ཏང་གི་ཚོགས་ཆེན་བཅོ་བརྒྱད་པ་དང་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་འཚོགས་པ་ནས་བཟུང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དབུལ་སྐྱོར་གསར་སྤེལ་ལས་ཀར་བླང་བྱ་གལ་ཆེན་རབ་དང་རིམ་པ་བཏོན་ཡོད། རྒྱུན་འཁྱོངས་ལྷོད་མེད་ཀྱིས་དབུལ་སྐྱོར་གསར་སྤེལ་ལ་སྐུལ་འདེད་གཏང་བ་དང་ཡིད་ཆེས་ཇེ་བརྟན་དུ་བཏང་ནས་ལམ་བུ་ཡང་དག་བཙལ་ཞིང་དབུལ་སྐྱོར་གསར་སྤེལ་གྱི་བྱེད་སྟངས་བསྒྱུར་བ་ཇེ་མགྱོགས་སུ་བཏང་ནསགནད་སྨིན་དབུལ་སྐྱོར་ལག་བསྟར་བྱེད་དགོས་པ་གསལ་པོར་བསྟན་ཡོད།
     སི་ཁྲོན་ཞིང་ཆེན་སྲིད་གཞུང་གི་ཞིང་དཔོན་ཝུའེ་ཧུང་གིས་ད་ལོའི་ཞིང་ཆེན་སྲིད་གཞུང་གི་ལས་ཀའི་སྙན་ཞུའི་ནང་བཏོན་རྒྱུར། མུ་མཐུད་དུ་གྲོང་སྡེ་གསར་པ་འཛུགས་སྐྲུན་བྱེད་པར་སྐུལ་འདེད་བྱེད་དགོས་པ་དང་། གཙོ་གནད་ཐོག་དབྱིས་རིགས་ཀྱི་ཁྱིམ་གཞིས་གསར་པ་དང་། བོད་རིགས་ས་ཁུལ་གྱི་སྡོད་ཁང་གསར་པ། པ་ཧྲན་གྱི་སྡོད་ཁང་གསར་པ་བཅས་ཀྱི་འཛུགས་སྐྲུན་གཙོ་གནད་དུ་དམ་འཛིན་བྱེད་དགོས་ཤིང་། གྲོང་སྡེ་གསར་པའི་འཛུགས་སྐྲུན་དེ་སྲིད་འཛིན་ཡུལ་ཚོ་40%ཡས་མས་སུ་ཁྱབ་པར་བརྩོན་ལེན་བྱ་དགོས། མུ་མཐུད་དུ་གྲོད་སྡེ་རྙིང་པའི་བསྒྱུར་སྐྲུན་ལ་སྐུལ་འདེད་བྱ་དགོས་པ་དང་། ལྟ་ན་སྡུག་པའི་གྲོང་སྡེའི་རྣམ་པ་གསར་པའི་བྱེད་སྒོ་འཆར་གཞི་ལག་བསྟར་བྱེད་པ་དང་། ཡུལ་མིར་ཁྲིད་སྟོན་བྱས་ཏེ་འཆར་འགོད་ཁུལ་དུ་གཅིག་གྱུར་ངང་བླང་བྱ་ལྟར་ཁང་པ་གསར་པ་འཛུགས་སྐྲུན་བྱ་དགོས། མུ་མཐུད་དུ་རིག་གནས་རྒྱུད་འཛིན་ལ་ཤུགས་སྣོན་ཏེ་ནུས་ཤུགས་ཡོད་རྒུས་སྲོལ་རྒྱུན་རིག་གནས་གྲོང་སྡེ་སྐོར་ཞིག་གསར་སྤེལ་བྱས་ནས་རྒྱལ་ཁབ་རིམ་པ་དང་ཞིང་ཆེན་རིམ་པའི་སྐྱེ་ཁམས་ཤེས་དཔལ་ཞིང་གྲོང་འཛུགས་སྐྲུན་བྱ་དགོས། 
     དབུལ་ཕོངས་མེད་པར་བཟོ་བ་དང་དམངས་འཚོ་ལེགས་བཅོས་བཏང་ནས། ཐུན་མོང་ཐོག་ཕྱུག་འགྱུར་མངོན་འགྱུར་བྱེད་པ་ནི་སྤྱི་ཚོགས་རིང་ལུགས་ཀྱི་ངོ་བོའི་བླང་བྱ་ཡིན། ཉེ་བའི་ལོ་ཤས་རིང་། རོང་བྲག་རྫོང་གིས་ཀྲུང་དབྱང་དང་ཞིང་ཆེན། ཁུལ་བཅས་ཀྱི་དབུལ་སྐྱོར་གསར་སྤེལ་གྱི་སྲིད་ཇུས་ནན་ཏན་ངང་ལག་བསྟར་བྱས་ཤིང་། ལས་ཀའི་ལམ་སྲོལ་གསར་གཏོད་བྱེད་པ་དང་ལས་ཀའི་བྱེད་ཐབས་ཇེ་བཟང་དུ་བཏང་ནས་ནུས་ཤུགས་ཡོད་རྒུས་དབུལ་སྐྱོར་འགག་སྒྲོལ་ལོ་ཡི་ལས་ཀར་སྐུལ་འདེད་བཏང་། 
   གནད་སྨིན་དབུལ་སྐྱོར་བྱེད་པར་དབུལ་ཕོངས་མང་ཚོགས་དངོས་འབྲེལ་དྲང་འབྲེལ་གྱིས་དབུལ་གྲོལ་ཡོང་བར་བྱེད་དགོས་པ་མ་ཟད་མི་རིགས་མཐུན་སྒྲིལ་གྱི་རྣམ་པ་ཡང་སྲ་བརྟན་དུ་གཏང་དགོས། མགྱོགས་པོ་དང་མངོན་གསལ་གྱི་ངང་ནས་སློབ་གསོ་དང་སྨན་བཅོས་སོགས་བོད་རིགས་ས་ཁུལ་གྱི་སྤྱི་ཚོགས་བྱ་གཞག་འཕེལ་རྒྱས་སུ་གཏང་བ་དང་། སྔར་ལས་ལྷག་པའི་སྒོ་ནས་དཔལ་འབྱོར་དང་ཆབ་སྲིད། སྤྱི་ཚོགས། རིག་གནས་བཅས་ཀྱི་ཕྱོགས་བསྡུས་ཕན་འབྲས་ཀྱི་མཐུན་སྦྱོར་གཅིག་གྱུར་མངོན་འགྱུར་བྱ་དགོས།