ཧུང་ཡོན་རྫོང་ཨ་མཆོག་གྲོང་རྡལ་ཧུ་ར་སྨད་མ་སྡེ་བ།

        དབྱར་མགོ་མའི་དུས་སུ། ཧུང་ཡོན་རྫོང་ལྷ་རྒྱལ་གླིང་གྲོང་རྡལ་དུ་སོང་ན་མཛེས་སྡུག་གི་ཞིང་རའི་ཡུལ་ལྗོངས་རེ་རེ་མིག་གི་དབང་བོ་འཕྲོག་བྱེད་དུ་འགྱུར་འགྲོ་ལ། སྔོ་ལྗང་ལྗང་གི་གླང་རྔའི་ཞིང་ཁ་དང་སྔོ་བསང་གི་ནམ་མཁའ་གཉིས་གཅིག་ཏུ་འདྲེས་པ་དེ་དག་ཞིང་གི་རྨི་ལམ་ཞིག་དང་གཉིས་སུ་མ་མཆིས། གཙང་ལ་གྲལ་འགྲིག་པའི་ཁྲོམ་གཞུང་དང་སྒྲིག་བཀོད་ཆ་ཚང་བའི་གྲོང་མིའི་ཞབས་ཞུའི་ལྟེ་གནས་དང་གྲལ་དག་པའི་བོད་ལུགས་བཟོ་བཀོད། སྔོ་ལྗང་ས་ཞིང་དང་ཚང་མ་གཞི་གཅིག་ཏུ་འདྲེས། གསར་དུ་བསྐྲུན་པའི་ཨར་འདམ་གྱི་ལམ་བུ་རེ་རེ་ཁྱིམ་ཚང་རེ་རེའི་སྒོ་ཁར་མཐུད་ཅིང་། ཡུལ་མི་ཚོས་རང་ཁྱིམ་གྱི་རྒྱབ་མདུན་དུ་གད་དར་བྱེད་བཞིན་པ་སོགས་ནི་ཧུང་ཡོན་རྫོང་གི་ཁྱིམ་གཞིས་གསུམ་བསྐྲུན་པར་སྐུལ་འདེད་བཏང་བའི་བསྡུས་རིས་རེད།

        ཉེ་བའི་ལོ་ཤས་རིང་། ཧུང་ཡོན་རྫོང་གིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བཟུང་ནས་ཏང་གི་ཚོགས་ཆེན་ཉི་ཤུ་བའི་དགོངས་དོན་དང་རྒྱལ་ཡོངས་ཀྱི་ཚོགས་ཆེན་གཉིས་ཀྱི་དགོངས་དོན་ལག་བསྟར་གཏིང་ཟབ་བྱས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཞིང་གསུམ་ལས་དོན་སྐོར་གྱི་རྣམ་བཤད་གལ་ཆེན་དང་། ཀྲུང་དབྱང་དང་ཞིང་ཨུ། ཁུལ་ཨུ་བཅས་ཀྱི་གྲོང་གསེབ་ལས་དོན་ཚོགས་འདུའི་དགོངས་དོན་སློབ་སྦྱོང་དང་གོ་བ་གཏིང་ཟབ་བླངས་པ། ཀྲུང་དབྱང་དང་ཞིང་ཨུའི་ཐབས་ཇུས་བཀོད་སྒྲིག་དང་ཁུལ་ཨུའི་ལས་ཀའི་བཀོད་སྒྲིག་བཅས་ཕྱོགས་ཡོངས་ནས་དོན་འཁྱོལ་བྱས་ཏེ། ཁྱིམ་གཞིས་གསུམ་གྱི་དཔེ་སྟོན་ལས་གཞི་འཛུགས་སྐྲུན་དམ་འཛིན་བྱས་ནས་ཁྱིམ་གཞིས་གསུམ་ལ་བརྟེན་ནས་དཔེ་སྟོན་འཛུགས་སྐྲུན་གྱི་གཞི་རྟེན་གལ་ཆེན་ལ་དམ་འཛིན་ཡག་པོ་བྱས་ཏེ་ཐོན་ལས་དར་རྒྱས་དང་། སྐྱེ་ཁམས་བདེ་འཇགས། ཡུལ་སྲོལ་གཤིས་བཟང་། བཅོས་སྐྱོང་ནུས་ལྡན། འཚོ་བ་ཕྱུག་འགྱུར་བཅས་ཀྱི་སྤྱིའི་དམིགས་ཚད་ལ་དམ་པོར་དམིགས་ནས་ཧུང་ཡོན་རྫོང་གི་ཞིང་ལས་སྤུས་ཚད་མཐོ་ལ་ཕན་འབྲས་མཐོ་བ་དང་། གྲོང་གསེབ་ནས་བསྡད་ན་བདེ་སྐྱིད་ཡོང་བ་དང་། ཞིང་བ་ཕྱུག་འགྱུར་བཅས་ཡོང་རྒྱུར་རྒྱུན་ཆད་མེད་པར་སྐུལ་འདེད་བཏང་ཡོད།

