ཞིན་ཧྭ་གསར་འགྱུར་ཁང་པེ་ཅིན་ནས་སྤྱི་ཟླ་10པའི་ཚེས་23ཉིན་གློག་འཕྲིན་འབྱོར་གསལ། ཚེས་23ཉིན་གྱི་ཉིན་གུང་། ཀྲུང་གོའི་གུང་ཁྲན་ཏང་གི་སྐབས་ཉི་ཤུ་པའི་ཀྲུང་དབྱང་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་དང་པོའི་ཐོག་བདམས་ཐོན་བྱུང་མ་ཐག་པའི་ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་དང་། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་ལི་ཆང་དང་། ཀྲའོ་ལེ་ཅི། ཝང་ཧུའུ་ཉིང་། ཚའེ་ཆི། ཏིང་ཞུའེ་ཞང་། ལི་ཞི་བཅས་ཀྱིས་མི་དམངས་ཚོགས་ཁང་ཆེན་མོར་ཀྲུང་གུང་ཚོགས་ཆེན་ཉི་ཤུ་པར་བཅར་འདྲི་ཞུ་མཁན་གྱི་ཀྲུང་ཕྱིའི་གསར་འགོད་པར་བྱམས་བརྩེའི་ཐུག་འཕྲད་གནང་བ།

མི་དམངས་ཚོགས་ཁང་ཆེན་མོའི་གསེར་མདོག་ཚོམས་ཆེན་ནང་གློག་འོད་ཆེམ་ཆེམ་དུ་འཕྲོ་བ་དང་སྤྲོ་སེམས་འཁོལ་ལ་རྔམ་བརྗིད་ལྡན། ཀྲུང་ཕྱིའི་གསར་འགོད་པ་600ལྷག་ཙམ་དེ་གར་འཛོམས་ནས་སྐབས་གསར་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུ་དང་ལྷན་དུ་ཕེབས་ཐེངས་དང་པོའི་གནས་ཚུལ་འཛམ་གླིང་ཡོངས་ལ་གཏོང་སྤེལ་བྱས།

ཆུ་ཚོད་12དང་སྐར་མ་5ཡི་ཐོག །ཞི་ཅིན་ཕིང་སོགས་སྤྲོ་སེམས་འཁོལ་བའི་ཐལ་མོ་རྡེབ་སྒྲའི་ཁྲོད་ཚོམས་ཆེན་ནང་ཕེབས་ཏེ། དེ་གར་ཡོད་པའི་ཀྲུང་ཕྱིའི་གསར་འགོད་པར་ཕྱག་གཡུག་གཡུག་གནང་ནས་གུས་འདུད་ཞུས།

ཀྲུང་གུང་ཚོགས་ཆེན་ཉི་ཤུ་པའི་གསར་འགྱུར་མགྲིན་ཚབ་པ་སུན་ཡེ་ལི་ཡིས་ངོ་སྤྲོད་མདོར་བསྡུས་ཞུས་རྗེས་ཞི་ཅིན་ཕིང་གིས་གསུང་བཤད་གལ་ཆེན་གནང་ཞིང་།
ཞི་ཅིན་ཕིང་གིས། ཐོག་མར་འདི་གར་གསར་འགོད་པ་གྲོགས་པོ་རྣམས་དང་ཐུག་འཕྲད་བྱུང་བར་དགའ་ཚོར་ཆེན་པོ་བྱུང་། ཁ་སང་ཀྲུང་གོའི་གུང་ཁྲན་ཏང་གི་རྒྱལ་ཡོངས་འཐུས་མིའི་ཚོགས་ཆེན་ཐེངས་ཉི་ཤུ་པ་རྒྱལ་ཁའི་ངང་གྲོལ་བ་རེད། འདི་ནི་དར་ཆ་མཐོན་པོར་བསྒྲེངས་པ་དང་། སྟོབས་ཤུགས་གཅིག་ཏུ་སྒྲིལ་བ། མཐུན་སྒྲིལ་ཡར་བརྩོན་བཅས་ཀྱི་ཚོགས་ཆེན་ཞིག་རེད། རྒྱལ་སྤྱིའི་སྤྱི་ཚོགས་ཀྱིས་ཀྲུང་གུང་ཚོགས་ཆེན་ཉི་ཤུ་པར་དོ་ཁུར་ཆེན་པོ་བྱས་པ་དང་། རྒྱལ་ཁབ་མང་པོའི་སྲིད་ཏང་གིས་རྟེན་འབྲེལ་གློག་འཕྲིན་དང་འཕྲིན་ཡིག་བཏང་བའི་ནང་ཕལ་ཆེ་བ་ནི་རྒྱལ་ཁབ་ཀྱི་གཙོ་བདག་དང་། སྲིད་གཞུང་གི་འགོ་གཙོ། སྲིད་ཏང་དང་སྒྲིག་འཛུགས་ལས་ཁུངས་གལ་ཆེན་གྱི་འགོ་ཁྲིད་མི་སྣ་ཤ་སྟག་རེད། འདི་གར་ངས་ཀྲུང་གུང་ཀྲུང་དབྱང་གི་ཚབ་ཞུས་ཏེ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ཞེས་གསུངས།

