རང་འདུན་པ་རྣམས་རྔ་བའི་མཛོད་དགེ་རུ་ལོ་དེར་དམར་དམག་བསྐྱོད་མྱངས་པའི་ལམ་ཁ་དངོས་སུ་དེད་ནས་པཱ་ཞེ་གྲོས་ཚོགས་ཀྱི་རྗེས་ཤུལ་ཕྱོགས་སུ་སྐྱོད་བཞིན་པ།
ཁ་སང་། བློ་སེམས་གཅིག་མཐུན་གྱི་ཀྲུང་གོའི་སེམས། མཛོད་དགེ་ས་ཚིགས་ཀྱི་ཆེད་མཁས་རང་འདུན་པ་རྣམས་པཱ་ཞེ་གྲོས་ཚོགས་ཀྱི་རྗེས་ཤུལ་དུ་ཕྱིན་ནས། དམར་པོའི་རིག་གནས་ཉམས་སུ་མྱོང་ཞིང་རྒྱང་སྐྱོད་འདུ་ཤེས་རྒྱུད་འཛིན་བྱས།
ཞོགས་པའི་ཆུ་ཚོད་དགུ་ཡི་སྟེང་། ཆེད་མཁས་རང་འདུན་པའི་རུ་དཔུང་གིས་གསར་བརྗེ་གླུ་དབྱངས་ལེན་བཞིན། ལོ་དེར་དམར་དམག་བསྐྱོད་བྱེད་མྱངས་པའི་ལམ་ཁ་དེད་ནས་པཱ་ཞེ་གྲོས་ཚོགས་རྗེས་ཤུལ་དུ་ཐོན། མ་སླེབས་པའི་ཡར་སྔོན་དུ། ཆེད་མཁས་རང་འདུན་པ་རྣམས་ཀྱིས་དམར་དམག་གངས་རིར་འགོས་ཤིང་རྩྭ་ཐང་བརྒལ་བའི་རྣམ་པ་དང་། པཱ་ཞེ་གྲོས་ཚོགས་ངོ་སྤྲོད་བྱེད་པའི་སྔ་གཞུག་གི་བརྒྱུད་རིམ་ཧྲིལ་པོར་ཉན་པ་དང་། ད་དུང་། ས་གནས་ཀྱི་དམར་པོའི་རིག་གནས་འཕེལ་རྒྱས་ལ་མ་དངུལ་བསྡུས་ནས་སྲུང་སྐྱོབ་བྱེད་པའི་འབོད་སྐུལ་ཡང་བྱས། ཉིན་གུང་། ཆེད་ལས་རང་འདུན་པ་རྣམས་ཀྱིས་ཕྱི་རོལ་ནས་བརྗེད་པར་དཀའ་བའི་གུང་ཟས་ལ་རོལ་ཞོར། དམར་དམག་གིས་རྩྭ་ཐང་བརྒལ་བའི་དཀའ་སྡུག་གི་འཚོ་བ་ཉམས་སུ་མྱོང་།
ཆེད་མཁས་པས་དམག་དཔུང་ཁྲིད་ནས། པེ་ཅིང་སློབ་ཆེན་མི་དམངས་སྨན་ཁང་གི་སློབ་དཔོན་ཆེན་མོ་ཀའོ་ཅི་ཧོན་གྱི་གསུང་བཤད་ལ་ཉན་དུ་སོང་། ཁོང་གི་བཤད་རྒྱུར། ངས་བསམ་ན་ཐེངས་འདིའི་བྱེད་སྒོ་ནི་ཧ་ཅུང་དོན་སྙིང་ལྡན་ཞིང་། ཡང་བསྐྱར་རྒྱང་སྐྱོད་ཀྱི་ལམ་དུ་ཞུགས་ཤིང་སྲོལ་རྒྱུན་གྱི་གསར་བརྗེའི་སློབ་གསོ་དང་ལེན་དང་། དཀའ་སྤྱད་སྡུག་རུས་དང་འབད་བརྩོན་ཧུར་སྐྱེད་ཀྱི་འདུ་ཤེས་ལ་ཕན་འབྲས་ཐོན། ང་ཚོས་ངེས་པར་དུ་སྔོན་གྱི་རྗེས་ཤུལ་དང་རྒྱང་སྐྱོད་འདུ་ཤེས་དར་སྤེལ་དང་རྒྱུན་འཛིན་བྱེད་དགོས་ཞེས་བཤད། །
