རྫོང་དེའི་ཡིད་རྟོན་ཁང་གི་ལས་བྱེད་མི་སྣས་ངོ་སྤྲོད་བྱས་པ་ལྟར་ན། ད་ཐེངས་ཀྱི་འོ་མའི་རིན་འབབ་གཅིག་གྱུར་ངང་ཁྱུང་མཆུ་རྫོང་ཡིད་རྟོན་ཁང་གིས་ཚབ་བྱེད་དངུལ་སྤྲོད་བྱས་པ་དང་། བྱང་བུ་གཅིག་གི་ལམ་ནས་གྲངས་འབོར་ལྟར་རྩིས་ཐོ་འགོད་རྒྱུ་རེད། འོ་མའི་རིན་འབབ་སྒོར་ཁྲི་5118ཁྱིམ་ཚང་2599ཡི་ལག་ཏུ་སྤྲོད་རྒྱུ་ཡིན་ལ། ཁྱིམ་ཚང་རེ་ལ་སྒོར་ཁྲི་2རེ་སྤྲོད་པ་དང་། ཆེས་མང་བའི་ཁྱིམ་ཚང་ལ་སྒོར་ཁྲི་17ཟིན་ཡོད། ད་ལོར་སྤྲད་པའི་འོ་མའི་རིན་འབབ་ན་ནིང་དང་བསྡུར་ན་སྒོར་ཁྲི་700ལྷག་གིས་ཇེ་མང་དུ་སོང་ཡོད། ལོ་སར་དུས་ཆེན་གྱི་སྔ་རྗེས་སུ། རྫོང་དེའི་ཡིད་རྟོན་ཁང་གི་དྲ་ཚིགས་5ཡིས་གཅིག་རྗེས་གཉིས་མཐུད་ངང་འོ་མའི་རིན་འབབ་ཚང་མ་སྤྲད་ཚར་དགོས་པ་རེད།