ལོ་བཅུའི་གྲུབ་འབྲས་གཡུར་དུ་ཟ། རྫོགས་ལྡན་འབྱུང་འགྱུར་རེ་བས་བསུ།

ཝུན་ཅང་ཆུས་ཀྱིས་གསེར་རྟ་རྫོང་ལ་ཁ་གཏད་རོགས་སྐྱོར་བྱས་ནས་ལོ་ངོ་བཅུ་ལོན་པའི་ལས་ཀའི་དངོས་ཟིན།

 རྩོམ་སྒྲིག་པའི་གཏམ།

“ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་ཞེས་པ་ནི་མི་རིགས་ཁག་གི་མི་དམངས་ལ་སྣེ་ཁྲིད་བྱས་ཏེ་བདེ་སྡུག་མཉམ་མྱོང་དང་། ཁྲེལ་གྲགས་མཉམ་ཁུར། ཤི་གསོན་མཉམ་གནས། ལས་དབང་གཅིག་མཐུན་བཅས་ཀྱི་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་དེ་རེད”ཅེས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཀྲུང་དབྱང་མི་རིགས་ལས་དོན་ཚོགས་འདུའི་ཐོག་ཏང་དང་རྒྱལ་ཁབ་ཀྱི་བྱ་བཞག་འཕེལ་རྒྱས་ཀྱི་ཁྱོན་ཡོངས་འཐབ་ཇུས་ཀྱི་མཐོ་ཚད་ཐོག་ནས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུའི་གལ་ཆེའི་དོན་སྙིང་གསལ་བཤད་གཏིང་ཟབ་གནང་བ་རེད།

        ཏང་གི་ཚོགས་ཆེན་བཅོ་བརྒྱད་པའི་ཚུན། ཝུན་ཅང་ཆུས་ཀྱིས་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་གཏོང་བ་སྤྱི་འདོམས་སུ་རྒྱུན་འཁྱོངས་བྱས་ཏེ། གནད་སྨིན་དབུལ་སྐྱོར་དང་དམངས་འཚོ་ལེགས་བཅོས། ཐོན་ལས་གསོ་སྤེལ་གཙོ་གནད་དུ་བཟུང་ནས། “ཁྲག་འདྲེན་རྣམ་པའི”རོགས་སྐྱོར་དང“ཁྲག་སྐྲུན་རྣམ་པའི”རོགས་སྐྱོར་ཟུང་དུ་སྦྲེལ་ནས་གསེར་རྟ་རྫོང་གི་དཔལ་འབྱོར་དང་སྤྱི་ཚོགས་ཕྱོགས་ཡོངས་ནས་འཕེལ་རྒྱས་གཏོང་བར་སྐུལ་འདེད་ནུས་ལྡན་ཐེབས་ཡོད། ཐེངས་འདིའི་ལེ་ཚན་དུ“མཐོ་སྒང་ལ་གཅེས་སེམས་ཕུལ”ཞེས་པའི་བརྗོད་དོན་གཙོ་བོར་བྱས་ཏེ། ཁྲེན་ཏུའུ་གྲོང་ཁྱེར་ཝུན་ཅང་ཆུས་ཀྱིས་གསེར་རྟ་རྫོང་ལ་ལོ་བཅུའི་རིང་རོགས་སྐྱོར་འཛུགས་སྐྲུན་བྱས་པའི་གྲུབ་འབྲས་ཕྱོགས་བསྡོམས་དང་དབུལ་སྐྱོར་གཏམ་རྒྱུད་བརྗོད་ཡོད།

ཝུན་ཅང་གིས་གསེར་རྟར་རོགས་སྐྱོར་བྱས་ནས་བསྐྲུན་པའི་གེ་སར་འཁྲབ་སྟོན་ལྟེ་གནས།

        དེ་ཡང་2012ལོར་དཀར་མཛེས་ཁུལ་གསེར་རྟ་རྫོང་ལ་ཁ་གཏད་རོགས་སྐྱོར་བྱས་ཚུན། ཝུན་ཅང་ཆུས་ཨུ་དང་ཆུས་སྲིད་གཞུང་གིས“ཀྲུང་དབྱང་དང་ཞིང་ཆེན། གྲོང་ཁྱེར་གྱིས་མཛུབ་སྟོན་དང་། གསེར་རྟ་ལ་མཁོ་བ། ཝུན་ཅང་གིས་སྒྲུབ་ཐུབ་པ”བཅས་ཀྱི་འདུ་ཤེས་མཐའ་འཁྱོངས་བྱས་ནས། ཆུས་ཀྱིས་གསེར་རྟ་རྫོང་ལ་ཁ་གཏད་རོགས་སྐྱོར་བྱེད་པའི་ལས་དོན་འགོ་ཁྲིད་ཚོ་ཆུང་བཙུགས་པ་དང་། ཆུས་ཨུ་དང་ཆུས་སྲིད་གཞུང་གི་འགོ་ཁྲིད་གཙོ་བོས་དུས་བཀག་བཞིན་ཁ་གཏད་རོགས་སྐྱོར་ལས་དོན་ལ་ཆེད་དོན་ཞིབ་འཇུག་བྱས་ནས། ལོ་ལྟར་རུ་ཁག་གི་སྣེ་ཁྲིད་དེ་གསེར་རྟ་རྫོང་དུ་ཁ་གཏད་རོགས་སྐྱོར་ལས་དོན་ལ་རྟོག་ཞིབ་དང་སྐུལ་འདེད་གཏོང་བ་མཐའ་འཁྱོངས་བྱས་ཏེ། ལས་དོན་ལ་སྐུལ་སྤེལ་ཁྲོད་ཀྱི་གནད་དོན་གལ་ཆེན་མཐུན་སྦྱོར་ངང་ཐག་གཅོད་བྱས་ཤིང་། རེས་སྐོར་6གི་ཁ་གཏད་རོགས་སྐྱོར་ལས་བྱེད་པ་162བདམས་ཏེ་ཁ་གཏད་རོགས་སྐྱོར་ལས་ཀ་ལེགས་སྒྲུབ་བྱས་པ་དང་། བསྡོམས་རྩིས་ལྟར་ན་སྲིད་གཞུང་གི་མ་དངུལ་དང་སྤྱི་ཚོགས་ཀྱི་མ་དངུལ་སྒོར་དུང་ཕྱུར་2.2ལྷག་བཏང་བར་མ་ཟད། རེས་སྐོར་གཉིས་ཀྱི་ཁ་གཏད་རོགས་སྐྱོར་ལས་དོན་ལེགས་སྒྲུབ་བྱས་ནས་གསེར་རྟའི་མི་དམངས་ཀྱི་དབུལ་གྲོལ་འབྱོར་འབྲིང་ཕྱོགས་སུ་སྐྱོད་པའི་ལོ་ངོ་སྟོང་གི་ཕུགས་འདུན་མངོན་འགྱུར་ཡོང་བར་རམ་འདེགས་བྱས་ཡོད།

