ཉེ་ཆར་གསར་འགོད་པར་མཚོ་སྔོན་རྒྱལ་ཁབ་མཐོ་གསར་ལག་རྩལ་ཐོན་ལས་གསར་སྤེལ་ཁུལ་གྱི་སྐྱེ་དངོས་ཚན་རྩལ་ཐོན་ལས་གླིང་ཁུལ་ནས་ཤེས་རྟོགས་བྱུང་བར་གཞིགས་ན། བོད་རང་སྐྱོང་ལྗོངས་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གིས་རྒྱལ་སྲིད་སྤྱི་ཁྱབ་ཁང་གི་ཏོག་གསར་གློ་ཚད་ཀྱི་རིམས་ནད་མཉམ་འགོག་ཚོད་འཛིན་ལམ་སྲོལ་གསར་པའི་ཕྱོགས་བསྡུས་ཚོགས་ཆུང་གིས་བཟོས་པའི《ཏོག་གསར་གློ་ཚད་ཀྱི་ནད་བརྟག་སྨན་བཅོས་ཇུས་གཞི（ཚོད་ལྟའི་ལག་བསྟར་པར་གཞི་དགུ་པ）》དང་ཟུང་འབྲེལ་བྱས་པ་དང་《བོད་རང་སྐྱོང་ལྗོངས་ཀྱི་ཏོག་གསར་གློ་ཚད་ཐད་བོད་ལུགས་གསོ་རིག་དང་བོད་སྨན་གྱི་ནད་བརྟག་སྨན་བཅོས་ཇུས་གཞི（ཚོད་ལྟའི་པར་གཞི་གསུམ་པ）》རྨང་གཞིར་བྱས་ཐོག《བོད་རང་སྐྱོང་ལྗོངས་ཀྱི་ཏོག་གསར་གློ་ཚད་（བོད་ལུགས）སྨན་དང་སྨན་བཅོས་འགོག་བཅོས་ཇུས་གཞིར（ཚོད་ལྟའི་ཚོད་ལྟའི་པར་གཞི་བཞི་པ）》ཞིབ་འཇུག་བྱས་ནས་བཟོས་པའི་ནང་། མཚོ་སྔོན་ཞིང་ཆེན་གྱི་བོད་སྨན་རིན་ཆེན་གྲང་སྦྱོར་དང་། རིན་ཆེན་མང་སྦྱོར། གཅིག་ཤེས་ཀུན་གྲོལ། སྤང་རྒྱན་བཅོ་ལྔ། སྤང་རྩི་བཅུ་གཉིས། གི་ལྦང་དགུ་བ། ཨ་གར་སོ་ལྔ། གསོ་བྱེད་ཉི་མའི་དཀྱིལ་འཁོར། ཟླ་ཤེལ་ཆེན་མོ་སོགས་འགོག་བཅོས་ཇུས་གཞིའི་ནང་བཅུག་པ་རེད།
ཉེ་བའི་ལོ་ཤས་རིང་མཚོ་སྔོན་ཞིང་ཆེན་གྱི་བོད་ལུགས་གསོ་རིག་དང་བོད་སྨན་ཐོན་ལས་ཀྱིས་གསར་གཏོད་ཡར་སྐུལ་གྱི་འཐབ་ཇུས་ལག་ལེན་བསྟར་ནས་བོད་ལུགས་གསོ་རིག་གི་རྨང་གཞིའི་རིགས་པའི་གཞུང་ལུགས་ཞིབ་འཇུག་བྱས་པ་བརྒྱུད་བོད་སྨན་ཚད་གཞི་ཅན་དང་ཚད་ལྡན་ཅན། དེང་རབས་ཅན་བཅས་སུ་འགྱུར་རྒྱུར་སྐུལ་འདེད་བཏང་བས་བོད་ལུགས་གསོ་རིག་དང་བོད་སྨན་གྱི་ཐོན་རྫས་རིགས་ཇེ་མང་དང་། ནད་པར་ཞབས་ཞུའི་ཆུ་ཚད་ཇེ་ལེགས་སུ་ཕྱིན་ནས་རྒྱལ་ཁབ་ཕྱི་ནང་གི་ནད་ཐོག་སྨན་བཅོས་ཁྲོད་རྒྱ་ཁྱབ་ངང་བཀོལ་སྤྱོད་བྱེད་བཞིན་ཡོད།
