ཀྲུའུ་ཞི་ཞི་ཅིན་ཕིང་དབྱིན་ཇིར་རྒྱལ་དོན་འཚམས་འདྲི་ཕེབས་པར་ལོན་ཏོན་གྱི་ཁྲོམ་ལམ་ན་དབྱིན་ཇི་སྲིད་གཞུང་གིས་ཕེབས་བསུའི་གྲ་སྒྲིག་རབ་དང་རིམ་པ་བྱས་འདུག
གསར་འགོད་པས་མཐོང་བ་ལྟར་ན། ཕོ་བྲང་དཀར་པོའི་སྒོ་སྔོན་གྱི་གཙོ་ལམ་ཀྱི་གཡས་གཡོན་དུ་ཀྲུང་གོ་དང་དབྱིན་ཇིའི་རྒྱལ་དར་ཆེན་པོ་གྲལ་ལྟར་བཀལ་ཡོད། གཞན་དུ་གོང་མ་ཚང་གི་སྲུང་དམག་དཔུང་སྡེའི་བཞུགས་གནས་སུའང་ཀྲུང་གོའི་རྒྱལ་དར་བཀལ་ཡོད་པ་མཐོང་།
སྐབས་ཐོག་སུ་དབྱིན་ཇིའི་རྒྱལ་མོ་དབྱི་ལི་ཧྲ་པའེ་སྐུ་ཐོག་གཉིས་པས་ཀྲུའུ་ཞི་ཞི་ཅིན་ཕིང་འཚམས་འདྲི་ཕེབས་པར་དགའ་བསུའི་མཛད་སྒོ་འཚོགས་ཡུལ་དང་དམག་གཟིགས་བྱེད་ཡུལ་གྱི་དབྱིན་ཇི་གོང་མ་ཚང་གི་སྲུང་དམག་དཔུང་སྡེའི་དམག་གཟིགས་འཚོགས་ར། གཟིགས་སྟེགས་སོགས་ཀྱང་ལེགས་གྲུབ་བྱས་འདུག