གནུབས་ཟུར་གསེར་གཏེར་བསྐྱར་གསོའི་གཟན་རྩྭ་འདེབས་འཛུགས་རྟེན་གཞི།

        2012ལོ་ནས་ད་བར་ཝུན་ཅང་ཆུས་ཀྱིས་བསྡོམས་པས་སྲིད་གཞུང་གི་མ་དངུལ་དང་སྤྱི་ཚོགས་ཀྱི་མ་དངུལ་སྒོར་ཁྲི་21788བཏང་ནས་གསེར་རྟ་རྫོང་ལ་རྣམ་གྲངས་35རོགས་སྐྲུན་བྱས་པ་དེའི་ནང་དམངས་འཚོའི་རྣམ་གྲངས་7དང་། ཐོན་ལས་རྣམ་གྲངས་7 བདེ་སྡོད་རྣམ་གྲངས་5 སྐྱེ་ཁམས་རྣམ་གྲངས་1 རྣམ་གྲངས་གཞན་པ་15བཅས་ཡོད་པ་དང་། གསེར་རྟ་རྫོང་ཆ་ཚང་སློབ་ཆུང་གཉིས་པ། སྦོ་མདའ་གྲོང་རྡལ་ལྟེ་བའི་འཕྲོད་བསྟེན་ཁང་། གེ་སར་རིག་གནས་སྒྱུ་རྩལ་ལྟེ་གནས། ཞིང་ཕྱུགས་ཐོན་རྫས་ཉོ་ཚོང་ལྟེ་གནས། ཁམས་བདེ་སྤྱི་ཁུལ་དབུལ་སྐྱོར་གནས་སྤོ་དང་ལྗང་འགྱུར་སོགས་རོགས་འཛུགས་རྣམ་གྲངས་གལ་ཆེན་17སྔ་རྗེས་སུ་ལེགས་གྲུབ་བྱུང་བ་དང་། ཀྲུང་ལུགས་དང་བོད་ལུགས་སྨན་རྩྭ་འདེབས་འཛུགས་དཔེ་སྟོན་རྟེན་གཞི་དང་གྲོང་གསེབ་དར་རྒྱས་སྔོན་སྐྱོད་དཔེ་སྟོན་གྲོང་ཚོ་སོགས་ཀྱི་རྣམ་གྲངས་5འཛུགས་སྐྲུན་བྱེད་བཞིན་པ་རེད།

ལོ་ངོ་བཅུའི་ཁ་གཏད་རོགས་སྐྱོར་བྱས་པ་བརྒྱུད། 2020ལོར་གསེར་རྟ་རྫོང་ཡོངས་ཀྱི་གྲོང་ཚོ་དབུལ་པོ་89ཚང་མ་དབུལ་གྲོལ་བྱུང་བ་དང་། དུད་ཚང་3785ཡི་དབུལ་པོ་མི་འབོར་16757ཚང་མ་དབུལ་གྲོལ་བྱུང་བ། དབུལ་པོར་འགྱུར་ཚད་32.5%ནས་0མར་ཆག་པ། “རྫོང་ཡོངས་ཀྱི་དབུལ་ཞྭ་འབུད་པའི”ལས་དོན་ལ་ཞིང་ཆེན་རིམ་པའི་དཔྱད་ཞིབ་དང་ཕྱོགས་གསུམ་པའི་དཔྱད་དཔོག་བདེ་བླག་གྲུབ་ཏེ། 2020ལོའི་ཟླ་2པའི་ཚེས་18ཉིན་སི་ཁྲོན་ཞིང་ཆེན་མི་དམངས་སྲིད་གཞུང་གིས་གསེར་རྟ་རྫོང་དབུལ་ཕོངས་རྫོང་ནས་ཕྱིར་འཐེན་བྱ་རྒྱུར་ཆོག་མཆན་གནང་།

