ཤིང་རྒས་ན་རྩ་བ་མང་།། མི་རྒས་ན་སྐད་ཆ་མང་།།
དགུན་དུས་གྲང་རླུང་ཆེ་ན།། དབྱར་དུས་དཀར་ཆུ་བཟང་།།
མི་ངོ་ཚ་ནས་ཤི་རབས་མེད།། ཁྱི་ལ་ཆམ་པ་ཕོག་རབས་མེད།།
རླུང་ཤར་ནས་ཡོང་ན་འབབ།། རླུང་ནུབ་ནས་ཡོང་ན་དྭངས།།
སེང་གེ་མེད་སར།། སྤྲེའུས་རྒྱལ་ས་བཟུང་།།
ཁ་འཇམ་གཏིང་རྩུབ།། ཁ་དཀར་ཞེ་ནག།
ཁ་ནང་མ་ཎི་འདོན།། ལག་པས་རྟ་བཤའ།།
ཁ་མཚར་རྩེད་མོ་འཚོ་བའི་རྒྱན།། མ་ངན་བུ་ལ་དེ་མི་འཕྲོད།།
ཁ་ཡ་རབས།། སྤྱོད་པ་མ་རབས།།
ཁ་ཡིས་ཆོས་བཤད།། ལག་པས་མི་བསད།།
ཁ་ལ་ཆང་དྲི་བྲོ།། སྣ་ལ་དུ་དྲི་བྲོ།། ལུས་ལ་བསེ་དྲི་བྲོ།།
ཁ་ལ་བཟའ་རྒྱུ་རག་དུས།། རྒྱབ་ལ་འཁུར་རྒྱུ་དྲན།།
ཁུ་ཚུར་མི་ལ་བརྒྱབ།། ངུ་འབོད་རང་གིས་བྱེད།།
ཁོང་ཁྲོ་གཡག་ལ་ཟ་ན།། རྡོག་ཐོ་དྲེལ་ལ་མ་རྒྱག།
ཁོལ་མོའི་ལྡིར་སྒྲ་ཆེ་ཡང་།། ལག་པའི་ཞབས་ལ་ཡོད།།
ཁྱི་ཚེ་ལོ་དགུ་ལས་མེད་ཀྱང་།། མི་སེམས་ཚང་མ་དང་འགྲས།།
ཁྱིམ་ལ་རྟ་བརྒྱ་ཡོད།། འགྲོ་དུས་རྐང་ཐང་ཡིན།།
གྲོ་མ་མར་ཁུ་ཁ་ལ་ཞིམ།། ལག་པའི་སེར་ག་གཏིང་ནས་གས།།
གླ་མེད་རོ་འཁུར།། ཟས་མེད་སྟོང་རྩིས།།
སྤྲང་བུ་ལོན་མ་དགོས་ཕྱུག་པོ་ཡིན།། གྱོད་ཁ་མཆུ་མེད་ན་བཙན་པོ་ཡིན།།