ཧུང་ཡོན་རྫོང་ཨ་མཆོག་གྲོང་རྡལ་ཧུ་ར་སྨད་མའི་ཚོན་གྱིས་བྱུགས་པའི་གྱང་ངོས།

        2022ལོར་ཧུང་ཡོན་རྫོང་གིས་སྐྱེ་ཁམས་མཛེས་སྡུག་ལྡན་པ་དང་། འཆམ་མཐུན་བདེ་སྐྱིད། འབྱོར་ཕྱུག་འབྱོར་འབྲིང་ཁྱིམ་གཞིས་གཏོད་པའི་དམིགས་འབེན་ལ་དམིགས་ནས་སྒོར་དུང་ཕྱུར་3.78བཏང་སྟེ་དཔེ་སྟོན་གྲོང་རྡལ་3དང་། དཔེ་སྟོན་གྲོང་སྡེ་4གཙོ་གནད་རོགས་སྐྱོར་གྲོང་སྡེ་2བཅས་ཀྱི་དཔེ་སྟོན་གསར་འཛུགས་ལས་དོན་ལེགས་པར་བསྒྲུབ། ད་ལོར་གེགས་རྗེས་བསྐྱར་སྐྲུན་སོགས་མ་དངུལ་སྒོར་དུང་ཕྱུར་4.6བསྡུ་སྒྲིལ་བྱས་ནས་ལྷ་རྒྱལ་གླིང་དང་། ལུང་ཟི། རྨེ་བ། སྐྱ་རོང་། ཚ་རུ་མ་བཅས་ཀྱི་ཁྱིམ་གཞིས་གསུམ་ལ་གཙོ་གནད་ཐོག་དཔེ་སྟོན་གྲོང་རྡལ་འཛུགས་སྐྲུན་ལ་འབད། དུས་མཚུངས་སུ། མ་དངུལ་སྒོར་དུང་ཕྱུར་1.2བཏང་ནས་དཔེ་སྟོན་འཛུགས་སྐྲུན་བྱ་ཡུལ་5ཡི་ཡུལ་གྲོང་གི་གྲོང་གསེབ་བཅོས་སྐྱོང་དང་། གྲོང་གསེབ་འཛུགས་སྐྲུན། གྲོང་གསེབ་དོ་དམ་སོགས་ཀྱི་ཐད་རིམ་སྤོར་བྱས།

        ཡུལ་ཚོ་ཧྲིལ་པོར་སྐུལ་འདེད་གཏོང་བ་དང་།གཙོ་གནད་ཚད་བརྒལ་བྱེད་པ།ཁྱོན་ཡོངས་ནས་འཕེལ་རྒྱས་གཏོང་བ་བཅས་ཀྱི་བསམ་ཕྱོགས་གཞིར་བཟུང་ནས། ཧུང་ཡོན་རྫོང་གིས་དུས་མཚམས་ཀྱི་ལས་འགན་དང་ཁྱད་ཆོས་ལ་དམིགས་པ་དང་། གནས་ཐིག་གཏན་འཁེལ་བྱེད་པ། གཙོ་གནད་སྟངས་འཛིན་བྱེད་པ། སྔོན་ལ་འཆར་འགོད་བྱེད་པ། གོ་རིམ་དབྱེ་ནས་ལག་བསྟར་བྱེད་པ། གཙོ་གནད་དཔེ་སྟོན་ཐོན་ལས་སྐྱེད་སྲིང་ལ་སྐུལ་འདེད་གཏོང་བ་བཅས་བྱས་ནས་རྫོང་དང་། ཡུལ་ཚོ། གྲོང་སྡེ་བཅས་ཀྱི་ཐོན་ལས་བར་མཐོངས་བཀོད་སྒྲིག་བྱེད་སྟངས་རྒྱུན་ཆད་མེད་པར་འཐུས་ཚང་དུ་བཏང་བ་མ་ཟད། ད་ལོར་ཐོན་ལས་ཀྱི་མ་དངུལ་སྒོར་ཁྲི་9029ལྷག་ཙམ་བཏང་སྟེ་ཁྱིམ་ཚང་གི་སྐྱེ་ཁམས་འབྲོག་ར་འཛུགས་སྐྲུན་དང་། ནོར་གནག་ཚད་ལྡན་ཅན་གྱི་དཔེ་སྟོན་རྟེན་གཞི་འཛུགས་སྐྲུན། སྒོ་ཕྱུགས་ཉོ་ཚོང་ཁྲོམ་ར་ཉམས་གསོ། ཕྱུགས་རྒྱུད་ལེགས་བཅོས་སོགས་ཐོན་ལས་འཕེལ་རྒྱས་ཀྱི་རྣམ་གྲངས་26ལ་ནུས་ཤུགས་ཡོད་རྒུས་ཐོན་ལས་འབྲེལ་ཐག་ཆ་ཚང་བསྐྲུན་ནས་ད་ཡོད་ཀྱི་སྤུས་ལེགས་ཐོན་ཁུངས་བེད་སྤྱོད་ཡག་པོ་བྱས་ཏེ་སྐྱེ་ཁམས་ལ་བརྟེན་ནས་རྩྭ་ཕྱུགས་དོ་སྙོམས་ཡོང་རྒྱུར་སྐུལ་འདེད་བཏང་སྟེ་རྩྭ་ཐང་ཕྱུགས་ལས་ཕྱོགས་སྒྱུར་རིམ་སྤོར་ལ་སྐུལ་འདེད་མགྱོགས་པོ་བཏང་།