ཝུན་ཅང་ཆུས་ཀྱི་རོགས་སྐྱོར་འཛུགས་སྐྲུན་བྱས་པའི་གེ་སར་རིག་གནས་སྒྱུ་རྩལ་ལྟེ་གནས།

        2010ལོའི་ཟླ་6པ་ནས་2012ལོའི་ཟླ་7པའི་བར། ཝུན་ཅང་ཆུས་ཀྱི་ཁག་དང་པོའི་རོགས་སྐྱོར་ལས་བྱེད་པ་7གྱིས་སི་ཁྲོན་ཞིང་ཨུའི“ཁག་དང་པོའི་ལས་བྱེད་ཤེས་ལྡན་མི་སྣ་སྟོང་གིས་བོད་འབྲེལ་ས་ཁུལ་ལ་རོགས་སྐྱོར་བྱེད་པའི་བྱ་སྤྱོད”ཀྱི་འབོད་སྐུལ་དང་ལེན་ཞུས་ཏེ་གསེར་རྫོང་དུ་བསྐྱོད་ནས། ཝུན་ཅང་དང་གསེར་རྟ་ས་ཆ་གཉིས་ཀྱི་རོགས་སྐྱོར་ལས་ཀའི་འགོ་བཙུགས།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་དང་པོའི་མཉམ་པར།

        2012ལོའི་ཟླ་7པ་ནས་2014ལོའི་ཟླ་7པའི་བར། ཝུན་ཅང་ཆུས་ཀྱི་ཁག་གཉིས་པའི་རོགས་སྐྱོར་ལས་བྱེད་པ་20གསེར་རྟ་རུ་བསྐྱོད་དེ་ཁ་གཏད་རོགས་སྐྱོར་གྱི་རྒྱང་སྐྱོད་ལམ་བུར་དངོས་སུ་ཞུགས་པ་དང་། 《ཁྲེང་ཏུའུ་གྲོང་ཁྱེར་ཝུན་ཅང་ཆུས་ཀྱིས་གསེར་རྟ་རྫོང་ལ་ཁ་གཏད་རོགས་སྐྱོར་བྱེད་པའི་ལོ་ལྔའི་ལག་བསྟར་འཆར་འགོད（2012ལོ་ནས་2016ལོ་བར）》གཏན་འབེབས་བྱེད་པར་ཞུགས་ཤིང་། རྫོང་ཆ་ཚང་སློབ་ཆུང་གཉིས་པ་དང་། སྦོ་མདའ་གྲོང་རྡལ་ལྟེ་བའི་འཕྲོད་བསྟེན་ཁང་། གེ་སར་རིག་གནས་སྒྱུ་རྩལ་ལྟེ་གནས་བཅས་རྣམ་གྲངས་འཛུགས་སྐྲུན་ལག་བསྟར་བྱས།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་གཉིས་པའི་མཉམ་པར།

        2014ལོའི་ཟླ་8པ་ནས་2016ལོའི་ཟླ་8པའི་བར། ཝུན་ཅང་ཆུས་ཀྱི་ཁག་གསུམ་པའི་ཁ་གཏད་རོགས་སྐྱོར་ལས་བྱེད་པ་21གསེར་རྟ་རུ་བསྐྱོད་ནས། གསེར་རྟ་རྫོང་ཡར་ལུང་ཡུལ་ཤོག་ཏུ་གྲོང་ཚོ་རིམ་པའི་གསོ་སྤེལ་ཆེད་ལས་མཉམ་ལས་ཁང་དང་། ས་གནས་གཉིས་ཀྱི་ཤང་གྲོང་གི“གཅིག་གཏད་གཅིག”གི་ཆ་སྒྲིག་མཉམ་སྐྲུན་ལས་དོན། དེ་མིན“དགེ་རྒན་གྲགས་ཅན་གྱི་འཆད་ཁྲིད་ཚོགས་པའི”སློབ་ཁྲིད་སྐྱེལ་བའི་བྱེད་སྒོ་ལག་བསྟར་བྱས།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་གསུམ་པའི་མཉམ་པར།

        2016ལོའི་ཟླ་9པ་ནས་2018ལོའི་ཟླ་9པའི་བར། ཝུན་ཅང་ཆུས་ཀྱི་ཁག་བཞི་པའི་ཁ་གཏད་རོགས་སྐྱོར་ལས་བྱེད་པ་28གསེར་རྟ་རུ་བསྐྱོད་པ་དང་། 《ཁྲེང་ཏུའུ་གྲོང་ཁྱེར་ཝུན་ཅང་ཆུས་ཀྱིས་གསེར་རྟ་རྫོང་ལ་ཁ་གཏད་རོགས་སྐྱོར་བྱེད་པའི་འཆར་འགོད（2017ལོ་ནས་2021ལོའི་བར）》གཏན་འབེབས་བྱེད་པར་ནང་ཞུགས་བྱས་ཤིང་། དབུལ་ཕོངས་མང་ཚོགས་ཀྱི་སྡོད་ཁང་གི་དཀའ་ངལ་སེལ་བ་དང་། གྲོང་གསེབ་ཡུལ་སྐོར་མགྲོན་ཁང་དང་ཡུལ་གཞན་དུ་གནས་སྤོ་བཀོད་སྒྲིག་དཔེ་སྟོན་ས་ཚིགས། དེ་མིན“ཁེ་ལས་ཁྲི་ཡིས་གྲོང་ཚོ་ཁྲི་ལ་རོགས་རམ་བྱེད་པའི”བྱ་སྤྱོད་ལས་ཞོག་ཁོག་སྨུག་པོའི་དཔེ་སྟོན་འདེབས་འཛུགས་གླིང་སོགས་ཀྱི་རྣམ་གྲངས་འཛུགས་སྐྲུན་ལག་བསྟར་བྱས།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་བཞི་པའི་མཉམ་པར།