ཞི་ཅིན་ཕིང་གིས་ཚང་མར་ཀྲུང་གུང་ཀྲུང་དབྱང་ཆབ་སྲིད་ཅུས་རྒྱུན་ལས་ཨུ་ཡོན་ལྷན་ཁང་གི་ཁོངས་མི་གཞན་དག་ངོ་སྤྲོད་གནང་རྗེས། སྐབས་གསར་པའི་ཀྲུང་གུང་ཀྲུང་དབྱང་གི་འགོ་ཁྲིད་ཁོངས་མིའི་ཚབ་ཞུས་ནས་ཏང་ཡོངས་ཀྱི་བློ་མཐུན་ཚོས་ཡིད་ཆེས་གནང་བར་སྙིང་དབུས་ནས་ཐུགས་རྗེ་ཆེ་ཞུས་པར་མ་ཟད། ཏང་གི་ངོ་བོ་དང་དམིགས་ཡུལ་བློ་ལ་བརྟན་པོར་ངེས་པ་དང་། རང་ཉིད་ཀྱི་འགན་འཁྲི་དང་ལས་འགན་བློ་ལ་བརྟན་པོར་ངེས་པ། རང་འགན་གཙང་སྒྲུབ་དང་ལས་དོན་ཧུར་ཐག་སྒྲུབ་པ་བཅས་བྱས་ནས། ཏང་དང་མི་དམངས་ཀྱི་མངགས་བཅོལ་ཟབ་མོ་ཆུད་ཟོས་སུ་རྩ་བ་ནས་མི་གཏོང་ཞེས་གསུངས།

ཞི་ཅིན་ཕིང་གིས་བསྟན་དོན། ཏང་ཡོངས་དང་རྒྱལ་ཡོངས་མི་རིགས་ཁག་གི་མི་དམངས་ཚོས་ཐུན་མོང་ཐོག་འབད་བརྩོན་བྱས་པ་བརྒྱུད། ང་ཚོས་དུས་བཀག་ལྟར་འབྱོར་འབྲིང་སྤྱི་ཚོགས་ཕྱོགས་ཡོངས་ནས་བསྐྲུན་པ་དང་ལོ་བརྒྱ་དང་པོའི་འབད་འཐབ་དམིགས་འབེན་མངོན་འགྱུར་བྱུང་ཡོད། ད་ཆ་ང་ཚོས་སེམས་ཤུགས་རབ་འཕེལ་གྱི་སྒོ་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པའི་རྒྱང་སྐྱོད་ཀྱི་ལམ་བུ་གསར་པར་བསྐྱོད་པ་དང་། ལོ་བརྒྱ་གཉིས་པའི་འབད་འཐབ་དམིགས་ཕྱོགས་སུ་དཔུང་སྐྱོད་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་ཀྲུང་ཧྭ་མི་རིགས་རླབས་ཆེན་བསྐྱར་དར་ཕྱོགས་ཡོངས་ནས་སྐུལ་འདེད་གཏོང་བཞིན་ཡོད།

