ཕ་རིའི་སྤང་ཐང་སྟེང་ན།།
མེ་ཏོག་དཀར་སེར་དམར་ལྗང་།།
ང་རང་དགའ་བའི་མེ་ཏོག།
མཛུ་གུ་བཙུཊ་ནས་བཞག་ཡོད།།
ཕ་རི་སྟག་ལྤགས་བཏིང་ཡོད།།
ཚུ་རི་གཟིག་ལྤགས་བཏིང་ཡོད།།
ཁྱི་རྒན་རྒྱ་བོའི་ལྤགས་པ།།
འདི་ལ་འགྲོ་ཁུངས་མེད་དོ།།
ཕ་རིའི་བྲག་སྒང་ཐོག་ཏུ།།
ཝ་མོས་ཁྱི་འདུག་བཅས་ཡོད།།
ཝ་ལྤགས་ཅི་ཙམ་ཡག་ན།།
ཝ་ཤ་ཁྱི་ཡིས་མི་ཟ།
མིང་པོ་ལྷ་སར་འགྲོ་ན།།
རྨ་བྱ་སྒྲོ་ཞིག་ཁུར་ཤོག།
ང་ཚོའི་ཚོན་ཡག་བུམ་པ།།
ཁ་རྒྱན་མེད་ནས་བཞག་ཡོད།།
ཆུ་ཆེན་ཡར་ལ་ལོག་འགྲོ།
ཆུ་ཆུང་མར་ལ་ལོག་འགྲོ།
ཆུ་ཞབས་གསེར་ཉ་མ་འོངས།།
ཆུ་དྲེག་ཐོག་ལ་ལྷག་ཐལ།།
ཁྱེད་རང་ཡག་ཏུ་མ་བསམ།།
རིན་ཆེན་རིལ་བུ་མ་རེད།།
ཁྱེད་རང་འཇིགས་ཏུ་མ་བསམ།།
བཅོ་ལྔའི་ཟླ་བ་མ་རེད།།
གངས་རི་བསྐོར་ནས་ཡོང་ཟི།
གངས་ཆུ་འཐུང་ནས་ཡོང་ཟི།
གངས་དང་སེང་གར་ཉི་མ།།
དགོངས་པ་ཞུས་ནས་ཡོང་ཟི།
ལུང་བ་སྦུག་ནས་ཡོང་བའི།།
ཨ་མཆོད་བརྒྱ་དང་རྩ་བརྒྱད།།
ཀ་ཁ་ཚིག་གཅིག་མི་ཤེས།།
བཀའ་ཐང་ངས་འདོན་ཟེར་ཀི།
ཆུང་འདྲིས་ཉིན་གཅིག་ཡོད་ཁར།།
ཉི་མ་ལ་མོ་ཐོག་ཐོག།
ལྷ་དང་བླ་མ་དཀོན་མཆོག།
ཉི་མ་ཡུན་རིང་བཞག་ཆོག།
ཁྱེད་ཉིད་ང་ལ་དགའ་ན།།
རྒྱ་གླིང་ནང་ནས་འབོད་ཆོག།
ང་ནི་ཁྱེད་ལ་དགའ་ན།།
ཤེལ་སྒོའི་ནང་ནས་བལྟ་ཆོག།
ཁྱོད་ཉིད་བླ་མ་ཡིན་ན།།
བླ་ཁྲིའི་སྟེང་ལ་བཞུགས་རོགས།།
ང་ཉིད་མེ་ཏོག་སེར་པོ།།
གཡོན་སྐོར་བྱས་ནས་འགྲོ་ཆོག།
ཁྱོད་ནི་ང་ལ་དགའ་ན།།
སྒོ་ལ་རྡོག་ཐོ་རྒྱག་རོགས།།
ང་ནི་ཁྱོད་ལ་དགའ་ན།།
འདན་བུ་ཕྱེ་སར་འོང་ཆོག།
