2015ལོར། རྔ་བ་ཁུལ་གྱིས་ལྗང་མདོག་སྐྱེ་ཁམས་ཀྱི་ཁྱད་ཆོས་ལྡན་པའི་ཞིང་ལས་འཕེལ་རྒྱས་ཀྱི་བསམ་ཕྱོགས་ལ་དམིགས་ནས། མུ་མཐུད་དུ་ཐོན་ལས་གྲུབ་ཚུལ་ལེགས་སྒྲིག་ཇེ་མགྱོགས་དང་ས་ཁོངས་ཀྱི་བཀོད་སྒྲིག་ཇེ་ལེགས་སུ་བཏང་ནས། ཐོན་ལས་རྒྱུན་མ་ཆད་པར་སྟོབས་ལྡན་དུ་འགྱུར་བར་བྱས། ཞིང་འབྲོག་མང་ཚོགས་ཀྱིས་ཞིང་ལས་ལ་བརྟེན་ནས་ཡོང་འབབ་འཕར་སྣོན་བྱེད་པའི་ནུས་པ་འདོན་སྤེལ་བྱས་པ་རེད། ལོ་ཧྲིལ་པོར་འབྲུ་རིགས་འདེབས་པའི་རྒྱ་ཁྱོན་མུའུ་ཁྲི་80.62ལོན་ཡོད་ལ། སྤྱིའི་ཐོན་ཚད་ཏུན་ཁྲི་16.99ཟིན། ཁྱད་ཆོས་ལྡན་པའི་རྟེན་གཞི་ལྔའི་རྒྱ་ཁྱོན་མུའུ་ཁྲི་80.2ཡོད་ལ། སྤྱིའི་ཐོན་འབོར་ཏུན་ཁྲི་160.88ཟིན། ཤ་དང་འོ་མའི་ཐོན་འབོར་བསྡོམས་གྲངས་སོ་སོ་ཏུན་ཁྲི་8.09དང་ཏུན་ཁྲི12.04ཟིན། ཞིང་འབྲོག་ལས་རིགས་ཀྱིས་ཞིང་འབྲོག་མང་ཚོགས་ལ་མི་རེར་ཆ་སྙོམས་ཡོང་འབབ་ཁེ་གཙང་མ་18.8%འཕར་པར་གཞོགས་འདེགས་བྱས་ཡོད་ལ། དེའི་ནང་འདེབས་འཛུགས་ལས་རིགས་ལ་བརྟེན་ནས་ཞིང་པའི་ཡོང་འབབ་མི་རེར་ཆ་སྙོམས་སྒོར་230དང་འབྲོག་ལས་ལ་སྒོར་227འཕར་སྣོན་བྱུང་ཡོད། ས་ཞིང་འཁོར་རྒྱུག་ཚད་ལྡན་ཅན་དང་། གྲོང་སྡེའི་ཐུན་མོང་གི་མ་རྩ་གསུམ་གྱི་དོ་དམ་གྱི་ཡོང་འབབ་སྒོར་15འཕར་སྣོན་བྱུང་།།