ཞི་ཅིན་ཕིང་གིས་ནན་གསུང་གནང་དོན། རྒྱང་སྐྱོད་ཀྱི་ལམ་བུ་གསར་པའི་ཐོག །ང་ཚོས་ཐོག་མཐའ་བར་གསུམ་དུ་དཔའ་ངར་ཆེར་སྐྱེད་ཀྱིས་མདུན་སྐྱོད་བྱེད་པའི་བསམ་པའི་འཁྱེར་སོ་རྒྱུན་འཁྱོངས་བྱེད་དགོས། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པར་ཀྲུང་ཧྭ་མི་རིགས་ཀྱི་ཕུགས་འདུན་དང་རེ་འདུན་བཅོལ་ཡོད་ལ། ཀྲུང་གོ་མི་དམངས་ཀྱི་འབད་འཐབ་དང་རྔུལ་ཆུ་ཡང་འདུས་ཡོད། ཀྲུང་གོའི་ལུགས་ཀྱི་དེང་རབས་ཅན་ནི་ཀྲུང་གོའི་གུང་ཁྲན་ཏང་དང་ཀྲུང་གོའི་མི་དམངས་ཀྱིས་དུས་ཡུན་རིང་པོའི་ལག་ལེན་དངོས་ཀྱི་ཁྲོད་ནས་འཚོལ་ཞིབ་བྱས་པའི་གྲུབ་འབྲས་ཤིག་ཡིན་པར་མ་ཟད། དེ་ནི་རླབས་ཆེ་ཞིང་དཀའ་ཚེགས་ཆེ་བའི་བྱ་གཞག་ཅིག་ཀྱང་རེད། གང་ཞིག་དཀའ་ཚེགས་ཆེ་བ་ཡིས། །
གང་དེ་རླབས་པོ་ཆེ་བར་འགྱུར། །གང་ཞིག་དཀའ་ཚེགས་ཆེ་བ་ཡིས། །གང་དེར་གཟི་བརྗིད་ལྡན་པར་འགྱུར། །བྱ་གཞག་དེའི་ཆེད་སྔོན་བྱོན་པ་གྲངས་ལས་འདས་པས་དཀའ་སྤྱད་འབད་འཐབ་གནང་ཡོད་པར་མ་ཟད། ཁོང་ཚོས་ལེགས་སྐྱེས་ཕུལ་བ་དང་རང་སྲོག་བློས་གཏོང་གནང་བ་ང་ཚོའི་སེམས་སུ་བརྟན་པོར་ངེས་ཡོད། ང་ཚོས་དཀའ་སྤྱད་འབད་འཐབ་དང་། འགན་འཁྲི་འཁུར་བ། ལས་འགན་སྒྲུབ་པ་བཅས་བྱས་ཏེ། ལོ་རྒྱུས་ཀྱི་རང་འགུལ་སྙིང་སྟོབས་དེ་བས་ཆེ་བར་བརྟེན་ནས་མར་ཁེ་སི་རིང་ལུགས་ཀྲུང་གོ་ཅན་དང་དུས་རབས་ཅན་ལ་སྐུལ་འདེད་བཏང་སྟེ། དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ལེའུ་གསར་པ་རྒྱུན་ཆད་མེད་པར་རྩོམ་དགོས་པ་དང་། ཀྲུང་ཧྭ་མི་རིགས་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་ནུས་ཤུགས་ཡོད་རྒུས་མངོན་འགྱུར་ཡོང་བར་བྱེད་དགོས།

