འདི་ནི་ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་གནས་ཆུང་སློབ་ཆུང་གི་སློབ་ཕྲུག་ཚོ་ཤེས་བྱའི་འགྲན་བསྡུར་ནང་ཞུགས་བཞིན་པ།
འདི་ནི་འགྲེལ་བཤད་པས་སློབ་མ་ཚོར་རིག་དངོས་ཀྱི་ལོ་རྒྱུས་གསལ་འགྲེལ་བྱེད་བཞིན་པ།
བོད་ལྗོངས་རྟེན་མཛོད་ཁང་གིས་ལྷ་ས་གྲོང་ཁྱེར་ཁྲེང་ཀོན་ཆུས་དང་སྟོད་ལུང་བདེ་ཆེན་ཆུས་ཀྱི་འབྲེལ་ཡོད་སློབ་གྲྭ་འབྲིང་ཆུང་དུ“སྐོར་སྐྱོད་སློབ་ཁང་། བོད་ཀྱི་ལོ་རྒྱུས་དང་རིག་གནས་སྐོར་སྐྱོད་འགྲེམས་སྟོན”གྱི་བྱེད་སྒོ་སྤེལ་བ་རེད། ད་རེས་ཀྱི་བྱེད་སྒོའི་ཐོག་བོད་ལྗོངས་རྟེན་མཛོད་ཁང་ལ་རྒྱལ་ཡོངས་ཀྱི་རྩེར་སོན་བྱ་དགའ་ཆེ་གྲས་བཅུའི་དམིགས་བསལ་བྱ་དགའ་ཐོབ་པའི་གཞི་རྩའི་འགྲེམས་སྟོན《གངས་ལྗོངས་ཀྱི་གླུ་དབྱངས། བོད་ཀྱི་ལོ་རྒྱུས་དང་རིག་གནས》དང《ཉི་མ་དང་ཐག་ཉེ་ཤོས་ཀྱི་མི། བོད་ཀྱི་དམངས་སྲོལ་རིག་གནས》ཞེས་པ་བརྙན་ཤེལ་ཆེན་པོའི་ཐོག་ནས་གཞོན་ནུ་ལོ་ཆུང་དང་བྱིས་པ་ཚོར་བསྟན་པ་དང་ཆེད་ལས་འགྲེལ་བཤད་པས་རྩེར་སོན་རིག་དངོས་རེ་རེ་བཞིན་གསལ་འགྲེལ་ཞིབ་ཕྲ་བྱས་ཏེ་ལོ་རྒྱུས་ཡུན་རིང་དང་འོད་སྟོང་འཕྲོ་བའི་རིག་གནས་རྒྱ་ཆེའི་དགེ་སློབ་ཚོས་ཤེས་རྟོགས་ཐུབ་པར་བྱས་པ་རེད།
