འདི་ནི་ནག་ཆུ་གྲོང་ཁྱེར་གྱི་དྭངས་ཤིང་གཙང་བའི་མཚོ་ནག་མཚོ་ཡིན་པ།
བོད་ལྗོངས་ཀྱི་མཚོ་མོ་དྭངས་ཤིང་གཙང་ལ། ཕྱོགས་བཞི་གངས་རིས་བསྐོར་བ་དང་སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ། དེ་བཞིན་རིག་གནས་ཀྱི་རྨང་གཞི་གཏིང་ཟབ་པ་བཅས་ཐུན་མོང་མ་ཡིན་པའི་རང་བྱུང་མཛེས་ལྗོངས་ཤིག་གྲུབ་ཡོད། དེ་དག་ནི་མཚོ་བོད་ས་མཐོའི་ཆུའི་འཁོར་སྐྱོད་ཀྱི་གྲུབ་ཆ་གལ་ཆེན་ཞིག་ཡིན་པར་མ་ཟད། རྩ་ཆེ་ལ་དཀོན་པའི་སྲོག་ཆགས་ཀྱི་འཚོ་སྡོད་ཁུལ་ཞིག་ཀྱང་ཡིན་པས། ས་མཐོའི་སྐྱེ་ཁམས་མ་ལག་གི་བརྟན་ལྷིང་དང་སྣ་མང་རང་བཞིན་སྲུང་སྐྱོང་བྱེད་ཀྱི་ཡོད། །