ཞི་ཅིན་ཕིང་གིས་བསྟན་དོན། རྒྱང་སྐྱོད་ཀྱི་ལམ་བུ་གསར་པའི་ཐོག །ང་ཚོས་ཐོག་མཐའ་བར་གསུམ་དུ་ཐམས་ཅད་མི་དམངས་ཀྱི་ཆེད་དུ་ཡིན་པ་དང་ཐམས་ཅད་མི་དམངས་ལ་བརྟེན་རྒྱུ་མཐའ་འཁྱོངས་བྱེད་དགོས། བརྒྱུད་ཟིན་པའི་ལམ་བུར་ང་ཚོས་མི་དམངས་ལ་དམ་པོར་བརྟེན་ནས་ལོ་རྒྱུས་ཀྱི་དེབ་ཐེར་དུ་འགོད་ཆོག་པའི་རྒྱུགས་ལན་ཡང་ཡང་ཕུལ་ཡོད། མ་འོངས་པར་ཕྱོགས་སྐབས། ང་ཚོས་སྔར་བཞིན་མི་དམངས་ལ་བརྟེན་ནས་ལོ་རྒྱུས་ཀྱི་བྱ་གཞག་གསར་པ་གཏོད་དགོས། བཀག་རྒྱ་མང་ཞིང་ལམ་ཐག་རིང་ན་ཡང་། །མདུན་སྐྱོད་བྱས་ན་དམིགས་སར་ལོས་ཀྱིས་འབྱོར། །མདུན་སྐྱོད་ཀྱི་ལམ་བུའི་ཐོག་དྲག་ཆར་རླུང་འཚུབ་འཕྲད་ནའང་འདྲ་ཡང་ན་དྲག་ཏུ་འཕྱུར་བའི་རྦ་རླབས་གང་ཞིག་འཕྲད་རུང་མི་དམངས་ནི་ནམ་ཡང་ང་ཚོའི་ཆེས་སྲ་ཞིང་བརྟན་པའི་རྒྱབ་རྟེན་དང་ཆེས་སྟོབས་དང་ལྡན་པའི་གདིང་ཤུགས་ཡིན། ང་ཚོས་ཐོག་མཐའ་བར་གསུམ་དུ་མི་དམངས་དང་ཕྱར་བ་གྲུ་འདེགས་དང་མི་དམངས་དང་གཅིག་སེམས་གཅིག་འབྲེལ་བྱས་ཏེ། མི་དམངས་ཀྱིས་བསམ་བློ་གཏོང་སར་བསམ་བློ་གཏོང་བ་དང་མི་དམངས་ཀྱི་མངགས་བཅོལ་ལེགས་པར་བསྒྲུབས་ཏེ། མཛེས་སྡུག་ལྡན་པའི་འཚོ་བར་བཅངས་པའི་མི་དམངས་ཀྱི་རེ་འདོད་ཟམ་མི་ཆད་པར་མངོན་འགྱུར་ཡོང་བར་བྱེད་དགོས།

