འཛམ་ཐང་རྫོང་ནི་རྔ་བ་ཁུལ་གྱི་ནུབ་རྒྱུད་དུ་གནས་ཤིང་། དཔེ་མཚོན་རང་བཞིན་གྱི་རོང་མ་འབྲོག་གི་ས་ཁུལ་ཞིག་ཡིན། སྔོན་ཆད་ས་གནས་དེ་གའི་མང་ཚོགས་སྔོ་ཚལ་ཉོ་རྒྱུ་མེད་པ་དང་། སྔོ་ཚལ་གྱི་རིན་གོང་མཐོ་བའི་གནས་ཚུལ་ལ་འཕྲད་བཞིན་ཡོད། ཉེ་བའི་ལོ་ཤས་རིང་། འཛམ་ཐང་རྫོང་གིས་ས་གནས་རང་གི་ཐོན་ཁུངས་དགེ་མཚན་ལ་དམིགས་ནས་རི་མཐོ་ས་ཁུལ་གྱི་ས་གཤིས་ཁྱད་ཆོས་དང་འཚམ་པའི་ཞིང་ལས་འཕེལ་རྒྱས་སུ་བཏང་མུར། མང་ཚོགས་ཀྱི་བཟའ་བཏུང་ལ་འགྱུར་བ་བྱུང་བར་མ་ཟད། མཐོ་སྒང་གི་སྔོ་ཚལ་ཁྲིན་ཏུའུ་སོགས་ལ་ཕྱི་འཚོང་བྱེད་ཐུབ་པ་བྱུང་།