སྤྱི་ཟླ་9པའི་ཚེས་23ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་ཨ་རིའི་གྲོང་ཁྱེར་ཞི་ཡཱ་ཐོའོ་ནས་འཚོགས་པའི་ཁེ་ལས་པའི་བཞུགས་མོལ་ཚོགས་འདུར་བཞུགས།
ཞི་ཅིན་ཕིང་གིས་བཟོ་ཚོང་ལས་རིགས་ཀྱི་མི་སྣས་རྒྱལ་ཁབ་གཉིས་ཀྱི་བཟོ་ཚོང་མཉམ་འབྲེལ་ལ་སྐུལ་འདེད་དང་མཛའ་འབྲེལ་གོང་འཕེལ་དུ་འགྲོ་བར་བྱས་རྗེས་ཆེན་པོ་བཞག་པར་ཚད་མཐོན་པོའི་གདེང་འཇོག་གནང་། ཁོང་གིས་ཀྲུང་གོ་དང་ཨ་རིའི་མཉམ་འབྲེལ་གྱི་ངོ་བོ་ནི་ཁེ་བཟང་མཉམ་སྤྱོད་དེ་ཡིན་ལ། ཨ་རིའི་ཁེ་ལས་ཀྱིས་ཀྲུང་གོ་ནས་སྤེལ་བའི་བྱེད་སྒོ་དང་རྒྱལ་ཁབ་གཉིས་ཀྱི་མཉམ་ལས་འབྲེལ་བས་ཀྲུང་གོའི་འཕེལ་རྒྱས་ལ་ཕན་ནུས་ཆེན་པོ་ཐོབ། དེ་མཚུངས་སུ་ཨ་རིའི་ཁེ་ལས་ལའང་ཁེ་བཟང་མང་པོ་ཐོབ་པ་དང་ཨ་རིའི་དཔལ་འབྱོར་འཕེལ་རྒྱས་ལ་སྐུལ་འདེད་ཀྱི་ནུས་པ་ཆེན་པོ་ཐོན་ཡོད། ཀྲུང་གོའི་ཁེ་ལས་ཀྱིས་ཉེ་བའི་ལོ་འགའི་རིང་ཨ་རིར་མ་དངུལ་གཏོང་ཚད་ཀྱང་ཇེ་མཐོར་བཏང་བའི་ཞོར་དུ་ཨ་རིའི་ལས་ཞུགས་མཐོར་འདེགས་ལ་ནུས་པ་གལ་ཆེན་ཐོན་པ་རེད། མིག་སྔར་ཀྲུང་གོ་དང་ཨ་རིའི་དཔལ་འབྱོར་རྣམ་པ་གསར་པ་ཞིག་ལ་ཁ་གཏོད་བཞིན་ཡོད་ལ། འཕེལ་རྒྱས་ཀྱི་གོ་སྐབས་བཟང་པོ་ཞིག་ལའང་ཁ་ཕྱོགས་བཞིན་མཆིས། ཀྲུང་གོ་དང་ཨ་རི་གཉིས་ཀྱི་མཉམ་འབྲེལ་གཏིང་ཇེ་ཟབ་ཏུ་གཏང་བ་ནི་རྒྱལ་ཁབ་གཉིས་ཀྱི་འཕེལ་རྒྱས་ལ་ཕན་འབྲས་ཆེན་པོ་ཐོན་པར་མ་ཟད། འཛམ་གླིང་གི་འཕེལ་རྒྱས་ལའང་དོན་སྙིང་གལ་ཆེན་ལྡན་པ་རེད་ཅེས་བསྟན།
ཞི་ཅིན་ཕིང་གིས་ཀྲུང་གོའི་དཔལ་འབྱོར་དུས་ཡུན་རིང་པོར་འཕེལ་རྒྱས་སུ་འགྲོ་བའི་ཁ་ཕྱོགས་མི་འགྱུར་ལ། ཀྲུང་གོའི་དཔལ་འབྱོར་གྱི་སྤྱིའི་རྣམ་པའང་ཤིན་ཏུ་བཟང་། མ་འོངས་པར་ཡང་མུ་མཐུད་དུ་གཏན་འཇགས་ངང་འཕེལ་རྒྱས་སུ་འགྲོ་ངེས། ཀྲུང་གོའི་དཔལ་འབྱོར་ལ་ནུས་ཤུགས་དང་འཕེལ་སྟོབས་ཆེན་པོ་ཡོད། དུས་ཡུན་རིང་པོར་ཚད་མཐོ་བའི་འཕེལ་རྒྱས་སུ་འགྲོ་བའི་ཆ་རྐྱེན་ལྡན་ལ་འཛམ་གླིང་གི་དཔལ་འབྱོར་འཕེལ་རྒྱས་ལ་ཚོང་ར་ཆེན་པོ་དང་རྨང་གཞི་བརྟན་པོ་འདོན་སྤྲོད་བྱས་པ་རེད། ང་ཚོས་ད་ལྟ་གཏན་འབེབ་བྱེད་བཞིན་པའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལོ་ལྔའི་འཆར་གཞི་བཅུ་གསུམ་པ་དང་འབྲེལ་དེ་ཐོན་ལས་སྒྲིག་ཆས་མཐོར་འདེགས་དང་གསར་གཏོད་འཕེལ་རྒྱས་ཀྱི་ཐབས་ཇུས་ལག་བསྟར་བྱ་རྒྱུ་དང་། ཞིང་ལས་དེང་རབས་ཅན་གྱི་འཕེལ་ཚད་ཇེ་མགྱོགས་དང་འཁོར་རྒྱག་ཐཱན་ཉུང་གི་ཁོར་སྲུང་འཕེལ་རྒྱས་ཀྱི་བགྲོད་ལམ་གདམ་གསེས་བྱས་ཏེ་འཕེལ་རྒྱས་ཀྱི་སྤུས་ཚད་དང་ཕན་ཕྱོད་ལ་དོ་སྣང་ཆེན་པོ་བྱ་རྒྱུ་དང་། གསར་གཏོད་ཀྱི་སྤྱི་སྣང་སྙོམས་སྒྲིག་ལ་ཤུགས་སྣོན་བྱས་ཏེ་དཔལ་འབྱོར་གཏན་འཇགས་ངང་འཕེལ་རྒྱས་སུ་འགྲོ་བར་སྐུལ་འདེད་གཏང་ངེས་ཞེས་བསྟན།།