ཞི་ཅིན་ཕིང་གིས་ནན་གསུང་གནང་དོན། རྒྱང་ལམ་གསར་པའི་ཐོག །ང་ཚོས་ཐོག་མཐའ་བར་གསུམ་དུ་ཏང་གི་རང་ངོས་གསར་བརྗེར་སྐུལ་འདེད་གཏོང་དགོས། དཀའ་ཚེགས་མང་པོ་བརྒྱུད་མྱོང་ལ་ཐོག་མའི་བསམ་འདུན་མི་འགྱུར་བའི་ཏང་ཞིག་ཡིན་ཕྱིན། དེའི་བྱ་གཞག་གི་རྨང་གཞི་ནམ་ཡང་བརྟན་པོར་གནས་ཐུབ། འོད་སྟོང་འཕྲོ་བའི་བྱས་རྗེས་བཞག་ནས་སྔར་བཞིན་རང་ངོས་གསར་བརྗེ་བྱེད་ཕོད་པའི་ཏང་ཞིག་ཡིན་ཕྱིན། གང་དེ་གཞོམ་གཞིག་དང་བྲལ་བར་འགྱུར་ཐུབ། ལོ་ངོ་བརྒྱ་ཡི་རིང་རླུང་འཚུབ་དྲག་ཆར་དང་བསྲེག་བཅད་བརྡར་གསུམ་བརྒྱུད་པ་དང་།
ལྷག་པར་དུ་དུས་རབས་གསར་པའི་ལོ་བཅུ་ཡི་གསར་བརྗེའི་རང་བཞིན་གྱི་ཞུན་བརྡར་བརྒྱུད། ཀྲུང་གོའི་གུང་ཁྲན་ཏང་འདི་ཉིད་དེ་བས་འགྱུར་མེད་སྟོབས་ལྡན་དང་དེ་བས་གསོན་ཤུགས་ཀྱིས་ཕྱུག་པར་གྱུར་ཡོད། རྒྱང་ལམ་གསར་པའི་ཐོག་གི་འགྲན་རྩོད་གསར་པ་དང་ཚོད་བགམ་གསར་པའི་མདུན་དུ། ང་ཚོས་ངེས་པར་དུ་ཉེན་ཟོན་ཆེན་པོ་བྱེད་དགོས་པ་དང་། དུས་ནམ་ཡང་རྒྱུགས་ལེན་པའི་རིག་པ་དྭངས་གསལ་དང་གཟབ་ནན་རྒྱུན་འཁྱོངས་བྱེད་དགོས་པ། ཕྱོགས་ཡོངས་ནས་ཏང་ནན་གྱིས་སྐྱོང་བར་སྐུལ་འདེད་ཟམ་མི་ཆད་པར་བཏང་ནས་ལོ་བརྒྱའི་ཏང་ཆེན་པོ་འདི་ཉིད་རང་ངོས་གསར་བརྗེའི་ཁྲོད་སྐྱེ་སྟོབས་ཀྱི་དཔལ་འབར་བ་བྱེད་པ་དང་། ཐོག་མཐའ་བར་གསུམ་དུ་ཀྲུང་གོའི་མི་དམངས་ཀྱི་བློས་འཁེལ་ཤོས་དང་བརྟན་ཤོས་ཀྱི་སྲོག་ཤིང་ཞིག་ཏུ་འགྱུར་བར་བྱེད་དགོས།

ཞི་ཅིན་ཕིང་གིས་བསྟན་དོན། རྒྱང་ལམ་གསར་པའི་ཐོག །ང་ཚོས་མིའི་རིགས་ཀྱི་ཐུན་མོང་གི་རིན་ཐང་ཐོག་མཐའ་བར་གསུམ་དུ་དར་སྤེལ་གཏོང་དགོས། དེང་གི་འཛམ་གླིང་ལ་སྔར་བྱུང་མྱོང་མེད་པའི་འགྲན་རྩོད་འཕྲད་ཡོད། ང་ཚོས་སྔར་ནས་བཟུང་། མིའི་རིགས་ཀྱི་མདུན་ལམ་དང་ལས་དབང་ནི་འཛམ་གླིང་རྒྱལ་ཁབ་ཁག་གི་མི་དམངས་ཀྱིས་སྟངས་འཛིན་དང་ཐག་གཅོད་བྱེད་དགོས་པའི་འདོད་ཚུལ་འཛིན་གྱི་ཡོད། ཚང་མས་གནམ་འོག་གི་བདེན་ལམ་ཐོག་བསྐྱོད་ཚེ། རྒྱལ་ཁབ་ཁག་འཆམ་མཐུན་མཉམ་གནས་དང་མཉམ་ལས་མཉམ་ཁེ་ཐུབ་པར་མ་ཟད། ལག་གདང་སྦྲེལ་ནས་འཛམ་གླིང་གི་མཛེས་སྡུག་ལྡན་པའི་འབྱུང་འགྱུར་གཏོད་ཐུབ། ང་ཚོས་རྒྱལ་ཁབ་ཁག་གི་མི་དམངས་དང་མཉམ་དུ་ཞི་བདེ་དང་། འཕེལ་རྒྱས། འདྲ་མཉམ། དྲང་བདེན། དམངས་གཙོ། རང་དབང་བཅས་ཀྱི་མིའི་རིགས་ཡོངས་ཀྱི་ཐུན་མོང་རིན་ཐང་དར་སྤེལ་གཏོང་བ་དང་། འཛམ་གླིང་གི་ཞི་བདེ་སྲུང་སྐྱོང་དང་འཛམ་གླིང་གི་འཕེལ་རྒྱས་ལ་སྐུལ་འདེད་བཏང་ནས། མིའི་རིགས་ཀྱི་ལས་དབང་གཅིག་མཐུན་འདུས་གྲུབ་གཏོད་རྒྱུར་རྒྱུན་མཐུད་སྐུལ་འདེད་གཏོང་བཞིན་ཡིན།

