འཕགས་པ་སའི་སྙིང་པོའི་གནས་མཆོག་དཔལ་རི་རྩེ་དགུ་ནི་ཨན་ཧུའེ་ཞིང་ཆེན་ཆིན་ཡང་རྫོང་གི་ནུབ་ལྷོའི་ལེ་བར་20ཡི་མཚམས་སུ་བཞུགས་ཤིང་།  ཅིག་ཙི་ཧྥིན་ནམ་རྒྱལ་སྲས་དཔལ་དགུ་རི་བོ་ཞེས་མིང་དུ་ཐོགས།   《དཔལ་རི་རྩེ་དགུའི་གནས་ཡིག》སོགས་རྒྱ་ནག་གི་ཡིག་ཚང་ཁ་ཤས་སུ་བཀོད་པ་ལྟར་ན།  རི་རྒྱལ་ལྷུན་པོར་མཛེས་སྡུག་ལྡན་ཞིང་དབུ་རྩེ་མཁའ་རུ་བསྙེགས།།

　　རྫ་རི་སྨུག་པོ་ཆགས་ཚུལ་མི་གཅིག་རྩེ་མོ་དགུ་འཛོམས་ཅན།། ཞེས་རི་རྩེ་དགུ་བཅུ་གོ་དགུར་གྲགས་ཀྱང་ཐེན་ཐཱའེ་འམ་གནམ་སྟེགས་རི་བོ་དང་། ལེན་ཧཱའམ་པད་མ་རི་བོ།  ཐེན་ཀྲིའུ་འམ་གནམ་འདེགས་ཀ་བ་རི་བོ།  ཧྲི་ཝང་ངམ་སྟོབས་བཅུ་ཚངས་སྲས་རི་བོ་སོགས་དཔལ་རི་རྩེ་དགུ་ནི་ཆེས་བརྗིད་ཉམས་ལྡན་པ་དང་།  ཐང་རྒྱལ་རབས་ཀྱི་དུས་སུ་ཏོ་ལུགས་པས་བྱ་རྒྱལ་ཁྱུང་ཆེན་རི་བོ་ནས་ཆོས་ར་བཙུགས་ཤིང་།  རི་བོ་ཡོངས་སུ་ཏོ་ལུགས་ཆེས་དར་བའི་སྐབས་སུ་ཆོས་ར་ཉི་ཤུ་ལྷག་ཙམ།  ཕྱིས་སུ་ནང་བསྟན་ཆོས་ལུགས་དར་ཞིང་རྒྱལ་ཁབ་ཕྱི་ནང་གི་སྐྱེས་ཆེན་དམ་རྣམས་ཀྱིས་ཞབས་ཀྱིས་བཅགས་ཤིང་བྱིན་གྱིས་བརླབས་ཏེ།  ལྷ་ཁང་བཞེངས་ནས་ཆོས་སྡེ་བཏབས། གོང་མ་ཅན་ཀྲོང་ཁྲི་ལོ་གཉིས་པ（781）ལོའི་ཚུན་ལ་རིམ་བཞིན་དུ་ཆོས་སྡེ་ཆེ་ཆུང300ལྷག་ཙམ་དང་།  གྲྭ་བཙུན4000ལྷག་ལ་སླེབས་མྱངས་བ་རེད།