རྔ་བའི་ཆུ་མཆིག་དང་ཡེན་ཤོས་སོགས་བཟོ་ལས་གྲོང་རྡལ་ཆུང་ངུ་ཞིག་ནས་ཡུལ་སྐོར་མཛེས་ལྗོངས་གྲོང་ཁྱེར་ཆུང་ཆུང་ཞིག་ཏུ་འགྱུར་ཡོད། གྲོང་གསེབ་ཡུལ་སྐོར་འཕེལ་རྒྱས་ཆེན་པོས་ས་གནས་དེ་གའི་མི་སེར་བདེ་སྐྱིད་ཀྱི་ལམ་ཆེན་ཐོག་ཏུ་གོམ་ཞེང་ཆེན་པོས་མདུན་དུ་སྐྱོད་བཞིན་ཡོད། 

   རྔ་བ་ཁུལ་གྱི་ས་ཁོངས་ཡོངས་ཀྱི་ཡུལ་སྐོར་ཞེས་པའི་བསམ་ཕྱོགས་གཞིར་བཟུང་འོག ཕུན་སུམ་ཚོགས་པའི་སྐྱེ་ཁམས་ཁོར་ཡུག་ཐོན་ཁུངས་དང་དམིགས་བསལ་ཁྱད་ཆོས་ལྡན་པའི་མི་རིགས་ཀྱི་ཡུལ་སྲོལ་གོམས་གཤིས་ལ་བརྟེན་ནས། གྲོང་གསེབ་ཀྱི་ཡུལ་སྐོར་གང་སར་དུ་སྔོག་འདོན་བྱས་ཡོད་ལ། མི་སེར་གྱི་འཚོ་བ་ཉིན་རེ་བཞིན་ཕྱུག་པོར་འགྱུར་བཞིན་ཡོད། 
   ཉེ་བའི་ལོ་ཤས་ནང་གྲོང་གསེབ་ཀྱི་ཡུལ་སྐོར་དབུལ་སྐྱོར་བྱ་བའི་ཁྲོད་སི་ཁྲོན་ས་གནས་ཁག་གིས་ཡུལ་བབ་དང་བསྟུན་ནས་སྐུལ་ཁྲིད་དང་དོ་དམ་བྱེད་ཤུགས་ཆེ་རུ་གཏོང་བའི་དུས་མཚུངས་སུ། ས་གནས་དེ་གའི་མི་སེར་གྱི་ཁྲོམ་ར་ཅན་གྱི་འདུ་ཤེས་མུ་མཐུད་དུ་མཐོ་རུ་བཏང་ནས། ཁོ་ཚོར་སྐུལ་མ་བྱས་ནས་མ་རྐང་མཉམ་ལས་ཀྱི་བྱེད་སྟངས་ལ་བརྟེན་ནས་ཡུལ་གྲོང་ཡུལ་སྐོར་སྤེལ་པ་དང་། གསར་དུ་དར་བའི་ཡུལ་སྐོར་འཕེལ་རྒྱས་གཏང་སྟངས་སྣ་ཚོགས་བྱུང་ཞིང་སི་ཁྲོན་གྱི་གྲོང་གསེབ་ཡུལ་སྐོར་ལ་གསོན་ཤུགས་གསར་པ་རྒྱས་ཡོད།།