ཞི་ཅིན་ཕིང་གིས་ནན་གསུང་གནང་དོན། ཀྲུང་གོའི་འཕེལ་རྒྱས་ནི་འཛམ་གླིང་དང་ཁ་བྲལ་ཐབས་མེད་ལ། འཛམ་གླིང་གི་འཕེལ་རྒྱས་ཀྱང་ཀྲུང་གོ་དང་ཁ་བྲལ་ཐབས་མེད། བཅོས་བསྒྱུར་སྒོ་འབྱེད་བྱས་ནས་ལོ་ངོ་40ལྷག་ཙམ་སོང་རིང་འབད་བརྩོན་ལྷོད་མེད་བྱས་པ་བརྒྱུད། ང་ཚོས་དཔལ་འབྱོར་མགྱོགས་མྱུར་འཕེལ་རྒྱས་དང་སྤྱི་ཚོགས་ཡུན་རིང་བརྟན་བརླིང་གི་ངོ་མཚར་ཆེན་པོ་གཉིས་བཏོད་ཡོད། ད་ལྟ། ཀྲུང་གོའི་དཔལ་འབྱོར་གྱི་ལྡེམ་ཤུགས་ཆེ་བ་དང་། གདིང་ཤུགས་འདང་ངེས་ཡོད་པ། བསྐྱར་འཁོར་བྱེད་གཞི་ཆེ་བ་བཅས་ཡོད་ཅིང་། ཡུན་རིང་ལེགས་པའི་ཕྱོགས་སུ་འཕེལ་རྒྱས་འགྲོ་བའི་གཞི་རྩའི་གནས་ཚུལ་ལ་འགྱུར་བ་འགྲོ་མི་སྲིད། ཀྲུང་གོའི་སྒོ་མོ་འབྱེད་རྒྱ་སྔར་བས་ཆེ་རུ་འགྲོ་ངེས་རེད། ང་ཚོས་བློ་བརྟན་འགྱུར་མེད་ངང་བཅོས་བསྒྱུར་སྒོ་འབྱེད་ཕྱོགས་ཡོངས་ནས་གཏིང་ཟབ་ཏུ་གཏོང་བ་དང་། བློ་བརྟན་འགྱུར་མེད་ངང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་སྟེ། རང་ངོས་འཕེལ་རྒྱས་ལ་བརྟེན་ནས་འཛམ་གླིང་ལ་གོ་སྐབས་དེ་བས་མང་བ་གཏོད་བཞིན་ཡིན།

ཞི་ཅིན་ཕིང་གིས་བསྟན་དོན། རྒྱང་ལམ་གསར་པ་ནི་གཟི་བརྗིད་དང་ཕུགས་འདུན་གྱིས་ཕྱུག་པའི་རྒྱང་ལམ་ཞིག་རེད། འཆར་གཞི་བཀོད་ཟིན་ལ། དུང་བརྡ་ཡང་བཏང་ཟིན། ང་ཚོས་དཀའ་སྤྱད་འབད་འབུངས་དང་ཞུམ་མེད་མདུན་སྐྱོད་བྱས་ནས་དེ་བས་འོད་སྟོང་འཕྲོ་བའི་འབྱུང་འགྱུར་གཏོད་རྒྱུར་འབད་བརྩོན་བྱེད་དགོས།

