མུ་མཐུད་དུ་མཛོད་དགེ་འཛམ་གླིང་ལ་ངོམ་པའི་མཚན་སྙན་ཇེ་ལེགས་སུ་བཏང་སྟེ། མཛོད་དགེར་སླེབས་པའི་ཡུལ་སྐོར་བར་རང་ཁྱིམ་དུ་ལོག་པ་ལྟ་བུའི་ཡུལ་སྐོར་ཁོར་ཡུག་བསྐྲུན་ཆེད། ཟླ8པའི་ཚེས3ཉིན་ནས་བཟུང་། གུང་གཞོན་ཚོགས་པ་མཛོད་དགེ་རྫོང་ཨུས་ན་གཞོན་དང་བླངས་པ20ལྷག་རྩ་འཛུགས་བྱས་ཏེ། རྫོང་མཁར་གྱི་འཛུལ་སྒོ་དང་མཁར་ཁུལ་གྱི་ལམ་མདོ་གཙོ་བོ་སོགས་སུ་ཡུལ་སྐོར་དང་བླངས་ཞབས་ཞུ་ས་ཚིགས3བཙུགས་ནས། མཛོད་དགེ་འཛམ་གླིང་ལ་ངོམ་ཞེས་པའི་ཡུལ་སྐོར་དང་བླངས་ཞབས་ཞུ་ནན་གྱིས་བསྒྲུབས།
བྱེད་སྒོར་ན་གཞོན་དང་བླངས་པ་རྣམས་ཀྱིས་ཡུལ་སྐོར་བར་ཡུལ་སྐོར་ཆ་འཕྲིན་འདྲི་རྟོག་དང་། རིན་མེད་བཏུང་ཆུ་དང་སྟབས་བདེའི་ཐུག་པ་སྟེར་བ་བཅས་འདོན་སྤྲོད་བྱས་པ་དང་། ཡུལ་སྐོར་བདེ་འཇགས་དཔལ་ཡོན་གྲོས་འདོན་ཡི་གེ་བཀྲམ་པ་སོགས་ཀྱི་དང་བླངས་ཞབས་ཞུ་སྒྲུབ་པ་དང་མཉམ་དུ། རྫོང་རིག་གནས་ལུས་རྩལ་ཡུལ་སྐོར་ཅུས་དང་མཉམ་དུ་ཞག་སྡོད་ཁང་མེད་པའི་ཡུལ་སྐོར་བར་མགྲོན་ཁང་འཚོལ་རོགས་སྒོས། སེམས་ཁམས་སློབ་གསོ་འདོན་སྤྲོད་གནང་།
མེན་དབྱང་ནས་ཡོང་བའི་ཡུལ་སྐོར་བ་ཞིག་གིས་ཞག་སྡོད་ཁང་མ་རྙེད་པར། དང་བླངས་ཞབས་ཞུ་ས་ཚིགས་སུ་ཡོང་སྟེ་རོགས་ཞུ་བྱས་པས། ན་གཞོན་དང་བླངས་པ་རྣམས་ཀྱིས་བརྩེ་བ་ཆེན་པོས་སྣེ་ལེན་གྱིས་ཟས་སྡོད་འཚོལ་བར་ཁྲིད་སྟོན་དང་འཁོར་འཇོག་ར་བ་འདོན་སྤྲོད་སོགས་ཀྱི་ཞབས་ཞུ་གང་ལེགས་བསྒྲུབས། ཡུལ་སྐོར་བ་དེས་བཤད་རྒྱུར། དང་བླངས་ཞབས་ཞུ་ཤིན་ཏུ་ལེགས་ལ། རང་འགུལ་ངང་ཁྱོད་ཀྱིས་ཟ་མ་ཨེ་ཟོས་དང་འདུག་གནས་ཨེ་རྙེད་ཅེས་འདྲི་བར་མ་ཟད། གཏེར་ཆུའང་སྟེར་བས་བཟའ་མི་ལྟར་བརྩེ་བ་ལྡན། ཕྱིན་ཆད་ཉེ་འཁོར་གྱི་གྲོགས་པོ་རྣམས་ལ་མཛོད་དགེ་དྲིལ་སྒྲོག་བྱེད་རྒྱུ་ཡིན་ཟེར།
ཐེངས་འདིའི་སྤུས་ལེགས་དང་བླངས་ཞབས་ཞུའི་བྱེད་སྒོ་སྤེལ་བ་བརྒྱུར། མཛོད་དགེའི་སྣང་བརྙན་ཇེ་ལེགས་སུ་བཏང་བར་མ་ཟད། མཛོད་དགེའི་ན་གཞོན་རྣམས་ཀྱི་དབྱང་རླུང་ཉུང་རུང་སྙིང་སྟོབས་ཆེ་ལ། ས་བབ་མཐོ་ལ་དགོངས་པ་ལྷག་ཏུ་མཐོ་བའི་དཔའ་ཉམས་ལེགས་པར་ངོམས་པ་དང་མཉམ་དུ། རྒྱ་ཆེའི་ཡུལ་སྐོར་བ་རྣམས་ཀྱི་བསྟོད་བསྔགས་ཐོབ། རྗེས་སོར་གུང་གཞོན་ཚོགས་པ་རྫོང་ཨུས་མུ་མཐུད་དུ་མཐུན་སྒྲིལ་དང་དངོས་གཉེར། གསར་སྤེལ། འབད་འཐབ། སྐྱེས་འབུལ་བཅས་རྨ་ཆུའི་སྙིང་སྟོབས་དར་སྤེལ་སྒོས། འཛམ་གླིང་གི་མཐོ་སྒང་ན་འདམ་སྐྱེ་ཁམས་ཡུལ་སྐོར་བྱེད་ཡུལ་མཛེས་ཤོས་བསྐྲུན་པར་ལང་ཚོའི་ནུས་ཤུགས་སྐྱེས་སུ་འབུལ་རྒྱུ་རེད།
