དཀར་མཛེས་ཁུལ་གྱི་འགོ་ཁྲིད་ལས་བྱེད་པའི་ཚོགས་ཆེན་འཚོགས་པའི་ཡུལ་དངོས།
ལིའུ་ཁྲེང་མིང་གིས་ཀྲུང་གུང་དཀར་མཛེས་ཁུལ་ཏང་ཨུའི་ཧྲུའུ་ཅི་ཡི་འགན་བཞེས་པ།
ལིའུ་ཁྲེང་མིང་དང་ཧུའུ་ཁྲང་ཧྲེང་རྣམ་གཉིས་ཀྱིས་གསུང་བཤད་གནང་རྗེས་མཉམ་པར་བླངས་པ།
སྤྱི་ཟླ་དྲུག་པའི་ཚེས་14ཉིན་གྱི་ཕྱི་དྲོར། དཀར་མཛེས་ཁུལ་གྱི་འགོ་ཁྲིད་ལས་བྱེད་པའི་ཚོགས་ཆེན་འཚོགས་ཤིང་། ཞིང་ཆེན་ཏང་ཨུས་དཀར་མཛེས་ཁུལ་གྱི་ཁུལ་ཨུའི་འགོ་ཁྲིད་གཙོ་བོའི་ལེགས་སྒྲིག་བྱེད་ཕྱོགས་ཀྱི་ཐག་བཅད་བརྒྱུད་བསྒྲགས་བྱས། ཞིང་ཆེན་ཏང་ཨུའི་རྒྱུན་ཨུ་དང་རྩ་འཛུགས་པུའུ་ཡི་པུའུ་ཀྲང་ཧྥན་རུའེ་ཕིང་ཚོགས་ཆེན་དུ་ཕེབས་ནས་གསུང་བཤད་གལ་ཆེན་གནང་།
ཞིང་ཆེན་ཏང་ཨུའི་རྩ་འཛུགས་པུའུ་ཡི་པུའུ་དོན་ཨུ་ཡོན་དང་། ལས་བྱེད་ཁྲུའུ་གཉིས་པའི་ཁྲུའུ་ཀྲང་ཁྲིན་ཀོན་སུང་གིས་ཞིང་ཆེན་ཏང་ཨུའི་ཐག་གཅོད་ཁྱབ་བསྒྲགས་བྱས་ཡོད་དེ། བློ་མཐུན་ལིའུ་ཁྲེང་མིང་གིས་ཀྲུང་གུང་དཀར་མཛེས་ཁུལ་གྱི་ཁུལ་ཨུའི་ཨུ་ཡོན་དང་རྒྱུན་ལས་ཨུ་ཡོན། ཧྲུའུ་ཅི་བཅས་ཀྱི་འགན་གཅིག་ལྕོགས་འཁུར་དགོས་པ་རེད། །
