རྩྭ་མདའི་དྲུ་རུ་ནི་བོད་ལྗོངས་མངའ་རིས་ས་ཁུལ་རྩྭ་མདའ་རྫོང་ཁོངས་ཀྱི་གླང་ཆེན་ཁ་འབབ་ཏུ་གནས་པ་དང་ས་བབ་མཐོ་ཚད་སྨི་3750ནས་སྨི་4500བར་དུ་ཆགས་ཤིང་། རྒྱ་ཁྱོན་སྤྱི་ལེ་ངོས་གྲུ་2464ཙམ་ཡོད། 2005ལོར་རྒྱལ་ཁབ་རིམ་པའི་ས་གཤིས་སྤྱི་གླིང་དུ་གཏན་འཁེལ་བྱས་ཡོད།

ས་གནས་དེ་གའི་ཡུལ་སྐོར་སྡེ་ཁག་གིས་ངོ་སྤྲོད་བྱས་པར་གཞིགས་ན། གནའ་སྔ་མོའི་དུས་སུ་ས་ཁུལ་དེ་གནས་སའི་མཚོ་གཞོང་གི་སྙིགས་བསགས་བང་རིམ་ལ་ཧི་མ་ལ་ཡའི་རི་རྒྱུད་ཆགས་སྟངས་ཀྱི་ཤུགས་རྐྱེན་ཕོག་རྐྱེན། ཆུ་ཁ་དམའ་རུ་ཕྱིན་པ་དང་མཚོ་གཞོང་མཐོ་རུ་ཕྱིན་པ། དུས་ཡུན་རིང་པོའི་རླུང་ཟད་ཐེབས་ཏེ་གནམ་གཤིས་དང་རྒྱུག་ཆུས་ཟད་ཅིང་དྲས་འོག ངོ་མཚར་ཆེ་བའི་ས་དབྱིབས་རྣམ་པ་འདི་ཆགས་ཡོད་པ་རེད།