སྤྱི་ཚེས་16ཉིན།  2015ལོའི་དབུལ་སེལ་དང་འཕེལ་རྒྱས་ཀྱི་མཐོ་རིམ་གླེང་སྟེགས་དེ་པེ་ཅིང་མི་དམངས་ཚོགས་ཁང་ཆེན་མོ་རུ་འཚོགས། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གླེང་སྟེགས་སུ་ཞུགས་ཏེ་ལག་གདང་སྦྲེལ་ནས་དབུལ་སེལ་དང་ཐུན་མོང་འཕེལ་རྒྱས་ལ་སྐུལ་འདེད་བྱ་ཞེས་པའི་གཙོ་དོན་གཏམ་བཤད་གནང་། ཞི་ཅིན་ཕིང་གིས་ནན་གྱིས་གསུང་དོན། དབུལ་སེལ་ནི་མིའི་རིགས་ཀྱི་ཐུན་མོང་གི་འགན་འཁྲི་ཡིན། བཅོས་བསྒྱུར་སྒོ་འབྱེད་བྱས་ནས་ལོ་30ཡི་རིང་དུ། ཀྲུང་གོས་ཁྱད་ཆོས་དང་ལྡན་པའི་དབུལ་སེལ་ལམ་བུ་ཞིག་གཏོད་ཡོད། ཀྲུང་གོས་རང་ངོས་ཀྱི་དབུལ་སེལ་དང་ཆབས་གཅིག ལྷོ་ལྷོའི་མཉམ་ལས་སྤེལ་བར་ཧུར་བརྩོན་བྱས་ཏེ། བློ་སེམས་གཅིག་སྒྲིལ་དང་དཀའ་གནད་འགག་སྒྲོལ་སྒོས་རྒྱ་ཆེའི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་དང་ཁྱད་པར་ཏུ་འཕེལ་རྒྱས་མིན་པའི་རྒྱལ་ཁབ་ལ་དབུལ་སེལ་གྱི་རྒྱབ་སྐྱོར་དང་རོགས་རམ་བྱས་ནས་རྒྱལ་ཁབ་སོ་སོའི་མི་དམངས་ལ་བདེ་སྐྱིད་བསྐྲུན། 

          ཆེ་དའི་སྲིད་འཛིན་ཏའེ་པི་དང་། ཁ་རོ་ཤེ་ཡའི་སྲིད་འཛིན་ཅི་ཐཱ་རོ་ཝའེ་ཆི། ཁམ་བྷོ་དི་ཡའི་སྤྱི་ཁྱབ་བློན་ཆེན་ཧོང་སེན། ལ་ཝོ་སིའི་རྒྱལ་ཚོགས་ཀྱི་ཀྲུའུ་ཞི་པཱ་ནི། པོ་ལི་ཝི་ཡའི་སྲིད་འཛིན་གཞོན་པ་ཀཱ་ཞི་ཡ། མཉམ་འབྲེལ་རྒྱལ་ཚོགས་ཀྱི་དྲུང་ཡིག་གཞོན་པ་སོགས་ཀྱིས་སྔ་གཞུག་ཏུ་གཏམ་བཤད་གནང་།