        2018ལོའི་ཟླ་10པ་ནས་2021ལོའི་ཟླ་4པའི་བར། ཝུན་ཅང་ཆུས་ཀྱི་ཁག་ལྔ་པའི་ཁ་གཏད་རོགས་སྐྱོར་ལས་བྱེད་པ་61སྟེ། དེའི་ནང་ཁ་གཏད་རོགས་སྐྱོར་ལས་བྱེད་ཤེས་ལྡན་མི་སྣ་28དང་། འགན་བཏགས་བྱས་པའི་དབུལ་ཕོངས་ཤང་གྲོང་གི་ཧྲུའུ་ཅི་གཞོན་པ་8དང་གྲོང་ཚོར་བཅའ་སྡོད་ལས་བྱེད་པ་25གསེར་རྟ་རུ་བསྐྱོད་ནས། གེ་སར་རིག་གནས་གླིང་ཁུལ་གྱི་ཚོང་དོན་དབུལ་སྐྱོར་ཕྱོགས་བསྡུས་གཙོ་གཟུགས་ཏེ་ཤང་གྲོང་སྤུས་དག་ཨར་ཁང（གསེར་རྟའི་གནམ་མཐའི་གསོལ་མགྲོན་ཁང）དང་། ཤེལ་གྲུབ་ཡུལ་ཤོག་གི་སྔོ་ཚལ་རྟེན་གཞི། གསེར་རྟ་རྫོང་གི་ཞིང་འབྲོག་ཐོན་རྫས་ཉོ་ཚོང་ལྟེ་གནས་སོགས་ཀྱི་རྣམ་གྲངས་ལག་བསྟར་བྱས།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་ལྔ་པའི་མཉམ་པར།

        2021ལོའི་ཟླ་5པ་ནས་ད་བར། ཝུན་ཅང་ཆུས་ཀྱི་ཁག་དྲུག་པའི་ཁ་གཏད་རོགས་སྐྱོར་ལས་བྱེད་པ་25གསེར་རྟ་རུ་བསྐྱོད་དེ། 《ཁྲེང་ཏུའུ་གྲོང་ཁྱེར་ཝུན་ཅང་ཆུས་ཀྱིས་དཀར་མཛེས་ཁུལ་གསེར་རྟ་རྫོང་ལ་ཁ་གཏད་རོགས་སྐྱོར་བྱེད་པའི་འཆར་འགོད（2021ལོ་ནས་2025ལོ་བར）》གཏན་འབེབས་བྱེད་པར་ནང་ཞུགས་བྱས་ནས། གསེར་རྟ་རྫོང་གི་སྨན་རྫས་སྙིགས་རོ་ཐག་གཅོད་ལྟེ་གནས་དང་། གསེར་རྟ་རྫོང་གྲོང་གསེབ་དར་རྒྱས་སྔོན་སྐྱོད་དཔེ་སྟོན་གྲོང་སོགས་ཀྱི་རྣམ་གྲངས་ལག་བསྟར་བྱས་པ་དང་། དེ་མིན“ལྟེ་གནས་གཅིག་དང་ལས་སྟེགས་གཉིས”ཀྱི་ངལ་ནུས་ཕྱིར་གཏོང་བྱེད་སྟངས་གསར་པ་བཏོད་ནས་མི་1183ལ་ལས་ཞུགས་གཞན་སྒྱུར་བྱེད་རོགས་བྱས་ཏེ་དུད་ཚང་386དབུལ་གྲོལ་ཐུབ་པ་རེད།

