དཀར་མཛེས་ཁུལ་ནི་ཁམས་པའི་རིག་གནས་དར་ཡུལ་ཡིན་པའི་ཆ་ནས། ཕུན་སུམ་ཚོགས་པའི་ལོ་རྒྱུས་རིག་གནས་ཤུལ་བཞག་ཐོན་ཁུངས་ཡོད། དུས་རབས་གསར་བའི་རིག་དངོས་གནའ་རྫས་རྟོག་ཞིབ་ཞིབ་འཇུག་ལས་དོན་གྱི་བླང་བྱ་ལག་བསྟར་དོན་འཁྱོལ་བྱེད་པ་དང་། དཀར་མཛེས་ཁུལ་ཡོངས་ཀྱི་རིག་དངོས་གནའ་རྫས་རྟོག་ཞིབ་དང་སྲུང་སྐྱོང་བེད་སྤྱོད་ལ་ཤུགས་སྣོན་རྒྱག་པ། ཆེད་ལས་ཤེས་ལྡན་མི་སྣའི་དཔུང་ཁག་གསོ་སྐྱོང་བྱེད་པ། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བ། རིག་གནས་ཀྱི་གདེང་ཚོད་ཆེ་རུ་གཏོང་བ་བཅས་བྱ་ཆེད། ཉེ་བའི་ལོ་འགའི་རིང་དཀར་མཛེས་ཁུལ་གྱིས་ཁུལ་དང་རྫོང（གྲོང་ཁྱེར）གི་རིག་དངོས་གནའ་རྫས་རྟོག་ཞིབ་ཞིབ་འཇུག་སྒྲིག་གཞི་བཙུགས་པ་བརྒྱུད། རིག་དངོས་རྟོག་ཞིབ་རྩད་གཅོད་དང་སྲུང་སྐྱོང་བེད་སྤྱོད། གནའ་རྫས་རྟོག་ཞིབ་སྔོག་འདོན། གཞུང་ལུགས་ཞིབ་འཇུག །རིག་གནས་རྟོག་ཞིབ་དྲིལ་སྒྲོག་སློབ་གསོ། ཕུལ་བྱུང་སྲོལ་རྒྱུན་རིག་གནས་རྒྱུན་འཛིན་དང་དར་སྤེལ་གཏོང་བ་སོགས་ཀྱི་ལས་དོན་གང་ལེགས་གྱིས་སྤེལ། མིག་སྔར། དཀར་མཛེས་ཁུལ་དུ་རིག་དངོས་གནའ་རྫས་རྟོག་ཞིབ་ཞིབ་འཇུག་སྒྲིག་གཞི་ཁོངས་ཡོངས་སུ་ཁྱབ་པ་མངོན་འགྱུར་བྱུང་ཡོད།
     དཀར་མཛེས་ཁུལ་དང་རྫོང（གྲོང་ཁྱེར）རིམ་པ་གཉིས་ཀྱི་རིག་དངོས་གནའ་རྫས་རྟོག་ཞིབ་ཞིབ་འཇུག་སྒྲིག་གཞི་བཙུགས་པ་དེས་དཀར་མཛེས་ཁུལ་གྱི་རིག་དངོས་སྲུང་སྐྱོབ་དང་གནའ་རྫས་རྟོག་ཞིབ་སྒྲིག་གཞི་སྔར་ལས་འཐུས་ཚང་དུ་ཕྱིན་པ་མཚོན་ཞིང་། ཁུལ་ཡོངས་ཀྱི་རིག་དངོས་གནའ་རྫས་རྟོག་ཞིབ་ཞིབ་འཇུག་དང་སྲུང་སྐྱོང་བེད་སྤྱོད་བྱེད་ཤུགས་ཆེ་རུ་ཕྱིན་ནས་གནའ་རྫས་རྟོག་ཞིབ་ཀྱི་ཤེས་ལྡན་པའི་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་པར་སྒྲིག་ཁོངས་ཀྱི་འགན་ལེན་བྱས་པ་མ་ཟད། དཀར་མཛེས་ཁུལ་ཡོངས་ཀྱི་རིག་གནས་ཡུལ་སྐོར་དང་། རིག་དངོས་སྲུང་སྐྱོབ། གནའ་རྫས་རྟོག་ཞིབ་ལས་དོན། སློབ་གསོ་ཚན་རིག་ཁྱབ་གདལ་བྱ་གཞག་བཅས་སྤུས་ཚད་མཐོ་བའི་སྒོ་ནས་འཕེལ་རྒྱས་ལ་སྐུལ་འདེད་གཏོང་བར་ཕན་ཐོགས་ཡོད། །