ཧུང་ཡོན་རྫོང་ཨ་མཆོག་གྲོང་རྡལ་ཧུ་ར་སྨད་མའི་ནོར་གནག་ཚད་ལྡན་གསོ་སྤེལ་རྟེན་གཞི།

        དུས་མཚུངས་སུ། སྒྱུར་བཅོས་གཉིས་ཀྱི་དུས་རིམ་རྗེས་མའི་ལས་དོན་ཡག་པོ་སྤེལ་རྒྱུ་མཐའ་འཁྱོངས་བྱས་པ་དང་། གྲོང་གསེབ་ཀྱི་ཐོན་ཁུངས་སྡེབ་སྒྲིག་ཏན་ཏིག་བྱས་ཏེ། གླིང་ཁུལ་འཛུགས་སྐྲུན་དང་། གཞི་ཁྱོན་ཆེ་རུ་གཏོང་བ། སྤུས་ཀ་ལེགས་སུ་གཏོང་བ། ཕན་འབྲས་ཆེ་རུ་གཏོང་བ་བཅས་བྱས་ཏེ། དགེ་མཚན་ལྡན་པའི་ཐོན་ལས་བསྐྲུན་ནས་ཐོན་གཉེར་འཕེལ་རྒྱས་དང་གཅིག་ཏུ་འབྲེལ་བའི་དར་རྒྱས་ཀྱི་རྣམ་པ་བཟང་པོ་ཆགས་པར་བྱས། དེང་རབས་ཀྱི་གྲོང་གསེབ་ཞབས་ཞུའི་ལས་རིགས་རྒྱུན་མཐུད་ངང་འཕེལ་རྒྱས་མགྱོགས་པོ་བཏང་བ་དང་། རྫོང་དང་། ཡུལ་ཚོ། གྲོང་སྡེ་བཅས་ཀྱི་གློག་རྡུལ་ཚོང་དོན་དང་མྱུར་སྐྱེལ་སྐྱེལ་འདྲེན་མ་ལག་རྒྱུན་ཆད་མེད་པར་ལེགས་པོ་དང་འཐུས་ཚང་དུ་བཏང་། ལྗང་མདོག་ཐོན་ལས་གླིང་གི་སྐྱེལ་འདྲེན་ཁུལ་གྱི་བེད་མེད་རྒྱུ་ནོར་གང་ཐུབ་ཀྱིས་བེད་སྤྱོད་པ། སྐྱེལ་འདྲེན་ཁེ་ལས་ཀྱིས་མཉམ་སྡེབ་དཔལ་འབྱོར་གྱི་ཁང་བ་གླ་བར་རྒྱབ་སྐྱོར་བྱས་ཏེ་གྲོང་ཁུལ་གྱི་དངོས་པོ་བསྡུ་ལེན་བྱ་ཡུལ་དུ་བྱས་ཏེ་གྲོང་གསེབ་ཀྱི་སྦྲག་སྲིད་དང་མཉམ་འདྲེས་ཀྱི་འཕེལ་རྒྱས་ལ་སྐུལ་འདེད་བཏང་།

        ཐོན་ལས་ཀྱིས་འཚོ་བ་ལ་སྔར་བས་མཛེས་སྡུག་ལྡན་དུ་འཇུག་པ་དང་མང་ཚོགས་ཀྱིས་གྲོང་གསེབ་ལ་དེ་བས་ཡིད་སྨོན་བྱེད་པ། ཧུང་ཡོན་རྫོང་གིས་དམིགས་འབེན་ལས་འགན་དོན་འཁྱོལ་བྱ་རྒྱུར་དམ་འཛིན་བྱས་ཏེ་ལོ་འཁོར་གྱི་གཙོ་གནད་ལས་འགན་དོན་འཁྱོལ་བྱ་རྒྱུར་ནུས་ཤུགས་ཡོད་རྒུས་སྐུལ་འདེད་བཏང་སྟེ་དབུལ་བྲལ་གནད་སྒྲོལ་གྱི་གྲུབ་འབྲས་སྐས་རིམ་གསར་བར་སླེབས་པ་དང་གྲོང་གསེབ་ཁྱོན་ཡོངས་ནས་དར་རྒྱས་ཡོང་ཆེད་ཕན་འབྲས་དངོས་ཐོན་པ་བྱ་ཆེད་ལེགས་སྐྱེས་དེ་བས་ཆེ་བ་འབུལ་རྒྱུ་དང་ཕུལ་བྱུང་གི་གྲུབ་འབྲས་ཐོག་ནས་ཁུལ་བཙུགས་ནས་ལོ་འཁོར་70ལོན་པར་ལེགས་སྐྱེས་གྱ་ནོམ་པ་ཕུལ་རྒྱུ་ཡིན་པའོ།།