ཝུན་ཅང་ཆུས་ཀྱི་རོགས་སྐྱོར་ལས་བྱེད་པ་ཁག་དྲུག་པའི་མཉམ་པར།

        ལོ་བཅུའི་རིང་། གསེར་རྟ་རྫོང་གི་ས་གནས་ཀྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་4.29ནས་སྒོར་དུང་ཕྱུར་16.59བར་འཕར་བ་དེ་བསྡུར་གཞི་ཡོད་པའི་འཕར་ཚད་ལས་287%འཕར་བ་དང་། ལོ་རེར་ཆ་སྙོམས་འཕར་ཚད་7.8%ཟིན་པ། ས་གནས་ཀྱི་སྤྱིར་བཏང་གི་སྤྱི་པའི་སྔོན་རྩིས་དེ་སྒོར་ཁྲི་2000ནས་སྒོར་ཁྲི་5900བར་བསྣན་པས་195%འཕར་བ། སྤྱི་ཚོགས་ཡོངས་ཀྱི་གཏན་འཇགས་རྒྱུ་ནོར་ལ་མ་དངུལ་འཇོག་གྲངས་སྒོར་དུང་ཕྱུར་4.41ནས་སྒོར་དུང་ཕྱུར་11.79བར་འཕར་ནས་167%འཕར་ཡོད། བཟོ་ལས་ཀྱི་འཕར་ཐང་སྒོར་ཁྲི་790ནས་སྒོར་ཁྲི་1700བར་འཕར་ནས་115%འཕར་བ། སྤྱི་ཚོགས་ཀྱི་འཛད་སྤྱོད་ཚོང་རྫས་སིལ་འཚོང་བྱེད་གྲངས་བསྡོམས་འབོར་སྒོར་དུང་ཕྱུར་1.06ནས་སྒོར་དུང་ཕྱུར་3.55བར་འཕར་ནས་235%འཕར་ཡོད། ཝུན་ཅང་ཆུས་ཀྱིས་སེམས་ཤུགས་ཆེན་མོའི་ངང་རོགས་སྐྱོར་བྱས་པ་བརྒྱུད། གསེར་རྟ་རྫོང་གི་དམངས་འཚོ་ལེགས་བཅོས་ཡོང་འཕར་མངོན་འགྱུར་བྱུང་ཡོད་དེ། ལོ་གཉིས（2016ལོ་ནས་2018ལོའི་བར）རིང་བསྡོམས་པས་རོགས་སྐྱོར་མ་དངུལ་སྒོར་ཁྲི་5211བཏང་ནས་འགན་སྲུང་རང་བཞིན་གྱི་སྡོད་ཁང་འཛུགས་སྐྲུན་རྣམ་གྲངས་ལག་བསྟར་བྱས་ཏེ། དཀར་མཛེས་ཁུལ་གྱི་གཞི་ཁྱོན་ཆེ་ཤོས་དང་ཆ་རྐྱེན་ལེགས་ཤོས། རྨང་གཞིའི་སྒྲིག་བཀོད་ལྷུ་ལག་ཚང་ཤོས་བཅས་ཀྱི་གནས་སྤོ་བཀོད་སྒྲིག་བྱ་ཡུལ་སྟེ། ཁམས་བདེ་སྤྱི་ཁུལ་སྐྲུན་པ་དང་། 2020ལོར་སླར་ཡང་རོགས་སྐྱོར་མ་དངུལ་སྒོར་ཁྲི་320བཏང་ནས་ཁམས་བདེ་སྤྱི་ཁུལ་གྱི་ལྗང་འགྱུར་ཆུ་ཚད་མཐོ་རུ་བཏང་བར་མ་ཟད། “མི་རིགས་མཐུན་སྒྲིལ་ཡར་ཐོན་གྱི་མཛའ་བརྩེའི་ནགས་ཚལ”བསྐྲུན་ནས་སྤྱི་ཁུལ་མཛེས་ལྗོངས་ཁུལ་དུ་འགྱུར་རྒྱུར་སྐུལ་འདེད་བཏང་ཡོད། ལོ་གསུམ（2016ལོ་ནས་2019ལོའི་བར）ནང་རོགས་སྐྱོར་མ་དངུལ་སྒོར་ཁྲི་1360བཏང་ནས་གསེར་རྟ་རྫོང་ཞིང་ཕྱུགས་ཐོན་རྫས་ཉོ་ཚོང་ལྟེ་གནས་བསྐྲུན་པ་དང་འཛུགས་སྐྲུན་རྒྱ་ཁྱོན་ལ་སྨི་གྲུ་བཞི་མ་3102ཟིན་པས། རྒྱ་ཆེའི་ཞིང་འབྲོག་མང་ཚོགས་ལ་ཞིང་ཕྱུགས་ཐོན་རྫས་བྲིན་ཚོང་ཉོ་ཚོང་ལས་སྟེགས་བཏོད་དེ་ཞིང་ཕྱུགས་ཐོན་རྫས་ཐག་ཉེ་སར“གཅིག་འཐུས་རྣམ་པའི”བྲིན་ཚོང་ཐུབ་པ་མངོན་འགྱུར་བྱུང་བར་མ་ཟད། རྣམ་གྲངས་དེ་ཉིད་ཀྱི་ཚོང་འགུགས་ལས་གྲོང་ཚོ་དབུལ་པོ་8དང་མི་འབོར་དབུལ་པོ་1272ལ（ད་ཆ་ཚང་མ་དབུལ་གྲོལ་བྱས་པ）ལ་ཕན་པ་ཐོབ་ཡོད། གཞན་ཡང་རོགས་སྐྱོར་མ་དངུལ་སྒོར་ཁྲི་160བཏང་ནས་ཤེལ་གྲུབ་ཡུལ་ཤོག་གི་སྔོ་ཚལ་རྟེན་གཞི་བསྐྲུན་ཞིང་། རྣམ་གྲངས་ཀྱི་རྒྱ་ཁྱོན་མུའུ་250ཟིན་པ་དང་རྣམ་གྲངས་ཐོན་སྐྱེད་གཉེར་སྐྱོང་ཡོང་འབབ་གསེར་བ་ཆུས་ཀྱི་ཡུལ་ཤོག་དང་གྲོང་རྡལ་5ཡི་གྲོང་ཚོ་32ཀྱི་དུད་ཚང་2284ཡི་མི་གྲངས་9332ལ་བགོ་བཤའ་བརྒྱབ་ཏེ་རྒྱུན་མཐུད་འབབ་འཕར་མཁོ་འདོན་བྱས་འདུག །ཡང་ལོ་བཞི（2016ལོ་ནས་2020ལོའི་བར）ཡི་ནང་དུ་མ་དངུལ་སྒོར་ཁྲི་3302གཏོང་འཇོག་བྱས་ཏེ། “ཁོངས་བརྒལ་དབུལ་སྐྱོར། ཚོགས་སྒྲིག་ཕྱུག་འགྱུར”གྱི་བྱེད་ཐབས་སྤྱད་དེ། བོད་ཁྱིམ་གྱི་ཁྱད་ཆོས་ལྡན་པའི་དེང་རབས་ཅན་གྱི་གྲོང་གསེབ་མགྲོན་ཁང་7བསྐྲུན་པ་དང་འབྲེལ་གྲོང་ཚོ་དབུལ་པོའི་མཉམ་སྡེབ་དཔལ་འབྱོར་མགྲོན་ཁང་སྟེ་གསེར་རྟ་གནམ་མཐའི་གསོལ་མགྲོན་ཁང་ལ་མ་རྐང་བཞག་ནས་འཛུགས་སྐྲུན་བྱས་ཏེ། ཤང་གྲོང་15ཡི་དུད་ཚང་དབུལ་པོ་3000ལྷག་ཙམ་གྱི་ཡིག་ཚགས་དང་ཁཱ་བཟོས་པའི་མི་1156（ད་ཆ་ཚང་མ་དབུལ་སྒྲོལ་ཟིན་པ）ལ་རྒྱུན་མཐུད་འབབ་འཕར་བྱུང་ཡོད། དུས་མཚུངས་སུ། ཝུན་ཅང་ཆུས་ཀྱིས་ཁྱད་ལྡན་ཐོན་ལས་རོགས་སྐྱོར་བྱས་ནས་གསེར་རྟ་རྫོང་གི་རང་རྐྱ་འཕེར་བའི་འཕེལ་རྒྱས་སྐུལ་ཤུགས་ཇེ་ཆེར་བཏང་བ་དང་། ལོ་གསུམ（2012ལོ་ནས་2015ལོའི་བར）ལ་རོགས་སྐྱོར་མ་དངུལ་སྒོར་ཁྲི་900བཏང་ནས་གེ་སར་རིག་གནས་སྒྱུ་རྩལ་ལྟེ་གནས་དེ་རིམ་སྤོར་བྱས་ནས་བཏོད་པ་དང་། དེར་མཐུད་2017ལོར་རྒྱལ་ཁབ་ཀྱི་AAAརིམ་པའི་ཡུལ་སྐོར་མཛེས་ལྗོངས་ཁུལ་དུ་བདེ་བླག་ངང་བཏོད་ནས་གསེར་རྟ་རྫོང་གི་གེ་སར་རིག་གནས་ཀྱི་འགྲེམས་སྟོན་སྐར་ཁུང་དང་ཡུལ་སྐོར་གྲགས་ཡུལ་དུ་གང་ལེགས་ངང་འདོན་སྤེལ་བྱས་ཡོད། 2021ལོར་རོགས་སྐྱོར་མ་དངུལ་སྒོར་ཁྲི་600བཏང་ནས་གནུབས་ཟུར་གྲོང་རྡལ་དང་ཁེས་སྐོར་ཡུལ་ཤོག་གི་ཞན་འགྱུར་རྩྭ་ས་མུའུ་1800མི་ཐབས་ལ་བརྟེན་ནས་རྩྭ་འདེབས་བྱས་ཏེ། སྔོ་ཁེབས་སླར་གསོ་དང་། སྐྱེ་ཁམས་སླར་གསོ། དགུན་དུས་ནོར་གནག་ལ་གཟན་རྩྭ་མཁོ་སྤྲོད་ཀྱི་འབྲེལ་ཐག་ཁ་གསབ་བཅས་བྱས་ནས་སྐྱེ་ཁམས་དང་ཐོན་ལས་གཉིས་ཕན་མངོན་འགྱུར་བྱུང་བ་རེད།

