ལུགས་རྙིང་ལོ་གསར་འཆར་ལ་ཉེ་དུས།ཟླ་བ་དང་པོའི་ཚེས་20ནས་ཚེས་21ཉིན་གྱི་བར་དཀར་མཛེས་ཁུལ་ཨུའི་ཧྲུའུ་ཅི་གཞོན་པ།ཁུལ་སྒྲིག་ཁྲིམས་ཞིབ་བཤེར་ཨུ་ལྷན་གྱི་ཧྲུའུ་ཅི་ཝང་དབྱང་གིས་ལུགས་རྙིང་ལོ་གསར་གྱི་འཚམས་འདྲི་ཚོགས་པ་ཁྲིད་ནས། ཁུལ་ཨུ་དང་ཁུལ་དམངས་ཆེན། ཁུལ་སྲིད་གཞུང་། ཁུལ་སྲིད་གྲོས་བཅས་ཀྱི་ཚབ་མཛད་ནས་ལྕགས་ཟམ་རྫོང་དང་གཡག་རྔ། ཆང་ལེན་བཅས་སུ་ཕེབས་ཏེ་ལས་བྲལ་ངལ་གསོ་དང་ལས་འཁྱུར་ངལ་གསོ་བྱེད་པའི་ལས་བྱེད་པར་འཚམས་འདྲི་བྱས་ནས་ལོ་གསར་ལ་སྨོན་འདུན་ཞུས་པ་རེད།　　ཝང་དབྱང་གིས་རྒྱ་ཆེ་བའི་ལས་བྲལ་ངལ་གསོ་དང་ལས་འཁྱུར་ངལ་གསོ་བྱེད་པའི་བློ་མཐུན་རྒན་གྲས་ཚོས་མུ་མཐུད་ནས་དཔའ་བོ་ན་སོ་རྒས་གྱུར་ཀྱང་དཔའ་ཉམས་བློ་སྟོབས་མི་ཉམས་པའི་སྙིང་སྟོབས་དར་སྤེལ་བཏང་སྟེ་དཀར་མཛེས་ཁུལ་གྱི་འཕེལ་རྒྱས་ལ་སེམས་ཁུར་བྱེད་པ་དང་།ངལ་གསོའི་དུས་མཚུངས་སུ་ཁུལ་ཡོངས་ཀྱི་མི་རིགས་ཁག་གི་མང་ཚོགས་དང་མཉམ་དུ་དཀར་མཛེས་ཁུལ་དབུལ་ཕོངས་ལས་བྲལ་ནས་འབྱོར་འབྲིང་གི་ལམ་དུ་བསྐྱོད་པ་དང་།དཀར་མཛེས་ཁུལ་ཡུན་རིང་བདེ་འགོད་ཡོང་བ་དང་དཀར་མཛེས་ཁུལ་གྱི་མཛེས་སྡུག་ལྡན་པའི་འབྱུང་འགྱུར་གྱི་འཆར་གཞི་གསར་པར་འགོད་པར་ཤུགས་བསྣན་དགོས་པའི་ཐུགས་རེ་གནང་བ་རེད།།