སྤྱི་ཟླ7པའི་ཚེས25ཉིན་གྱི་ཕྱི་དྲོ་དང་ཚེས26ཉིན་གྱི་ཕྱི་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སི་ཁྲོན་ཞིང་ཆེན་ཀོང་ཡོན་གྲོང་ཁྱེར་དང་ཏའེ་དབྱང་གྲོང་ཁྱེར་དུ་ཚུའེ་ཡུང་བར་ཁྱམས་གནའ་བོའི་བགྲོད་ལམ་དང་སན་ཞིན་ཏུའེ་དངོས་མང་བཤམས་སྟོན་ཁང་ལ་གཟིགས་ཞིབ་མཛད་དེ། ས་གནས་དེ་གའི་ལོ་རྒྱུས་རིག་གནས་རྒྱུད་འཛིན་དང་། སྐྱེ་ཁམས་དཔལ་ཡོན་འཛུགས་སྐྱོང་ལ་ཤུགས་སྣོན། ལོ་རྒྱུས་རིག་གནས་གནའ་ཤུལ་སྔོག་འདོན་ཞིབ་འཇུག །རིག་དངོས་སྲུང་སྐྱོང་ཉམས་གསོ་སོགས་ཀྱི་གནས་ཚུལ་ལ་རྒྱུས་ལོན་གནང་།