུར་ནན་ཏན་གྱིས་བལྟས་རྗེས། ཚང་མས་དགའ་སྤྲོའི་ངང་ནས་མེས་རྒྱལ་དར་རྒྱས་གོང་འཕེལ་བྱུང་བ་ལ་བསྟོད་སྔགས་ཡང་ཡང་བྱས་ཤིང་། ད་དུང་གུང་ཁྲན་ཏང་མེད་ན་ཀྲུང་གོ་གསར་བ་མེད། ཀྲུང་གོའི་གུང་ཁྲན་ཏང་གིས་ང་ཚོ་སྣེ་ཁྲིད་ནས་འབྱོར་ཕྱུག་གི་ལམ་བུར་བསྐྱོད་ཡོད། ཚོགས་ཆེན་གཉིས་ཀྱིས་ང་ཚོ་ལ་སྐྱེ་ཁམས་སྲུང་སྐྱོང་དང་། དམངས་འཚོ་འཛུགས་སྐྲུན། གྲོང་གསེབ་དར་རྒྱས། དཔལ་འབྱོར་འཕེལ་རྒྱས་སོགས་ཀྱི་ཐད་ནས་སླར་ཡང་བྱ་ཐབས་དངོས་བཏོན་ཡོད་པས་དགའ་བྲོ་ཚད་མེད་སྐྱེས་བྱུང་། ཞེས་བཤད།