སྤྱི་ཟླ་11པའི་ཚེས་23ཉིན། རྒྱལ་སྲིད་སྤྱི་ཁྱབ་ཁང་གིས་ཙུང་ལི་ལི་ཁེ་ཆང་གིས་མ་ལེ་ཞི་ཡའི་ཙུང་ལི་ནཱ་ཅི་པོ་དང་མཇལ་འཕྲད་གནང་།
ལེ་ཁེ་ཆང་གིས་ཀྲུང་གོའི་ཕྱོགས་ནས་མ་ལེ་ཞི་ཡ་དང་མཉམ་དུ་སྲོལ་རྒྱུན་མཛའ་འབྲེལ་དར་སྤེལ་དུ་གཏང་སྟེ་ཁྱབ་ཁོངས་སོ་སོའི་དངོས་དོན་འབྲེལ་བ་གཏིབ་ཟབ་ཏུ་སྤེལ་བ་དང་། ཀྲུང་གོ་དང་མ་ལེ་ཞི་ཡའི་ཕྱོགས་ཡོངས་མཉམ་ལས་འབྲེལ་བ་འཕེལ་རིམ་གསར་པ་ཞིག་ཏུ་བསྙེག་པ་དང་ཡིད་ཆེས་མཉམ་སྤྱོད་དང་མཉམ་འབྲེལ་མཉམ་རྒྱལ་གྱི་དཔེ་མཚོན་མཛའ་འབྲེལ་དར་སྤེལ་གཏང་དགོས། གཅིག་ནི་འཐབ་ཇུས་བརྗེ་རེས་དང་ཆབ་སྲིད་ཡིད་ཆེས་དང་མཐོ་རིམ་འབྲེལ་འདྲེས་གོང་འཕེལ་དུ་འགྲོ་བར་སྐུལ་འདེད་གཏང་དགོས། གཉིས་ནི་འཕེལ་རྒྱས་འཐབ་ཇུས་མཐུད་སྦྲེལ་དང་ནུས་ཁོངས་མཉམ་འབྲེལ་ལ་སྐུལ་འདེད་གཏང་བ། གསུམ་ནི་གོམ་གང་མདུན་སྤོས་སྒོས་བཟོ་ཚོང་དངུལ་འཇོག་དང་དངུལ་རྩའི་མཉམ་འབྲེལ་རྒྱ་སྐྱེད་པ། བཞི་ནི་མཁའ་སྤྱོད་དང་རྒྱ་མཚོའི་དཔལ་འབྱོར། ཚན་རྩལ་སོགས་ཁྱབ་ཁོངས་ཀྱི་མཉམ་འབྲེལ་སྐུལ་འདེད་གཏང་བ། ལྔ་ནི་རྒྱལ་སྲུང་དང་ཁྲིམས་སྐྱོང་བདེ་འཇགས་ཀྱི་མཉམ་འབྲེལ་ལ་ཤུགས་སྣོན་བྱ་བ། དྲུག་ནི་མི་ཆོས་རིག་གནས་དང་སློབ་གསོའི་ལས་ཀ་གོང་འཕེལ་དུ་འགྲོ་བར་སྐུལ་འདེད་དང་ཡུལ་སྐོར་ལས་རིགས་མཉམ་འབྲེལ་བྱས་ཏེ་ན་གཞོན་བྱེད་སྒོ་ལེགས་པོ་བསྒྲུབ་དགོས་ཞེས་བསྟན།
ནཱ་ཅི་པོ་ཡིས་ལི་ཁེ་ཆང་གིས་ཙུང་ལིའི་འགན་བཞེས་རྗེས་ཐོག་དང་པོར་མ་ལེ་ཞི་ཡར་འཚམས་འདྲིར་ཕེབས་པར་དགའ་བསུ་ཞུ། ཐེངས་འདིའི་འཚམས་འདྲི་བརྒྱུད་རྒྱལ་ཁབ་གཉིས་ཀྱི་འབྲེལ་བ་སྔར་ལས་ལྷག་པར་གོང་འཕེལ་དུ་འགྲོ་བར་ཡིད་ཆེས་ཡོད། ཁོང་གིས་མ་ལེ་ཞི་ཡ་དང་ཀྲུང་གོའི་འབྲེལ་བ་ནི་རྒྱལ་ཁབ་གཉིས་ཀྱི་རྒན་རབས་དབུ་ཁྲིད་པས་སྐུ་དངོས་སུ་རྨང་གཞི་བཏང་ཞིང་ཕན་ཚུན་བརྩི་འཇོག་དང་ཡིད་ཆེས་ཀྱི་རྨང་གཞིའི་སྟེང་དེང་སྐབས་དངོས་སུ་ལོ་རྒྱུས་ཀྱི་དུས་སྐབས་གསར་པ་ཞིག་ལ་སླེབས་འདུག མ་ལེ་ཞི་ཡའི་ཕྱོགས་ནས་རྒྱལ་ཁབ་གཉིས་ཀྱི་སྲོལ་རྒྱུན་མཛའ་འབྲེལ་རྒྱུན་འཁྱོངས་བྱས་ཏེ་ཕྱོགས་གཉིས་ཀྱི་ཐུན་མོང་གི་ངོས་འཛིན་ལག་བསྟར་བྱ་འདོད། དེ་མིན་རྒྱུད་གཅིག་ལམ་གཅིག་གི་གྲོས་གཞི་དང་ཨེ་ཤ་ཡའི་དངུལ་རྩའི་དངུལ་ཁང་འཛུགས་སྐྲུན་བྱེད་པར་རྒྱབ་སྐྱོར་བྱ་ངེས། ཕྱོགས་གཉིས་ཀྱིས་རིག་གནས་དང་སློབ་གསོ། ཡུལ་སྐོར། འཇིགས་སྐུལ་ལ་ངོ་རྒོལ། རྒྱལ་སྲུང་སོགས་ཁྱབ་ཁོངས་ཀྱི་མཉམ་འབྲེལ་བརྗེ་རེས་ལ་ཤུགས་སྣོན་བྱས་ཏེ་མ་ལེ་ཞི་ཡ་དང་ཀྲུང་གོའི་ཕྱོགས་ཡོངས་མཉམ་ལས་འབྲེལ་བ་ཁྱོན་ཡོངས་ནས་འཕེལ་རྒྱས་སུ་འགྲོ་བར་སྐུལ་གཏད་གཏང་དགོས་ཞེས་བསྟན།
གྲོས་མོལ་མཇུག་རྫོགས་རྗེས་རྒྱལ་ཁབ་གཉིས་ཀྱི་དབུ་ཁྲིད་ཕྱོགས་གཉིས་ཀྱི་བཟོ་ཚོང་དང་ཐོན་སྐྱེད། མི་ཆོས། མཚོ་ལམ། ཟས་རིགས་བདེ་འཇགས་སོགས་ཁྱབ་ཁོངས་ཀྱི་མཉམ་འབྲེལ་ཡིག་ཆར་མིང་རྟགས་བཀོད་པའི་མཛད་སྒོར་ཞུགས།།
