སི་ཁྲོན་གྱིས་ཕ་ཡུལ་དུ་ལོག་ནས་བྱ་གཞག་གཏོད་པའི་ཉེན་ཁ་མཉམ་ཁུར་གྱི་ཐེབས་རྩ་འཛུགས་རྒྱུ་སྔོན་ལ་འཚོལ་ཞིབ་བྱས།

　　དབུལ་པོའི་རྫོང་ཁག་88ཡིས་ལག་ལེན་ལྟར་འགོ་ཚུགས་ཤིང་། ཞིང་ཆེན་ནོར་སྲིད་ཀྱིས་རྫོང་གི་མི་རེར་ཆ་སྙོམས་ཁ་གསབ་སྒོ་ཁྲི་200རེ་སྦྱིན།

　　རང་རེའི་ཞིང་ཆེན་གྱི་ཕ་ཡུལ་ལ་ལོག་ནས་ལས་གཏོད་ཀྱི་ཚེ་སྲོག་རྒྱུན་འཁོར་ཧྲིལ་པོར་ལ་རྒྱབ་སྐྱོར་དང་མ་ལག་སླར་ཡང་ཁ་སྣོན་བྱས་ནས་ཕན་པ་ཤིན་ཏུ་ཆེན་པོ་བྱུང་།  གསར་འགོད་པས་སྤྱི་ཟླ་9པའི་ཚེས་13ཉིན་ཞིང་ཆེན་ནོར་སྲིད་ཐིང་ནས་ཤེས་རྟོགས་བྱུང་བ་ལྟར་ན། སི་ཁྲོན་གྱིས་རྒྱལ་ཡོངས་ཀྱི་སྔོན་དུ་ཕ་ཡུལ་དུ་ལོག་ནས་ལས་གཏོད་ཀྱི་ཉེན་ཁ་མཉམ་ཁུར་གྱི་ཐེབས་རྩ་འཛུགས་རྒྱུ་སྔོན་ལ་འཚོལ་ཞིབ་བྱས།

　　ཕ་ཡུལ་དུ་ལོག་ནས་བྱ་གཞག་གཏོད་པའི་མཉམ་འགུལ་གྱི་ཐེབས་རྩ་དེ་ཞིང་ཆེན་ཡོངས་ཀྱི་དབུལ་ཕོངས་རྫོང་ཁག་88ལ་སྔོན་ནས་ལག་བསྟར་བྱེད་འགོ་ཚུགས་ཤིང་། རྫོང་ཡོངས་ལ་སྒོར་ཁྲི་800ཡི་ཚད་གཞི་ལྟར་ཐེངས་གཅིག་གིས་ཆེད་སྤྱོད་ཁ་གསབ་རོགས་དངུལ་དང་རང་ངོས་ཀྱིས་ནོར་ཤུགས་ཕར་སྣོན་ཐེབས་རྩའི་གཞི་ཁྱོན་རེད། དངུལ་རྩའི་ལས་ཁུངས་ཀྱི་ལས་གཏོད་དངུལ་བུམ་སྤྲོད་རྒྱུ་དང་གལ་ཏེ་གྱོང་གུད་བྱུང་ཚེ། ཐེབས་རྩ་དེས་འགན་ལེན་བསྡུར་གྲངས་ངེས་ཅན་ཞིག་གཞིར་བཟུང་ནས་བྱེ་བྲག་གི་འགན་

ཁུར་བསྡུར་ཚད་དེ་རྫོང་ཁག་དང་དངུལ་རྩའི་ལས་ཁུངས་ཀྱི་གནས་ཚུལ་དངོས་ལ་གཞིགས་ནས་གྲོལ་མོལ་ཞིབ་ཕྲ་བྱ་ངེས། 

　　མ་དངུལ་གཏོང་བ་ནི་ལས་སྒོ་གསར་འབྱེད་ཀྱི་སྐུལ་ཤུགས་གལ་ཆེན་ཞིག་ཡིན་ལ། གལ་སྲིད་ཐད་ཀར་ཀ་གསབ་སྤྲད་ཚེ་ལས་གཏོད་པ་ལ་ཕན་པ་ཆེན་པོ་མེད།  ལྷོ་ནུབ་ནོར་སྲིད་སློབ་ཆེན་ནོར་ཁྲལ་སློབ་གླིང་གི་འགན་འཛིན་གཞོན་པ་ལི་ཅན་ཅིན་གྱིས་བཤད་རྒྱུར།  སི་ཁྲོན་གྱིས་ཕ་ཡུལ་དུ་ལོག་ནས་བྱ་གཞག་གཏོད་པའི་ཉེན་ཁ་མཉམ་ཁུར་གྱི་ཐེབས་རྩའི་ཐད་ལ་དངུལ་རྩའི་ལས་ཁུངས་ཀྱིས་དོགས་འཆར་ཆེན་པོ་བྱེད་དགོས་དོན་མི་འདུག དམིགས་ཡུལ་གཙོ་བོ་ནི་ཕ་ཡུལ་དུ་ལོག་ནས་ལས་སྒོ་གསར་གཏོད་བྱེད་པ་གཙོ་བོར་བཟུང་སྟེ། སྤྱི་དམངས་ཀྱི་ལས་གཏོད་དང་མི་མངོན་པའི་སྟོབས་ཤུགས་ཆེན་པོར་མངོན་པ་དེ་རེད། 

　　དེའི་སྔོན་དུ།  རང་རེའི་ཞིང་ཆེན་གྱི་ཕ་ཡུལ་དུ་ལོག་ནས་བྱ་གཞག་གསར་གཏོད་ཐད་བཏོན་ཟིན་པའི་རྒྱབ་སྐྱོར་བྱེད་པའི་སྲིད་ཇིས་རིམ་པར་དམིགས་ནས། ཉེན་ཁ་མཉམ་ཁུར་གྱི་ཐེབས་རྩའི་ལམ་ལུགས་འཆར་འགོད་ཀྱིས་རྒྱབ་སྐྱོར་མ་ལག་སྔར་ལས་འཐུས་ཚང་དུ་གཏང་བ་དང་། ཕ་ཡུལ་དུ་ལོག་ནས་བྱ་གཞག་གཏོད་མཁན་གྱི་དུས་རིམ་སོ་སོར་རྒྱབ་སྐྱོར་བྱ་དགོས།།