སྤྱི་ཟླ་2པའི་ཚེས་2ནས་ཚེས་5ཉིན་བར།  ཞིང་ཆེན་ཏང་ཨུའི་གཅིག་གྱུར་བཀོད་སྒྲིག་ལྟར། ཞིང་ཆེན་ཏང་ཨུའི་རྒྱུན་ལས་ཨུ་ཡོན་དང་། འཐབ་ཕྱོགས་གཅིག་གྱུར་པུའུ་ཡི་འགོ་འཛིན་ཚུའེ་པའོ་ཧྭས་རུ་ཁག་གི་སྣེ་ཁྲིད་བྱས་ཏེ་དཀར་མཛེས་ཁུལ་དུ་དཔལ་འབྱོར་ལས་ཀའི་ཆེད་དོན་ལྟ་སྐུལ་མཛུབ་ཁྲིད་བྱས། ཚུའེ་པའོ་ཧྭ་ཡིས་ནན་བཤད་གནང་དོན། དཔལ་འབྱོར་རྒྱུན་རྣམ་གསར་པའི་ཁྱད་ཆོས་ཁོང་དུ་ཆུད་པ་བྱ་དགོས་ལ། གང་ལེགས་སྒོས་ས་གནས་དེ་གའི་དོན་དངོས་ལ་གཞིགས་ནས། ཟམ་མི་ཆད་པར་ འདུ་ཤེས་བསམ་གཞིགས་གསར་གཏོད་བྱ་དགོས་པ། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མ་འཇོག་སྐུལ་འཁྲིད་ནུས་པ་མུ་མཐུད་ཇེ་ཆེར་གཏོང་བ་དང་། ཐབས་བརྒྱ་ཇུས་སྟོང་གིས་བརྟན་པོའི་ངང་འཕར་བ་ཞེས་པའི་བཀོད་སྒྲིག་གལ་ཆེན་ལ་དམ་པོར་དམིགས་ནས། ཕྱི་ཤུགས་ནང་འདྲེན་དང་ནང་གི་སྒུལ་ཤུགས་ཆེ་རུ་གཏོང་བ་ཟུང་འབྲེལ་བྱེད་པ་རྒྱུན་འཁྱོངས་བྱས་ཏེ། བོད་རིགས་ས་ཁུལ་འཕེལ་རྒྱས་ཀྱི་བསྡུར་གཞི་ཡོད་པའི་ལེགས་ཆ་གང་ལེགས་སྒོས་འདོན་སྤེལ་བྱས་ནས། སི་ཁྲོན་གྱི་ཁྱད་ཆོས་དང་བོད་རིགས་ས་ཁུལ་གྱི་ཁྱད་ཆོས་ལྡན་པའི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་ལམ་བུ་ཞིག་བསྐྲུན་དགོས་ཟེར།།