2015ལོའི་ཟླ་9པ་ནས་ཟླ་11པའི་བར་དུ། སི་ཁྲོན་ཞིང་ཆེན་རིག་དངོས་གནའ་རྫས་རྟོག་ཞིབ་ཞིབ་འཇུག་ཁང་དང་རྔ་བ་ཁུལ་ཟུང་ཆུ་རྫོང་རིག་དངོས་དོ་དམ་ཁང་གིས་གནའ་རྫས་རྟོག་ཞིབ་ཆེད་ལས་དཔུང་ཁག་རྩ་འཛུགས་བྱས་ཏེ་ཟུང་ཆུ་རྫོང་གི་ཤང་སྟོད་ཡུལ་ཤོག་ཏུ་ཡོད་པའི་ཨ་ཅི་རྡོ་ཆས་གསར་མའི་དུས་རབས་ཀྱི་རྗེས་ཤུལ་ལ་གནའ་རྫས་རྟོག་ཞིབ་དང་སྔོག་འདོན་བྱས། ད་ཐེངས་ཀྱི་སྔོག་འདོན་བྱེད་ཡུལ་ནི་སྔོག་འདོན་རྗེས་ཤུལ་ཁྱབ་ཁོངས་ཀྱི་དབུས་རྒྱུད་དུ་གནས་པ་དང་ཁྱོན་སྔོག་འདོན་རྒྱ་ཁྱོན་སྨི་གྲུ་བཞི་མ་600ཡིན། ད་ཐེངས་ཀྱི་སྔོག་འདོན་ཡུལ་གྱི་རིམ་སྤུངས་ཚད་ནས་རྡོ་ཆས་གསར་མ་དང་། མིང་དང་ཆིང་རྒྱལ་རབས་དུས་ཀྱི་རིག་གནས་རིམ་སྤུངས་ཚད་རྙེད་པ་རེད། རྗེས་ཤུལ་སྣ་ཚོགས་ཁྱོན་བསྡོམས་9གཙང་བཤེར་བྱས་ཤིང་ས་འོག་ནས་ཐོན་པའི་རྡོ་ཆས་དང་རྫ་ལྷེབ་སོགས་རིགས་འདྲ་མིན་གྱི་དངོས་ཆས་ཆུང་རིགས་དང་ཤུལ་བཞག་དངོས་རྫས་20ཐོན།
     ད་ཐེངས་ཀྱི་གནའ་རྫས་རྟོག་ཞིབ་སྔོག་འདོན་བྱས་པར་བརྒྱུད། རྗེས་ཤུལ་འདིའི་རིག་གནས་ཀྱི་ནང་དོན་དང་རིག་གནས་ཀྱི་ངོ་བོར་རྒྱུས་ལོན་བྱེད་ཐུབ་པ་དང་ཟུང་ཆུ་རྫོང་མངའ་ཁོངས་སུ་རྡོ་ཆས་གསར་མའི་དུས་སྐབས་དང་ནུབ་བྱང་ས་ཁུལ་གྱི་སྔ་དུས་ཀྱི་རིག་གནས་བར་གྱི་ཕན་ཚུན་གྱི་འབྲེལ་བ་སོགས་ཤེས་རྟོགས་བྱུང་ཐུབ། དེས་སི་ཁྲོན་བྱང་ཁུལ་དང་མིང་ཅང་གཙང་པོའི་སྟོད་རྒྱུད་ཀྱི་རྡོ་ཆས་གསར་མའི་དུས་སྐབས་ཀྱི་ཞིབ་འཇུག་ལ་གལ་ཆེ་བའི་དཔྱད་ཡིག་མཁོ་འདོན་བྱས་ཡོད།།