གསར་འགོད་པས་ཞིང་ཆེན་རྨང་གཞིའི་སྒྲིག་བཀོད་མ་འཇོག་སྐུལ་འདེད་ཅུས་ནས་རྒྱུས་ལོན་བྱུང་བ་ལྟར་ན། སི་ཁྲོན་གྱི་ཚོང་བ་ཕ་ཡུལ་དུ་ལོག་ནས་འཕེལ་རྒྱས་གཏོང་བའི་ཚོགས་ཆེན་ཚེས་23ཉིན་ནས་ཚེས་24བར་ཁྲེན་ཏུའུ་ནས་འཚོགས་རྒྱུ་ཡིན་ལ། སྐབས་དེ་དུས་ཁྲོན་ཚོང་མཉམ་འབྲེལ་ལྷན་ཚོགས་འཛུགས་རྒྱུ་ཡིན་པར་མ་ཟད། ཁྲོན་ཚོང་ཕ་ཡུལ་དུ་ལོག་ནས་བྱ་གཞག་དར་སྤེལ་མ་འཇོག་ཐེབས་རྩ་འཛུགས་རྒྱུ་རེད།
ཤེས་རྟོགས་བྱུང་བར་གཞིགས་ན། ཁྲོན་ཚོང་གི་ཐོན་ཁུངས་སྔར་བས་བསྡུ་སྒྲིག་བྱས་ནས་ཁྲོན་ཚོང་གི་སྟོབས་ཤུགས་གོང་བུ་འགྲིལ་ཆེད། ཕྱི་ཡུལ་ལ་གནས་པའི་སི་ཁྲོན་གྱི་ཚོང་བ་ཕ་ཡུལ་དུ་ལོག་ནས་འཕེལ་རྒྱས་ཡོང་བར་རྒྱབ་སྐྱོར་དང་སྐུལ་འདེད་བཏང་བ་རེད། རང་རེའི་ཞིང་ཆེན་གྱིས་ཉེ་བའི་ཉིན་འགའི་སྔོན་དུ་《སི་ཁྲོན་གྱི་ཚོང་པ་ཕ་ཡུལ་དུ་ལོག་ནས་འཕེལ་རྒྱས་གཏོང་བར་སྐུལ་མ་གཏོང་བའི་སློབ་སྟོན་བསམ་འཆར།》བཏོན་ནས། སྲིད་ཇུས་ཀྱི་རྒྱབ་སྐྱོར་དང་འཐེབ་རྩ་སྐུལ་འདེད། ལམ་ལུགས་ཀྱི་འགན་ལེན་སོགས་ཀྱི་ཐད་འབྲེལ་ཡོད་བྱ་ཐབས་ཁ་གསལ་བཟོས་ཡོད། དེས་ཕྱི་ན་གནས་པའི་སི་ཁྲོན་གྱི་ཚོང་བ་ཕ་ཡུལ་དུ་ལོག་ནས་བྱ་གཞག་སྤེལ་པར་སྐུལ་འདེད་བཏང་ཡོད།
