ཉེ་ཆར། སྐབས་25པའི་རྒྱལ་ཡོངས་དཔེ་མཛོད་ཉོ་ཚོང་བརྗེ་རེས་བཤམས་སྟོན་ཚོགས་ཆེན་དེ་ཧྲན་ཞི་ཞིང་ཆེན་ཐའེ་ཡོན་གྲོང་ཁྱེར་དུ་སྤེལ་ཏེ། བོད་ལྗོངས་ཁུལ་གསར་འགྱུར་དཔེ་སྐྲུན་ལས་རིགས་ཀྱི་ལས་ཁུངས་10ལྷག་གིས་ཕུལ་བྱུང་པར་སྐྲུན་ཡིག་རིགས་ཆིག་སྟོང་ལྷག་ཚོགས་ཆེན་དུ་མངོན། 

       སྐབས་འདིའི་དཔེ་སྟོན་ཚོགས་ཆེན་ནི་རྒྱལ་ཁབ་གསར་འགྱུར་དཔེ་སྐྲུན་ཁང་དང་རྒྱང་བསྒྲགས་བརྙན་འཕྲིན་སྤྱི་ཁྱབ་ཅུས་དང་། ཧྲན་ཞི་ཞིང་ཆེན་མི་དམངས་སྲིད་གཞུང་གིས་མཉམ་སྒྲུབ་བྱས་ཏེ། རྒྱལ་ཡོངས་ས་གནས་སོ་སོའི་དཔེ་སྐྲུན་འགྲེམ་སྤེལ་ལས་ཁུངས་ཆིག་སྟོང་ལྷག་བཤམ་སྟོན་དུ་ཞུགས་ཤིང་། བསྡོམས་པས་དཔེ་རིས་རིགས་སྣ་ཁྲི་25.6བཤམས་སྟོན་བྱས་པ་དང་དེའི་ཁྲོད་དེབ་གསར་རིགས་སྣ་ཁྲི་15.6ཡོད། །