སྲོལ་རྒྱུན་ཡག་པོ་དར་སྤེལ་དང་གསར་གཏོད་དྲང་སྲུང་རྒྱུན་འཁྱོངས། འབད་པ་ལྷོད་མེད་ཀྱིས་མུ་མཐུད་དུ་སི་ཁྲོན་གསར་འགྱུར་གླེང་ཕྱོགས་བྱ་གཞག་འཕེལ་རྒྱས་ཀྱི་རྣམ་པ་གསར་པ་གཏོད།
ཟླ་བ་དགུ་པའི་ཚེས་ཉེར་གཅིག་ཉིན། སི་ཁྲོན་ཉིན་རེའི་ཚགས་པར་དང་སི་ཁྲོན་རླུང་འཕྲིན་བརྙན་འཕྲིན་ཁང་བཙུགས་ནས་ལོ་བདུན་ཅུ་འཁོར་བའི་བཞུགས་མོལ་གྲོས་ཚོགས་དེ་ཁྲེང་ཏུའུ་ནས་འཚོགས་པ་རེད། སི་ཁྲོན་ཞིང་ཆེན་ཏང་ཨུ་ཧྲུའུ་ཅི་ཝང་ཞའོ་ཧུའེ་གྲོས་ཚོགས་ལ་ཕེབས་པར་མ་ཟད་གསུང་བཤད་གལ་ཆེན་གནང་བ་རེད།
ཝང་ཞའོ་ཧུའེ་ཡིས་གསུང་བཤད་ཁྲོད་སི་ཁྲོན་ཞིང་ཆེན་ཏང་ཨུ་ཡི་ཚབ་མཛད་དེ་སི་ཁྲོན་ཉིན་རེའི་ཚགས་པར་དང་སི་ཁྲོན་རླུང་འཕྲིན་བརྙན་འཕྲིན་ཁང་བཙུགས་ནས་ལོ་བདུན་ཅུ་འཁོར་བར་ལྷག་བསམ་དྲོན་མོས་རྟེན་འབྲེལ་ཞུས་པ་དང་། སི་ཁྲོན་ཉིན་རེའི་ཚགས་པར་ཁང་དང་སི་ཁྲོན་རླུང་འཕྲིན་བརྙན་འཕྲིན་ཁང་གི་ལས་བྱེད་ལས་བཟོ་བ་དང་ལས་འཁྱུར་ངལ་གསོ་བའི་བློ་མཐུན་རྒན་པ་རྣམས་ལ་ལྷག་བསམ་ཟོལ་མེད་ཀྱི་འཚམས་འདྲི་གནང་། ཞིང་ཆེན་ཡོངས་ཀྱི་གསར་འགྱུར་གླེང་ཕྱོགས་ཀྱི་བློ་མཐུན་རྣམས་ལ་གུས་འདུད་ཞུས་པ་རེད། །
