སྤྱི་ཟླ་3པའི་ཚེས་1ཉིན་གྱི་སྔ་དྲོར།  ཀྲུང་གུང་ཀྲུང་དབྱང་ཏང་གི་སློབ་གྲྭས་2015ལོའི་དཔྱིད་ཀའི་སློབ་སྐབས་ཚོགས་མགོ་རྩོམ་པའི་མཛད་སྒོ་བསྡུས། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། ཀྲུང་དབྱང་ཏང་གི་སློབ་གྲྭའི་སློབ་གཙོ་ལིའུ་ཡུན་ཧྲན་མཛད་སྒོར་ཞུགས་པར་མ་ཟད་གསུང་བཤད་གནང་།

           ཞིན་ཧྭ་གསར་འགྱུར་ཁང་གི་གློག་འཕྲིན་ལྟར་ན། ཀྲུང་དབྱང་ཏང་གི་སློབ་གྲྭའི་སློབ་གཙོ་ལིའུ་ཡུན་ཧྲན་མཛད་སྒོའི་ཐོག་ཏུ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་དགོངས་དོན་ལ་ནན་ཏན་སྒོས་སློབ་སྦྱོང་དང་དེ་ལག་ལེན་མཐར་ཕྱིན་བྱེད་པ་དང་། མགོ་ཁྲིད་ལས་བྱེད་པས་ཏང་ལ་བློ་དཀར་ཞིང་མི་སྒེར་གྱི་སྤྱོད་ཚུལ་རྣམ་དག་ཡིན་པ་དང་དང་ལེན་བྱ་ཕོད་པའི་ཐད་ལ་ཐུགས་རེ་བཏོན། །