ཞི་ཅིན་ཕིང་གིས་མཇུག་ཏུ། ཉིན་ཤས་རིང་། གྲོགས་པོ་གསར་འགོད་པ་ཚོས་ཚོགས་ཆེན་གྱི་གནས་ཚུལ་འགོད་སྤེལ་ཡག་པོ་བྱས་ཏེ་འཛམ་གླིང་ཡོངས་ལ་ཀྲུང་གོའི་གསུང་སྒྲ་བརྒྱུད་བསྒྲགས་དང་ཀྲུང་གོའི་གུང་ཁྲན་ཏང་གི་འདོད་ཚུལ་བརྒྱུད་བསྒྲགས་བྱས་པས་འཛམ་གླིང་གིས་ཀྲུང་གོར་དོ་ཁུར་ཆེན་པོ་བྱུང་ཡོད། ཁྱེད་ཚོས་ལས་དོན་ཧུར་ཐག་བསྒྲུབས་པར་ཐུགས་རྗེ་ཆེ་ཞུ་རྒྱུ་ཡིན། ལྷན་རྒྱས་སྐུ་ལས་ཁག་སོང་། ལྷན་རྒྱས་ཀྱིས་ཀྲུང་གོའི་ས་གནས་ཁག་ཏུ་མང་ཙམ་ཕེབས་པ་དང་མང་ཙམ་གཟིགས་ནས། དོན་དངོས་དང་མཐུན་པའི་སྒོ་ནས་འཛམ་གླིང་ལ་ཀྲུང་གོའི་གཏམ་རྒྱུད་ཡག་པོ་བརྗོད་པ་དང་། ཀྲུང་གོའི་གུང་ཁྲན་ཏང་གི་གཏམ་རྒྱུད་ཡག་པོ་བརྗོད་པ། ང་ཚོས་བརྒྱུད་བཞིན་པའི་དུས་རབས་གསར་པའི་གཏམ་རྒྱུད་ཡག་པོ་བརྗོད་པ་བཅས་བྱ་རྒྱུར་དགའ་བསུ་ཞུ་བ་ཡིན་ཞེས་གསུངས།

ཆུ་ཚོད་12དང་སྐར་མ་30ཡི་ཐོག་མཇལ་འཕྲད་ཚོགས་འདུ་གྲོལ་བ། ཞི་ཅིན་ཕིང་སོགས་ཀྱིས་ཀྲུང་ཕྱིའི་གསར་འགོད་པར་ཕྱག་གཡུག་གཡུག་གནང་སྟེ་ཚོགས་ར་ནས་ཞལ་གྱེས་པ་དང་། ཚོགས་ར་ཡོངས་སུ་སླར་ཡང་སྤྲོ་སེམས་འཁོལ་བའི་ཐལ་མོ་རྡེབ་སྒྲ་གྲགས།

ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་དང་ཞིན་ཧྭ་དྲ་བས་ཡུལ་དངོས་ནས་ཐད་གཏོང་བྱས། ། 

新华社北京10月23日电 刚刚在中国共产党第二十届中央委员会第一次全体会议上当选的中共中央总书记习近平和中共中央政治局常委李强、赵乐际、王沪宁、蔡奇、丁薛祥、李希，23日中午在人民大会堂同采访中共二十大的中外记者亲切见面。

人民大会堂金色大厅华灯璀璨、气氛热烈庄重。600多名中外记者来到这里，向全球报道新一届中共中央政治局常委的首次集体亮相。

12时5分，习近平等在热烈的掌声中步入大厅，向在场的中外记者挥手致意。

在中共二十大新闻发言人孙业礼作简要介绍后，习近平发表了重要讲话。习近平首先表示，很高兴在这里同各位记者朋友见面。昨天，中国共产党第二十次全国代表大会已经胜利闭幕了。这是一次高举旗帜、凝聚力量、团结奋进的大会。国际社会对中共二十大高度关注。许多国家的政党发来了贺电贺信，其中很多是国家元首、政府首脑、政党和重要组织机构领导人发来的。在此，我谨代表中共中央，致以诚挚谢意。

