དཀར་མཛེས་ཁུལ་ཁུལ་ཡོངས་ཀྱི་མི་རིགས་སོ་སོའི་མི་དམངས་ལ་ལོ་གསར་གྱི་སྨོན་འདུན་ཞུ།
ལུགས་རྙིང་ལོ་གསར་དང་བོད་ལོ་གསར་འཆར་ཉེ་ཡོད་པའི་སྐབས་སུ།སྤྱི་ཟླ་2པའི་ཚེས་3ཉིན་གྱི་མཚན་མོར་དཀར་མཛེས་ཁུལ་ཨུ་དང་ཁུལ་སྲིད་གཞུང་གིས་ཁུལ་བརྙན་འཕྲིན་ཁང་གི་འཁྲབ་སྟོན་ཚོམས་ཆེན་དུ་གཟབ་རྒྱས་ངང་2016ལོའི་མཉམ་འཛོམས་ཀྱིས་ལོ་གསར་ལ་རྟེན་འབྲེལ་ཞུ་བའི་ཚོགས་འདུ་འཚོགས་པ་རེད།
ལིའུ་ཁྲེང་མིང་གིས་བཀའ་མངགས་ལྟར།ཡེ་ཤེས་ཟླ་བས་རང་ཁུལ་གྱི་ཚོགས་པ་ཆེན་པོ་བཞིའི་ཚབ་མཛད་ནས་ཁུལ་ཡོངས་ཀྱི་མི་རིགས་སོ་སོའི་མི་དམངས་ལ་དུས་ཆེན་གྱི་འཚམས་འདྲི་དང་ལོ་གསར་གྱི་སྨོན་འདུན་ཞུས།ཁོང་གིས་ལོ་ལྔའི་འཆར་གཞི་བཅུ་གཉིས་པའི་ནང་རང་ཁུལ་ལ་གང་ཅིའི་ཐད་ནས་གཡུར་དུ་ཟ་བའི་གྲུབ་འབྲས་ཐོབ་ཡོད་པ་རེད།གོ་སྐབས་འདི་དང་བསྟུན་ནས་དཀར་མཛེས་ཁུལ་འཛུགས་སྐྲུན་བྱེད་པར་ཐུགས་ཁུར་དང་རྒྱབ་སྐྱོར་བྱེད་མཁན་གྱི་རིམ་པ་སོ་སོའི་དབུ་ཁྲིད་དང་།ལས་རིགས་སོ་སོའི་མི་སྣ།གྲོགས་པོ་སོ་སོ་ལ་ལྷག་བསམ་རྣམ་དག་གིས་ཐུགས་རྗེ་ཆེན་ཞུ་རྒྱུ་ཡིན་ཞེས་གསུངས་པ་རེད།
ཡེ་ཤེས་ཟླ་བས་ལོ་ལྔའི་འཆར་གཞི་བཅུ་གསུམ་པའི་ནང་ཁུལ་ཨུས་ཁྱོན་ཡོངས་ནས་ཀྲུང་དབྱང་གི་གསར་གཏོད།མཐུན་སྦྱོར།ལྗང་མདོགསྒོ་འབྱེད།མཉམ་སྤྱོད་ཀྱི་འཕེལ་རྒྱས་ཆེན་པོ་ལྔའི་འདུ་ཤེས་ལག་ལེན་མཐར་ཕྱིན་བྱས་པར་བརྟེན།མཉམ་དུ་ཁྱོན་ཡོངས་ནས་འབྱོར་འབྲིང་སྤྱི་ཚོགས་བསྐྲུན་ཐུབ་པའི་དམིགས་འབེན་གཅིག་ལ་གཞིགས་པ་དང་།དབུལ་བྲལ་འབྱོར་འབྲིང་དང་ཡུན་རིང་བདེ་འགོད་ཀྱི་འགག་རྩ་འདི་གཉིས་དམིགས་སུ་ཐོན་པ།དམངས་འཚོ་བརྟན་བརླིང་གི་འཕེལ་རྒྱས་གཅིག་གྱུར་དམ་འཛིན་བྱ་རྒྱུ་བཅས་ཀྱི་དོན་ཆེན་གསུམ་དེ་ཡག་པོ་བསྒྲུབས་ནས་བློ་རྩེ་གཅིག་སྒྲིམ་གྱིས་དབུལ་སྐྱོར་འགག་སྒྲོལ་དང་ཁྲིམས་ལྟར་ཁུལ་སྐྱོང་།ཐོན་ལས་དམངས་ཕྱུགའགྲིམ་འགྲུལ་སྔོན་སྤེལ།གྲོང་ཁྱེར་དང་གྲོང་གསེབ་ཇེ་ཡགསྐྱེ་ཁམས་དཔལ་ཡོན་འཛུགས་སྐྱོང་བྱ་རྒྱུའི་འཐབ་ཇུས་ཆེན་པོ་དྲུག་སྒྲིག་འཛུགས་ལག་ལེན་བྱས་ཏེ་མཛེས་སྡུག་ལྡན་པའི་སྐྱེ་ཁམས་འཆམ་མཐུན་འབྱོར་འབྲིང་གི་དཀར་མཛེས་ཁུལ་ཇེ་མགྱོགས་སུ་འཛུགས་སྐྱོང་བྱ་རྒྱུའི་སྤྱི་ཡོངས་ཀྱི་བཀོད་སྒྲིག་མངོན་འགྱུར་བྱེད་གང་ཐུབ་བྱ་དགོས་ཞེས་གསུངས་པ་རེད།།
