ཟླ་བ2པའི་ཚེས2ཉིན་གྱི་ཞོགས་པར་དཀར་མཛེས་ཁུལ་ཨུའི་ཧྲུའུ་ཅི་ལི་ཁྲེང་མིང་གིས་ཁུལ་ཨུ་དང་ཁུལ་སྲིད་གཞུང་གི་འཚམས་འདྲི་ཚོགས་པ་ཁྲིད་ནས་ཆེད་དུ་གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམC18པའི་གན་རྒྱ་དུམ་བུའི་དར་མདོ་གྲོང་ཁྱེར་མངའ་ཁོངས་ཀྱི་རི་བརྒལ་ཕུག་ལམ་གྱི་ཨར་ལས་རྒྱག་ཡུལ་དུ་ཕེབས་ནས་ཨར་ལས་རྒྱག་བཞིན་པའི་ལས་བཟོ་མི་སྣ་ལ་འཚམས་འདྲི་གནང་ནས་ཁོ་ཚོར་ལོ་གསར་གྱི་སྨོན་འདུན་ཞུས་པ་རེད།
            ལིའུ་ཁྲེང་མིང་གིས་ཨར་ལས་འཛུགས་སྐྲུན་གྱི་འཕེལ་རིམ་ལ་ཆ་རྒྱུས་ལོན་རྗེས།གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་ནི་དཔལ་འབྱོར་དང་དམངས་འཚོའི་གཞུང་ལམ་ཡིན་ལ།ཆབ་སྲིད་ཀྱི་གཞུང་ལམ་ཞིག་ཀྱང་ཡིན་པས།བོད་ཁུལ་གྱི་དཔལ་འབྱོར་འཕེལ་རྒྱས་དང་སྤྱི་ཚོགས་འཆམ་མཐུན་བརྟན་བརླིང་སྐུལ་འདེད་གཏོང་བར་གལ་འགངས་ཆེ་བའི་ནུས་པ་ཡོད་པས་མ་ཚད།ཀྲུང་དབྱང་གིས་བཏོན་པའི་བཅའ་ཁྲིམས་ལྟར་བོད་སྐྱོང་བ་དང་།དམངས་ཕྱུག་བོད་དར།ཡུན་རིང་པོར་བོད་འཛུགས་སྐྲུན།མི་སེམས་གོང་བུ་འགྲིལ་བ།རྨང་གཞི་འདིང་རྒྱུ་སོགས་ཀྱི་བྱ་སྤྱོད་དངོས་དོན་འཁྱོལ་བྱེད་པ་ཞིག་ཀྱང་རེད།གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་འཛུགས་སྐྲུན་བྱས་ནས་དཀར་མཛེས་བོད་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས།མང་ཚོགས་ཀྱི་ལྟ་བ་གསར་སྒྱུར།ཡོང་འཕར་ཕྱུག་འགྱུར།དབུལ་བྲལ་འབྱོར་འབྲིང་སོགས་ཀྱི་ཐད་ལ་དགེ་མཚན་ལྡན་པའི་ནུས་པ་ཐོན་ངེས་རེད།ཨར་ལས་འཛུགས་སྐྲུན་བྱེད་སའི་ནང་ཞུགས་མཁན་གྱི་སྡེ་ཚན་སོ་སོས་ཨར་ལས་ཀྱི་སྤུས་ཀར་འགན་སྲུང་བྱེད་པའི་ཆ་རྐྱེན་འོགཨར་ལས་ཀྱི་འཕེལ་རིམ་ཇེ་མགྱོགས་བཏང་ནས་སྔ་སྣུར་ཙམ་རླངས་འཁོར་ཤར་གཏོང་ཐུབ་པར་བརྩོན་ལེན་བྱས་ཏེ་དཀར་མཛེས་ཁུལ་གྱི་མི་རིགས་སོ་སོའི་མང་ཚོགས་ལ་བདེ་སྐྱིད་བསྐྲུན་རྒྱུའི་རེ་བ་ཡོད་ཅེས་གསུངས་པ་རེད།