习近平向大家介绍了中共中央政治局常务委员会的其他成员后，代表新一届中共中央领导成员衷心感谢全党同志的信任，表示一定牢记党的性质和宗旨，牢记自己的使命和责任，恪尽职守、勤勉工作，决不辜负党和人民重托。

习近平指出，经过全党全国各族人民共同努力，我们如期全面建成小康社会、实现了第一个百年奋斗目标。现在，我们正意气风发迈上全面建设社会主义现代化国家新征程，向第二个百年奋斗目标进军，以中国式现代化全面推进中华民族伟大复兴。

习近平强调，新征程上，我们要始终保持昂扬奋进的精神状态。全面建设社会主义现代化国家寄托着中华民族的夙愿和期盼，凝结着中国人民的奋斗和汗水。中国式现代化是中国共产党和中国人民长期实践探索的成果，是一项伟大而艰巨的事业。惟其艰巨，所以伟大；惟其艰巨，更显荣光。为了这一事业，无数先辈筚路蓝缕、披荆斩棘，进行了艰苦卓绝的奋斗，我们心中永远铭记着他们的奉献和牺牲。我们要埋头苦干、担当作为，以更加强烈的历史主动精神推进马克思主义中国化时代化，不断谱写新时代中国特色社会主义新篇章，奋力实现中华民族伟大复兴的中国梦。

习近平指出，新征程上，我们要始终坚持一切为了人民、一切依靠人民。一路走来，我们紧紧依靠人民交出了一份又一份载入史册的答卷。面向未来，我们仍然要依靠人民创造新的历史伟业。道阻且长，行则将至。前进道路上，无论是风高浪急还是惊涛骇浪，人民永远是我们最坚实的依托、最强大的底气。我们要始终与人民风雨同舟、与人民心心相印，想人民之所想，行人民之所嘱，不断把人民对美好生活的向往变为现实。

习近平强调，新征程上，我们要始终推进党的自我革命。一个饱经沧桑而初心不改的党，才能基业常青；一个铸就辉煌仍勇于自我革命的党，才能无坚不摧。百年栉风沐雨、淬火成钢，特别是新时代10年革命性锻造，中国共产党更加坚强有力、更加充满活力。面对新征程上的新挑战新考验，我们必须高度警省，永远保持赶考的清醒和谨慎，驰而不息推进全面从严治党，使百年大党在自我革命中不断焕发蓬勃生机，始终成为中国人民最可靠、最坚强的主心骨。

习近平指出，新征程上，我们要始终弘扬全人类共同价值。当今世界面临前所未有的挑战。我们历来主张，人类的前途命运应该由世界各国人民来把握和决定。只要共行天下大道，各国就能够和睦相处、合作共赢，携手创造世界的美好未来。我们将同各国人民一道，弘扬和平、发展、公平、正义、民主、自由的全人类共同价值，维护世界和平、促进世界发展，持续推动构建人类命运共同体。

习近平强调，中国发展离不开世界，世界发展也需要中国。经过改革开放40多年不懈努力，我们创造了经济快速发展和社会长期稳定两大奇迹。现在，中国经济韧性强、潜力足、回旋余地广，长期向好的基本面不会改变。中国开放的大门只会越来越大。我们将坚定不移全面深化改革开放，坚定不移推动高质量发展，以自身发展为世界创造更多机遇。

习近平指出，新征程是充满光荣和梦想的远征。蓝图已经绘就，号角已经吹响。我们要踔厉奋发、勇毅前行，努力创造更加灿烂的明天。

习近平最后说，几天来，记者朋友们对大会进行了充分报道，向全世界传递中国声音、传播中国共产党的主张，使世界的目光注视中国。感谢你们的辛勤工作，大家辛苦了。欢迎大家多到中国各地走一走、看一看，客观真实向世界讲好中国故事，讲好中国共产党故事，讲好我们正在经历的新时代故事。

12时30分，见面会结束。习近平等向中外记者挥手道别。全场再次响起热烈的掌声。

中央广播电视总台和新华网进行了现场直播。