ཚེས་12ཉིན། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་གཞོན་པ་ཀྲང་ཏེ་ཅང་གིས་ཨུ་རུ་སི་མཉམ་འབྲེལ་ཨུ་ཡོན་ལྷན་ཚོགས་ཀྱི་ཀྲུའུ་ཞི་གཞོན་པ་ཝུ་མཱ་ཧཱ་ནའོ་ཧྥུ་ལ་མཇལ་འཕྲད་གནང་།
ཀྲང་ཏེ་ཅང་གིས་གསུང་དོན། ད་ལོར། ཀྲུའུ་ཞི་ཞི་ཅིན་ཕིང་དང་སྲིད་འཛིན་ཕུའུ་ཅིང་ཐེངས་གསུམ་ལ་མཇལ་འཕྲད་གནང་སྟེ། ཀྲུང་གོ་དང་ཨུ་རུ་སིའི་ཕྱོགས་ཡོངས་འཐབ་ཇུས་མཉམ་རོགས་ཀྱི་མཛའ་ཟླའི་འབྲེལ་བ་དེ་ཚད་མཐོའི་སྒོས་བདེ་ཐང་བརྟན་བརླིང་གིས་འཕེལ་རྒྱས་འགྲོ་བར་མཛུབ་སྟོན་བྱེད་བཞིན་ཡོད། ང་ཚོས་རྒྱལ་ཁབ་གཉིས་པོའི་དབུ་འཛིན་གྱི་འཐབ་ཇུས་མཛུབ་སྟོན་ལྟར། ཕྱོགས་ཡོངས་ནས་གཉིས་ཕན་མཉམ་ལས་སྐུལ་འདེད་དང་ཕྱོགས་ཡོངས་ཀྱི་འཐབ་ཇུས་མཉམ་རོགས་སྲ་བརྟན་དང་འཕེལ་རྒྱས་གཏོང་དགོས། ཀྲུང་གོ་དང་ཨུ་རུ་སིའི་ཁྲིམས་འཛུགས་ལས་ཁུངས་བར་གྱི་སྤེལ་རེས་མཉམ་ལས་ལ་གསོན་ཤུགས་ལྡན་ཏེ། ཀྲུང་ཨུའི་གྲོས་ཚོགས་མཉམ་ལས་ཨུ་ཡོན་ལྷན་ཚོགས་གསར་པའི་ཐེངས་དང་པོའི་གྲོས་ཚོགས་ལེགས་འགྲུབ་བྱུང་། ཕྱོགས་གཉིས་ཀས་མུ་མཐུད་དུ་མཉམ་ལས་ཀྱི་རྣམ་པ་གསར་པར་འཚོལ་སྙེག་བྱེད་དེ། རྒྱལ་སྐྱོང་སྲིད་གཉེར་ཉམས་མྱོང་བརྗེ་རེས་ལ་ཤུགས་སྣོན་དང་། ན་གཞོན་མཛའ་མཐུན་འབྲེལ་འདྲིས་རྒྱ་བསྐྱེད་བྱེད་ནས། ས་གནས་དང་ཁེ་ལས་མཉམ་ལས་སྐུལ་འདེད་བྱས་ཏེ། ཀྲུང་ཨུའི་མཛའ་མཐུན་མཉམ་ལས་བྱ་གཞག་ལ་བྱས་རྗེས་མང་དུ་འཇོག་དགོས།
ཝུ་མཱ་ཧཱ་ནའོ་ཧྥུ་ཡིས་གསུང་དོན། ཨུ་རུ་སིས་རྒྱལ་ཁབ་གཉིས་ཀྱི་ཁྲིམས་འཛུགས་ལས་ཁུངས་ཀྱི་མཉམ་ལས་ཇེ་ཟབ་ཏུ་གཏང་བ་དང་། ན་གཞོན་གྲོས་མི་དང་འཐུས་མི་བར་གྱི་སྤེལ་རེས་ཤུགས་སྣོན་བྱེད་དེ། ཨུ་ཀྲུང་བར་གྱི་མཛའ་མཐུན་ལ་ཞབས་ཞུ་གང་ལེགས་བྱེད་པར་རེ་བ་ཆེན་པོ་བཅངས་ཡོད།
