ཉེ་ཆར། དགུན་དུས་ཀྱི་འགྲིམ་འགྲུལ་བདེ་འཇགས་དང་ནགས་ཚལ་རྩྭ་ཐང་གི་མེ་འགོག་མེ་གསོད་བདེ་འཇགས་བཅས་ཀྱི་ལས་དོན་ལ་ཤུགས་སྣོན་དང་། ཁོངས་གཏོགས་ཁུལ་གྱི་རྒྱ་ཆེའི་ཞིང་འབྲོག་མང་ཚོགས་ཀྱི་ཡ་རབས་འགྲོ་སྐྱོད་ཀྱི་འདུ་ཤེས་དང་མེ་འགོག་མེ་སྤྱོད་བདེ་འཇགས་ཀྱི་འདུ་ཤེས་སྔར་བས་ཇེ་ཟབ་ཏུ་གཏོང་བ། སློབ་གྲྭའི་དགེ་སློབ་ཀྱི་འགྲིམ་འགྲུལ་དང་མེ་ཟོན་བདེ་འཇགས་ཀྱི་འདུ་ཤེས་ཇེ་ཟབ་ཏུ་གཏོང་བ་བཅས་བྱས་ནས། བདེ་འཇགས་དོན་རྐྱེན་འབྱུང་བར་སྔོན་འགོག་བྱ་ཆེད། མཛོད་དགེ་རྫོང་དཔལ་སྐྱིད་གྲོང་རྡལ་བདེ་འཇགས་གཞུང་ལས་ཁང་གིས་དཔལ་སྐྱིད་མངགས་གཏོང་ཁང་དང་མཉམ་དུ་འགྲིམ་འགྲུལ་དང་ནགས་ཚལ་རྩྭ་ཐང་གི་མེ་འགོག་མེ་གསོད་བདེ་འཇགས་ཀྱི་དྲིལ་བསྒྲགས་བྱེད་སྒོ་སློབ་གྲྭར་སྤེལ།

ཐེངས་འདིའི་བྱེད་སྒོར་འགྲིམ་འགྲུལ་བདེ་འཇགས་དང་ནགས་ཚལ་རྩྭ་ཐང་གི་མེ་འགོག་མེ་གསོད་བདེ་འཇགས་ལས་དོན་ལ་དམ་པོར་དམིགས་ནས། གྲོང་རྡལ་བདེ་འཇགས་གཞུང་དོན་ཁང་གིས་སློབ་མ་དང་ཁྱིམ་བདག་ཚོར་ནགས་ཚལ་དང་རྩྭ་ཐང་གི་མེ་སྐྱོན་གྱི་གནོད་འཚེ་གསལ་འགྲེལ་བྱས་པ་དང་འབྲེལ་ནགས་ཚལ་དང་རྩྭ་ཐང་གི་མེ་སྐྱོན་གྱི་འབྱུང་རྐྱེན་དང་། སློབ་ཆུང་སློབ་མས་ནགས་ཚལ་དང་རྩྭ་ཐང་གི་མེ་སྐྱོན་ཇི་ལྟར་སྔོན་འགོག་བྱེད་པ་སོགས་ཀྱི་སྐོར་ལ་འགྲེལ་བཤད་ཞིབ་ཕྲ་བྱས་ནས། སློབ་མ་ཚོར་ཕྱི་རོལ་དུ་མེ་མི་སྤྱོད་པ་དང་མེ་རྟ་ཁྱེར་མི་རུང་བའི་སྐོར་ནས་སློབ་གསོ་བཏང་བ་རེད། དེ་དང་ཆབས་ཅིག་སློབ་མ་དང་ཁྱིམ་བདག་ཚོར་འགྲིམ་འགྲུལ་བདེ་འཇགས་སྐོར་གྱི་ཤེས་བྱ་དྲིལ་བསྒྲགས་བྱས། བདེ་འཇགས་ཞྭ་མོ་དང་ཉེན་སྲུང་སྒྲོག་ཐག་ཡང་དག་འདོགས་ཚུལ་དང་། ཆང་རག་བཏུངས་ནས་རླངས་འཁོར་གཏོང་བ། མྱུར་ཚད་ལས་བརྒལ་ནས་རླངས་འཁོར་གཏོང་བ། ངལ་དུབ་ངང་རླངས་འཁོར་གཏོང་བ་སོགས་འགྲིམ་འགྲུལ་ཁྲིམས་འགལ་བྱ་སྤྱོད་ཀྱིས་གནོད་འཚེ་ནན་བཤད་བྱས། ཚང་མར་འགྲིམ་འགྲུལ་སྒྲིག་སྲོལ་ལ་བརྩི་སྲུང་ནན་མོ་བྱས་ནས་ཡ་རབས་འགྲོ་སྐྱོད་བྱ་དགོས་པའི་དྲན་སྐུལ་བྱས། ཚང་མ་གཞུང་ལམ་དུ་གང་བྱུང་དུ་མི་འགྲོ་བ། ཁྲིམས་འགལ་གྱི་འགྲུལ་སྐྱེལ་རླངས་འཁོར་དང་འགྲུལ་པ་ཚད་གཞི་ལས་བརྒལ་བའི་རླངས་འཁོར་ནང་མི་སྡོད་པར། རང་འགུལ་ངང་འགྲིམ་འགྲུལ་སྒྲིག་སྲོལ་ལ་སྲུང་བརྩི་བྱས་ནས་འགྲིམ་འགྲུལ་གོམས་གཤིས་ཡག་པོ་ཞིག་ཆགས་པ་བྱེད་དགོས། ཐེངས་འདིའི་བྱེད་སྒོའི་ནང་དགེ་སློབ་དང་རོང་འབྲོག་མང་ཚོགས་སྒྲོག་ཡིག་ཁག་100ལྷག་བཀྲམ་པ་དང་མི་ཐེངས་300ལྷག་ལ་དྲིལ་བསྒྲགས་བྱས།

རྗེས་ཕྱོགས་དཔལ་སྐྱིད་གྲོང་རྡལ་གྱིས་མུ་མཐུད“སྔོན་འགོག”གི་ཐད་ཤུགས་སྣོན་བརྒྱབ་ནས་འགྲིམ་འགྲུལ་བདེ་འཇགས་དང་མེ་འགོག་མེ་གསོད་ཀྱི་འགན་འཁྲི་གཙང་འཁུར་སྒོས། དྲིལ་བསྒྲགས་སློབ་གསོ་ནན་འཛིན་གྱིས་སྐོར་ཞིབ་དང་ལྟ་སྐུལ་དོ་དམ་ལ་ཤུགས་སྣོན་བྱས་ཏེ། ས་སྲུང་གི་འགན་འཁྲི་ཡོད་པ་དང་ས་སྲུང་གི་འགན་འཁྲི་འཁུར་བ། ས་སྲུང་གི་འགན་འཁྲི་གཙང་སྒྲུབ་བཅས་བྱས་ཐོག་འགྲིམ་འགྲུལ་དང་མེ་ཟོན། ནགས་ཚལ་མེ་འགོག་མེ་གསོད་བཅས་ཀྱི“བདེ་འཇགས་དྲ་བ”བརྟན་པོ་བཙུགས།  སྦྱོར་བ་དངོས་ཀྱིས་ནགས་ཚལ་ཐོན་ཁུངས་ཀྱི་བདེ་འཇགས་དང་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་སྲུང་སྐྱོང་བྱ་རྒྱུ་ཡིན་པ་རེད། །