སྤྱི་ཟླ་11པའི་ཚེས་2ཉིན་བསྒྲགས་པའི་གསར་འགྱུར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་སྤྱི་ཟླ་10པའི་ཚེས་30ཉིན་གློག་འཕྲིན་གྱི་ལམ་ནས་པེས་ཏིས་ཡ་ཏི་ཝེས་པན་ཏཱ་ལི་ཡིས་བལ་པོའི་སྲིད་འཛིན་གྱི་འགན་བཞེས་པར་རྟེན་འབྲེལ་ཞུས།

　　ཞི་ཅིན་ཕིང་གིས་རྟེན་འབྲེལ་ཞུ་བའི་གློག་འཕྲིན་ནང་། ཀྲུང་གོའི་ཕྱོགས་ནས་རྣམ་པ་ཀུན་ཏུ་བལ་པོ་རྒྱལ་ཁབ་རང་ཉིད་ཀྱིས་བདམས་པའི་སྤྱི་ཚོགས་ལམ་ལུགས་དང་འཕེལ་རྒྱས་བགྲོད་ལམ་ལ་བརྩི་བཀུར་བྱ་ངེས། ཁྱེད་དང་བལ་པོ་སྲིད་གཞུང་གི་དབུ་ཁྲིད་འོག་བལ་པོ་རྒྱལ་ཁབ་འཕེལ་ལམ་གསར་བ་ཞིག་ཏུ་བསྙེག་ཐུབ་པར་ཡིད་ཆེས་ཡོད། ངས་ཀྲུང་གོ་དང་བལ་པོའི་འབྲེལ་བར་ཚད་མཐོ་བའི་དོ་སྣང་ངེས་ཤིང་ཁྱེད་དང་མཉམ་དུ་འབད་པ་ཆེན་པོས་ཀྲུང་གོ་དང་བལ་པོའི་སྲོལ་རྒྱུན་གྱི་ཕྱོགས་ཡོངས་འཐབ་ཇུས་འབྲེལ་བར་རྒྱུན་ཆད་མེད་པར་འཕེལ་རྒྱས་སུ་འགྲོ་བར་སྐུལ་འདེད་གཏང་འདོད་ཅེས་བསྟན།།