སྤྱི་ཟླ་11པའི་ཚེས་9ཉིན། རྒྱལ་ཡོངས་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་ཀྲང་ཀྲང་ཏེ་ཅང་གིས་ཚེས་9ཉིན་མི་དམངས་ཚོགས་ཁང་ཆེན་མོའི་ནང་ཧྥིན་ལན་གྲོས་ཚོགས་ཀྱི་འགན་འཛིན་པ་ལོའོ་ཧི་ལཱ་དང་མཇལ་འཕྲད་གནང་།

ཀྲང་ཏེ་ཅང་གིས་ཀྲུང་གོ་དང་ཧྥིན་ལན་གྱི་འབྲེལ་བའི་འཕེལ་རྒྱས་ལ་ཕྱིར་རྟོག་ཅིག་བྱས་ཚེ་ཕྱོགས་གཉིས་ཀྱིས་རྣམ་པ་ཀུན་ཏུ་འཐབ་ཇུས་ཀྱི་མཐོ་ཚད་ནས་འཕེལ་རྒྱས་ཀྱི་ཁ་ཕྱོགས་ངོས་འཛིན་བྱས་པ་རེད། ལྷག་པར་2013ལོར་ཀྲུའུ་ཞི་ཞི་ཅིན་ཕིང་དང་སྲིད་འཛིན་ནིའུ་ནིའུ་སི་ཐི་རྣམ་གཉིས་ཀྱིས་ཀྲུང་གོ་དང་ཧྥིན་ལན་གཉིས་ཀྱི་འབྱུང་འགྱུར་ལ་ཕྱོགས་པའི་རྣམ་པ་གསར་པའི་མཛའ་འབྲེལ་གྱི་ཐུན་མོང་གི་ངོས་འཛིན་བྱུང་བར་ཇུས་འགོད་དང་སྐུལ་འདེད་བཏང་སྟེ་ཆབ་སྲིད་ཡིད་ཆེས་གོམ་གང་མདུན་སྤོས་སྒོས་གཏིང་ཟབ་ཏུ་ཕྱིན་ཞིང་དངོས་དོན་མཉམ་འབྲེལ་རྒྱུན་ཆད་མེད་པར་རྒྱ་བསྐྱེད། མི་ཆོས་རྗེས་རེས་ཀྱི་ཡོ་ལང་འཕྱུར་པ་རེད། ད་ལོ་ནི་ཀྲུང་གོ་དང་ཧྥིན་ལན་གཉིས་ཀྱིས་འབྲེལ་བ་བཙུགས་ནས་ལོ་འཁོར་65ལོན་པའི་ལོ་རེད། ཕྱོགས་གཉིས་ཀྱི་གོ་སྐབས་དམ་འཛིན་དང་མཉམ་འབྲེལ་ཆུ་ཚད་མཐོར་འདེགས་སུ་བཏང་སྟེ་མཉམ་དུ་ཕྱོགས་གཉིས་ཀྱི་འབྲེལ་བ་འཕེལ་རྒྱས་སུ་འགྲོ་བར་སྐུལ་འདེད་གཏང་དགོས། ཀྲུང་གོ་རྒྱལ་ཡོངས་མི་དམངས་ཀྱིས་དུས་དང་རྣམ་པ་ཀུན་ཏུ་ཧྥིན་ལན་གྲོས་ཚོགས་ཀྱི་འབྲེལ་བ་འཕེལ་རྒྱས་སུ་འགྲོ་བར་མཐོང་ཆེན་བྱེད་བཞིན་ཡོད། ཁྲིམས་སྐྱོང་འཛུགས་སྐྲུན་དང་རྒྱལ་སྐྱོང་སྲིད་གཉེར་ཐད་ནས་མཉམ་མྱོང་བརྗེ་རེས་བྱས་ཏེ་རྒྱལ་ཁབ་གཉིས་ཀྱི་མཛའ་འབྲེལ་མཉམ་ལས་ལ་གཏན་འཇགས་ཀྱི་སྲིད་ཇུས་དང་ཁྲིམས་ལུགས་ཀྱི་ཁོར་ཡུག་ཅིག་བསྐྲུན་དགོས་ཞེས་བསྟན།

　　ལོའོ་ཧི་ལཱ་ཡིས་ཧྥིན་ལན་དང་ཀྲུང་གོའི་མཛའ་འབྲེལ་གྱི་རྒྱུན་ཤིན་ཏུ་རིང་། ཧྥིན་ལན་གྲོས་ཚོགས་ཀྱིས་ཀྲུང་གོ་དང་ཧྥིན་ལན་གྱི་ཁྱབ་ཁོངས་སོ་སོའི་བརྗེ་རེས་དང་མཉམ་འབྲེལ་ལ་བྱས་རྗེས་འཇོག་འདོད་ཅེས་བསྟན།།