བོད་ཀྱི་གླུ་བ་བཀྲ་ཤིས་ཉི་མ་དང་གླུ་མ་སྒྲོན་པེ། བཀྲ་ཤིས་མཚོ་སོགས་ཀྱིས་མཉམ་འབྲེལ་སྒོས་འཁྲབ་སྟོན་བྱས་པའི་《རྟ་མཆོག་གི་ཕ་ས།》ཞེས་པ་དེ་དཀར་མཛེས་ཁུལ་རོང་བྲག་རྫོང་གི་འཁྲབ་ཚན་བདེ་ལེགས་ངང་མཇུག་རྫོགས། རྒྱུས་ལོན་བྱུང་བ་ལྟར་ན་《རྟ་མཆོག་གི་ཕ་ས།》ཞེས་པའི་གློག་བརྙན་ནང་གླུ་བ་བཀྲ་ཤིས་ཉི་མ་དང་གླུ་མ་སྒྲོན་པེ་གཉིས་ཀྱིས་ཁམས་པའི་རྒན་རྒོན་ཞིག་འཁྲབ་སྟོན་བྱས་ཡོད་འདུག
《རྟ་མཆོག་གི་ཕ་ས།》ཞེས་པའི་གློག་བརྙན་འདི་ནི་ད་ལོའི་ཟླ་བརྒྱད་པའི་ནང་མཚོ་སྔོན་པོའི་འགྲམ་གྱི་ཐེམ་ཆེན་རྫོང་ནས་ཕབ་སྐྲུན་བྱེད་འགོ་ཚུགས་ཤིང་གློག་བརྙན་འདི་འཁྲབ་ཁྲིད་པ་ནི་བོད་ཀྱི་གློག་བརྙན་འཁྲབ་ཁྲིད་པ་ལོན་ཏོན་རེད། མིག་སྔར་རོང་བྲག་རྫོང་གི་འཁྲབ་ཚན་མཇུག་རྫོགས་སྟེ་ཕྱིར་མཚོ་སྔོན་པོར་ཕབ་སྐྲུན་བྱེད་དུ་འགྲོ་བར་གྲ་སྒྲིག་བྱེད་བཞིན་འདུག །
