རིག་གནས་དམངས་ཕན་ལས་གཞི་ལག་ལེན་དུ་བསྟར་ནས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་དང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས། མཛོད་དགེ་རྫོང་གི་ཐུན་མིན་ཟློས་གར་དང་དམངས་ཁྲོད་གླུ་གར་བཅས་རྒྱུད་འཛིན་དར་སྤེལ་གཏོང་ཆེད། སྤྱི་ཟླ་12པའི་ཚེས་23ཉིན། མཛོད་དགེ་རྫོང་གི་2024ལོའི་ང་ཚོའི་ཀྲུང་གོའི་ཕུགས་འདུན་ཏེ། “རིག་གནས་གྲོང་གསེབ་ལ་སྤེལ་ནས་སྤྲོ་སྐྱིད་སྦྱིན”ཞེས་པའི་དམངས་ཕན་འཁྲབ་སྟོན་བྱེད་སྒོ་ས་ཚིགས་དང་པོ་འབྲིང་བ་ཡུལ་ཚོར་སྤེལ།

བྱེད་སྒོ་སྤེལ་ཡུལ་དུ་ཐུན་མོང་མ་ཡིན་པའི་མི་རིགས་ཀྱི་ཞབས་བྲོ་དང་སྙན་འཇེབས་ལྡན་པའི་སྲོལ་རྒྱུན་རོལ་ཆས་དཀྲོལ་བ་སོགས་ལྟད་མོ་བའི་མཐོང་ལམ་དུ་གླུ་གར་གྱི་གསོལ་སྟོན་བཤམས་པར་ཡུལ་དངོས་སུ་ཐལ་མོ་རྡེབ་སྒྲས་ཁེངས།

ལྟད་མོ་བས་བཤད་རྒྱུར། དེ་རིང་འཁྲབ་སྟོན་བྱས་པའི་ལེ་ཚན་ལེགས་པོ་འདུག །མི་རིགས་ཀྱི་ཁྱད་ཆོས་ལྡན་པའི་ཞབས་བྲོ་ལས་ང་ཚོར་སྤྲོ་སྣང་འཕེལ་བཅུག་པར་མ་ཟད་རིག་གནས་ཀྱི་ཡིད་རྟོན་ཆེ་རུ་ཕྱིན།

རྒྱུས་ལོན་པ་ལྟར་ན། ཐེངས་འདིའི་དམངས་ཕན་འཁྲབ་སྟོན་བྱེད་སྒོ་དེ་རིང་ནས་2025ལོའི་ཟླ་1ཚེས་16ཉིན་བར་རོང་འབྲོག་ས་ཁུལ་བརྒྱད་དུ་སྤེལ་རྒྱུ་རེད། རྫོང་རིག་གནས་རླུང་འཕྲིན་བརྙན་འཕྲིན་ལུས་རྩལ་དང་ཡུལ་སྐོར་ཅུས་དང་རྫོང་མཛེས་ལྗོངས་ཁུལ་དོ་དམ་ཅུས་བཅས་ཀྱིས་གཙོ་གཉེར་བྱས་ཤིང་། བྱེད་སྒོ་འདིར་རིག་རྩལ་གྱི་དྲིལ་བསྒྲགས་སློབ་གསོའི་ནུས་པ་གང་ལེགས་བཏོན་ནས་མང་ཚོགས་ཀྱི་བསམ་པའི་དཔལ་ཡོན་ཕུན་སུམ་ཇེ་ཚོགས་དང་། ཏང་དང་མེས་རྒྱལ། སྤྱི་ཚོགས་རིང་ལུགས་ལ་དགའ་ཞེན་གྱི་བརྩེ་སེམས་འཕེལ་དུ་བཅུག་ནས། མཐུན་སྒྲིལ་ཡར་རྒྱས་དང་འབད་འབུངས་སྟོབས་བརྩོན་གྱི་བསམ་པའི་སྟོབས་ཤུགས་ཆགས་པར་འབད་པ་ཧུར་ལེན་བྱ་རྒྱུ་རེད། །