གསེར་རྟའི་གནམ་མཐའི་གསོལ་མགྲོན་ཁང་སྒོ་ཕྱེ་བ།

ཝུན་ཅང་ཆུས་ཀྱིས་མ་དངུལ་བཏང་ནས་རོགས་སྐྱོར་འཛུགས་སྐྲུན་བྱས་པའི་ཤེལ་གྲུབ་ཡུལ་ཤོག་གི་གྲོང་གསེབ་སྤུས་ལེགས་མགྲོན་ཁང་།

ཝུན་ཅང་གིས་རོགས་སྐྱོར་འཛུགས་སྐྲུན་བྱས་པའི་གནུབས་ཟུར་གྲོང་རྡལ་ཞིང་ཕྱུགས་ཐོན་རྫས་ཉོ་ཚོང་ལྟེ་གནས།

ཝུན་ཅང་གིས་རོགས་སྐྱོར་འཛུགས་སྐྲུན་བྱས་པའི་སྦོ་མདའ་གྲོང་རྡལ་ལྟེ་བའི་འཕྲོད་བསྟེན་ཁང་།

ཝུན་ཅང་གིས་རོགས་སྐྱོར་འཛུགས་སྐྲུན་བྱས་པའི་གསེར་རྟ་རྫོང་ཆ་ཚང་སློབ་ཆུང་གཉིས་པ་ལས་འགོ་འཛུགས་པའི་ཡུལ་དངོས།

