མདང་ནུབ་བྲིས་པའི་རྟ་ཕོ་དེ
འཚེར་སྐད་ལྷང་ལྷང་ངང་ཁྱོད་ཀྱི་རྨི་ལམ་དུ་མངོན
སྤང་ཐང་དང་གཙང་ཆུ དེའི་འགྲམ་གྱི་སྦྲ་ནག་སོགས་ཀྱང
འཕྲོ་རིམ་འཕྲོར་རྨི་ལམ་དུ་མངོན
ལན་རེར གློ་ལུ་ཐེངས་འགའ་བྱེད་པའི་ང་དང
ཁྱིམ་ལས་ཙག་ཙིག་ལ་བྲེལ་བའི་ཁྱེད་ཀྱི་ཨ་མའང
རྨི་ལམ་དུ་མངོན་ཡོང
དེ་ནས རྒྱུ་སྐར་བྱེ་བའི་དབུས་ཀྱི
ཟླ་བའང་རྨི་ལམ་དུ་མངོན མཚན་མོའི་གླུ་སྐད་དང
དགོད་བྲོ་བའི་གཏམ་གླེང་སོགས་ཀྱང་ཕྲེང་བ་འདྲེན་པ་བཞིན
རྨི་ལམ་དུ་མངོན
ཞོགས་པར ཁྱོད་ཀྱིས་སྣང་སྟོང་དབྱེར་མེད་ཀྱི་འཇིག་རྟེན་དེ
ཇི་མ་ཇི་བཞིན་དུ་བཤད་པས
གཟུང་དུ་མེད་པའི་རྨི་ལམ་དེ་དག་ལ
སེམས་གཏིང་ནས་བཀའ་དྲིན་ཞུ་དགོས་བྱུང
བུ་མོ་སེམས་སྐྱིད་ཡོང་ན མནལ་ལམ་གྱི་འཁྲུལ་སྣང་ཤོང་བའི
སྤྱིལ་བུ་ང་ཡིས་བཟོ
2022/5/24
