ཉེ་ཆར། འབའ་ཐང་རྫོང་ཀླུ་དབང་ཐང་དུ་ལོ་ངོ་300ཡི་ལོ་རྒྱུས་ལྡན་པའི་སྲོལ་རྒྱུན་དབྱར་གནས་དུས་ཆེན་སྤེལ་བ་དང་། དཀར་མཛེས་ཁུལ་གླིང་གེ་སར་རྒྱལ་པོའི་རིག་གནས་འཕེལ་རྒྱས་ཚད་ཡོད་སྤྱི་གཉེར་ཁང་གིས་གེ་སར་སྟོང་ཐང་བཤམ་སྟོན་རྩ་འཛུགས་བྱས།
རྫོང་ཡོངས་ཀྱི་ལས་བྱེད་དང་མང་ཚོགས་རྣམས་ཀྱིས་དུས་ཐོག་ཏུ་གེ་སར་སྟོང་ཐང་མཇལ་ཐུབ་ཆེད། རྫོང་དེའི་རྫོང་ཨུ་དང་སྲིད་གཞུང་གཉིས་ཀྱིས་ཁ་པར་ཚགས་པར་ཐོག་ནས་གེ་སར་སྟོང་ཐང་བཤམ་སྟོན་བྱ་རྒྱུའི་གནས་ཚུལ་དང་ས་གནས་ཁྱབ་བསྒྲགས་བྱས།
རྒྱུས་ལོན་བྱུང་བ་ལྟར་ན། རྒྱ་ཆེ་བའི་ལས་བྱེད་དང་མང་ཚོགས་རྣམས་ཀྱིས་གཅིག་རྗེས་གཉིས་མཐུད་དུ་རྒན་སྐྱོར་བྱིས་ཁྲིད་བྱེད་ནས། གསོན་ཉམས་ལྡན་པ་དང་འགྲན་ཟླ་བྲལ་བའི་གེ་སར་སྟོང་ཐང་མཇལ་སྐབས། མང་ཚོགས་རྣམས་ཀྱིས་ཕྱག་འཚལ་བ་དང་གསོལ་བ་འདེབས། ཕྱོགས་གཅིག་ནས་ཐང་གར་མཇལ་བ་དང་། ཕྱོགས་གཅིག་ནས་བོད་ཀྱི་ཟློས་གར་དང་འབའ་གཞས་ཀྱི་སྙན་དབྱངས་ཐོས་འཛིན་རྣ་བའི་བུ་གར་བརྒྱུད།
དབྱར་གནས་དུས་ཆེན་གྱི་རིང་ལ། མི་ཐེངས་ཁྲི་5ལྷག་གེ་སར་སྟོང་ཐང་ལ་མཇལ་བཅར་ཞུ་རྒྱུ་རེད།།