        ལོ་བཅུའི་རིང་། ཝུན་ཅང་འཕྲོད་བསྟེན་མ་ལག་གིས་བསྡོམས་པས་མ་དངུལ་སྒོར་ཁྲི་1509བཏང་བ་དང་། བསྡོམས་པས་སྨན་བཅོས་རུ་ཁག་ཁག་10དང་ཁྱོན་སྨན་བཅོས་མི་སྣ་200ལྷག་ཙམ་མངགས་གཏོང་བྱས་ཏེ（དེའི་ནང“བརྒྱུད་རོགས་ཁྲིད་གསུམ་རྣམ་གྲངས”ཀྱི་མི་96ཚུད་པ）གསེར་རྟ་རུ་སྨན་བཅོས་རོགས་སྐྱོར་བྱེད་པར་ཕྱིན་པས། ས་གནས་གཉིས་པོའི་འཕྲོད་བསྟེན་བདེ་ཐང་མ་ལག་གི“ས་ཁོངས་ཀྱི་རོགས་སྒྲིག”མངོན་འགྱུར་བྱུང་བ་དང་། གསེར་རྟ་རུ་ལག་རྩལ་གསར་པ་དང་རྣམ་གྲངས་གསར་པ་ཁག་35ནང་འདྲེན་དང་། དགེ་རྒན་གྱིས་སློབ་མ་118ཁྲིད་པ། གསེར་རྟའི་ཀྲུང་ལུགས་དང་བོད་ལུགས་སྨན་ཁང་ལ་རིམ་པ་གཉིས་པའི་ཀ་རིམ་པ་གཏོད་པ་དང་། མ་བུ་བདེ་སྲུང་འཆར་ལྡན་བུ་བཙའི་ཞབས་ཞུ་ལྟེ་གནས་གཉིས་ལ་རིམ་པ་གཉིས་པའི་ཁ་རིམ་པ་གཏོད་རྒྱུར་རོགས་རམ་བྱས་པ། སྦོ་མདའ་གྲོང་རྡལ་ལྟེ་གནས་འཕྲོད་བསྟེན་ཁང་དང་གནུབས་ཟུར་གྲོང་རྡལ་འཕྲོད་བསྟན་ཁང་ལ་རིམ་པ་དང་པོའི་ཚད་ལྡན་ཅན་འཛུགས་སྐྲུན་ལེགས་སྒྲུབ་བྱས་པ། གསེར་རྟ་རྫོང་ནད་ཡམས་སྔོན་འགོག་ཚོད་འཛིན་ལྟེ་གནས་སུ་རིམ་པ་གཉིས་པའི་ཀ་རིམ་པ་སོགས་ནད་རིགས་སྔོན་འགོག་ཚོད་འཛིན་སྒྲིག་གཞིའི་རྨང་གཞིའི་ལས་དོན་ལེགས་སྒྲུབ་བྱས་པ་དང་། དེའི་ཁྲོད་དུ་སྦོ་མདའ་གྲོང་རྡལ་ལྟེ་གནས་འཕྲོད་བསྟེན་ཁང་ལ་བསྡོམས་པས་རོགས་སྐྱོར་མ་དངུལ་སྒོར་ཁྲི་864བཏང་ནས་ལོ་གཉིས་ནང་ལེགས་གྲུབ་བྱུང་ཞིང་། ལས་གྲྭའི་གཙོ་གཟུགས་ལ་སྨི་གྲུ་བཞི་མ་3395.88ཡོད་དེ་སྒོ་བསྟེན་སྨན་ཁང་དང་། ནད་སྡོད་ཁང། འཚོ་བའི་ཁང་པ་བཅས་དང་དེ་བཞིན་སྒོ་རའི་ནང་གི་ལྗང་འགྱུར་ཨར་འདམ་སོགས་ཞོར་གཏོགས་སྒྲིག་ཆས་ཚུད་ཡོད་པ་དང་། གསེར་བ་ཆུས་ཀྱི་ཤང་གྲོང་5ཡི་མང་ཚོགས་རྣམས་ཐག་ཉེ་སར་སྨན་བཅོས་བྱེད་དཀའ་བའི་གནད་དོན་ཐག་གཅོད་བྱས་པས། གསེར་རྟ་རྫོང་མི་དམངས་སྨན་ཁང་དེ་ནད་བརྟག་སྨན་བཅོས་ས་ཁོངས་ཀྱི་ལྟེ་གནས་དང་། ཤང་གྲོང་གི་འཕྲོད་བསྟེན་ཁང་དང་གྲོང་ཚོའི་འཕྲོད་བསྟེན་ཁང་བཅས་སུ་ཁྱབ་པའི་སྨན་བཅོས་དྲ་བ་ཆགས་ཡོད་པས། སྐྱེས་མ་ཐག་པའི་ཕྲུ་གུའི་ཤི་ཚད་དེ་2014ལོའི་5.44‰ནས་2020ལོའི་4.0‰མར་ཆག་པ་དང་། སྦྲུམ་མ་ཤི་ཚད་དེ་2014ལོའི་ཁྲི་4.94/‰ནས་2020ལོའི་གཅིག་ཀྱང་མ་ཤི་བ་མངོན་འགྱུར་བྱུང་སྟེ། སྨན་བཅོས་སྤུས་ཚད་ཅུང་མཐོ་རུ་ཕྱིན་ཞིང་། རྒྱུན་མཐོང་ནད་དང་བྱུང་མང་བའི་ནད་རིགས་སྨན་བཅོས་བྱ་རྒྱུ་དེ་རིམ་གྱིས་ཚད་ལྡན་དུ་གྱུར་བ་དང་། ནད་གཞི་ལྕི་མོའི་ཐག་གཅོད་ཆུ་ཚད་མཐོ་རུ་ཕྱིན་ཡོད།

ཝུན་ཅང་འཕྲོད་བསྟེན་བདེ་ཐང་མ་ལག་གི་གསེར་རྟའི་རོགས་སྐྱོར་ལས་དོན་རུ་ཁག །

འོས་འགན་སྨན་བཅོས་ཀྱི་བྱེད་སྒོ་སྤེལ་བ།

ལས་དོན་རུ་ཁག་གི་ཁོངས་མིས་ཞིང་འབྲོག་མང་ཚོགས་ལ་འགོག་ཁབ་རྒྱག་བཞིན་པ།

ལས་དོན་རུ་ཁག་གིས་གསེར་རྟ་རྫོང་བོད་སྨན་ཁང་ལ་རིམ་པ་གཉིས་པའི་ཀ་རིམ་པའི་སྨན་ཁང་འཛུགས་བཞིན་པ།

        ལོ་བཅུའི་རིང་། ཝུན་ཅང་སློབ་གསོའི་མ་ལག་གིས་རྐང་འཛིན་དགེ་རྒན་138དེ་ཁག་དྲུག་གསེར་རྟ་རུ་མངག་གཏོང་བྱས་ཏེ། “སྒྲོན་འོད་གསོ་སྦྱོང་འཆར་གཞི”དང“གླག་ཕྲུག་གསོ་སྐྱོང་ལས་གཞི”“སློབ་གྲྭའི་ཁོངས་ཡོངས་ཀྱི་ཆ་སྒྲིག་ལས་གཞི”བཅས་བྱ་སྤྱོད་ཆེན་པོ་གསུམ་ལག་བསྟར་བྱས་པ་དང་།“མིང་གྲགས་དགེ་རྒན་གྱི་འཆད་ཁྲིད་ཚོགས་པའི”བྱེད་སྒོ་ཐེངས་15སྤེལ་ནས་གསེར་རྟའི་དགེ་རྒན་300ལྷག་ཙམ་ཝུན་ཅང་དུ་རེས་སྐོར་གསོ་སྦྱོང་བྱེད་པར་བསྡུ་ལེན་བྱས་པ། “ཝུན་ཅང་དང་གསེར་རྟའི་རྒྱང་ཁྲིད་སློབ་གསོའི་ཆ་འཕྲིན་མཉམ་འགུལ་ལས་སྟེགས”བཙུགས་ནས་ཐོན་ཁུངས་མཉམ་སྤྱོད་མངོན་འགྱུར་བྱུང་བ། གསེར་རྟའི་སྐར་དམར་བུད་མེད་རྐང་རྩེད་སྤོ་ལོ་རུ་ཁག་ཐོག་མ་བཙུགས་ཏེ། གསེར་རྟ་རྫོང་གི་སློབ་ཞུགས་སྔོན་གྱི“རྫོང་དང་། ཡུལ་ཤོག །གྲོང་ཚོའི”རིམ་པ་གསུམ་གྱི་སློབ་གསོའི་ཞིབ་འཇུག་ལམ་སྲོལ་འཛུགས་པ་དང་འཐུས་ཚང་དུ་གཏང་རྒྱུར་སྐུལ་མ་བཏང་། ལོ་བཅུའི་རིང་འབད་བརྩོན་བྱས་པ་བརྒྱུད། གསེར་རྟ་རྫོང་གི་སློབ་གྲྭར་སྐྱོད་པའི་སློབ་མ་2012ལོའི་མི་གྲངས་5485ནས་ད་བར་མི་ཁྲི་1.2ལས་བརྒལ་བ་དང་119%འཕར་བ། སློབ་གྲྭར་ཞུགས་ཚད་50%མི་འདང་བ་ནས་98%ཡན་ཟིན་ཡོད། ལྷག་པར་དུ་མ་དངུལ་སྒོར་ཁྲི་6000བཏང་ནས་བཙུགས་པའི་རྫོང་ཆ་ཚང་སློབ་ཆུང་གཉིས་པའི་འཛུགས་སྐྲུན་རྒྱ་ཁྱོན་སྨི་གྲུ་བཞི་མ་37860ཟིན་པ་དང་། ལྷུ་ལག་ཆ་ཚང་བའི་ཕྱོགས་བསྡུས་སློབ་ཁྲིད་ཐོག་ཁང་དང་། སློབ་མའི་ཟ་ཁང་། སློབ་མའི་ཉལ་ཁང་། ཚད་ལྡན་གྱི་ལུས་རྩལ་ཁང་། དེ་མིན་དགེ་རྒན་གྱི་ལས་ཤག་སོགས་སུ་འཛིན་གྲྭ་30ཡི་སློབ་མ་1350བསྡུ་ལེན་བྱེད་ཐུབ། 2019ལོར་ཆ་ཚང་སློབ་ཆུང་གཉིས་པར“ཀྲུང་གོ་བཟོ་ཞིང་དམར་དམག་གི་གསེར་རྟའི་དམར་དམག་སློབ་ཆུང”ཞེས་པར་མིང་བསྒྱུར་བ་དང་སྔ་རྗེས་སུ“སི་ཁྲོན་ཞིང་ཆེན་གྱི་ན་ཆུང་བྱིས་པའི་བསམ་བློ་ཀུན་སྤྱོད་འཛུགས་སྐྱོང་ལས་དོན་གྱི་སྔོན་ཐོན་ཚན་པ”དང་། “སློབ་གྲྭའི་ཁྲིམས་ལུགས་འཛུགས་སྐྱོང་གི་སྔོན་ཐོན་ཚན་པར”བདམས་པར་མ་ཟད། 2021ལོར་གསེར་རྟ་རྫོང“རྒྱལ་ཁབ་བདེ་འཇགས་སློབ་གསོའི་དཔེ་སྟོན་རྟེན་གཞིར”བདམས། མིག་སྔར་གསེར་རྟའི་སློབ་གྲྭ་འབྲིང་ཆུང་ཁག་གིས་རྒྱལ་ཁབ་ཀྱི་སྤྱི་སྐད་སློབ་ཁྲིད་ཁྱོན་ཡོངས་ནས་ལག་བསྟར་བྱས་པ་དང་། 2019ལོར་གསེར་རྟ་རྫོང་ལ“དཀར་མཛེས་ཁུལ་གྱི་སློབ་ཁྲིད་སྤུས་ཚད་ཀྱི་རིག་ཚན་རྐྱང་པའི་མཉམ་སྡེབ་བྱ་དགའ་ཨང་དང་པོ”ཐོབ་པ། 2021ལོར་སྐད་ཡིག་སློབ་ཁྲིད་རྩལ་ནུས་འགྲན་བསྡུར་ཆེན་མོར་གསེར་རྟ་ཡིས་དཀར་མཛེས་ཁུལ་གྱི་བྱ་དགའ་ཨང་དང་པོ་དང་གཉིས་པ་ཐོབ་ཡོད་དོ། །

ཝུན་ཅང་གི་གསེར་རྟའི་སློབ་གསོ་རོགས་སྐྱོར་ལས་དོན་རུ་ཁག །

གསེར་རྟའི་ན་གཞོན་ལས་ཞུགས་སྔོན་གྱི་གསོ་སྦྱོང་ལ་ཞུགས་པ།

རོགས་སྐྱོར་དགེ་རྒན་གྱིས་བྱིས་པ་ལ་རི་མོ་ཁྲིད་བཞིན་པ།