སྤྱི་ཟླ་2པའི་ཚེས་10ནས་ཚེས12བར་དུ། འབར་ཐང་རྫོང་དུ་དུས་ཡུན་ཉིན་གསུམ་གྱི་རིང་རིན་གོང་བདེ་བའི་དཔེ་ཆ་འགྲེམས་ཚོང་བྱེད་སྒོ་སྤེལ། དཔེ་ཚོང་ཁང་ནང་དུ་དཔེ་ཀློག་དང་དཔེ་ཆ་ཉོ་བར་ཡོང་མཁན་རྒྱུན་ཆད་མེད་པ། 
     རྫོང་དེའི་ཤིན་ཧྭ་དཔེ་ཚོང་ཁང་གི་འགན་འཁུར་བས་ངོ་སྤྲོད་བྱས་པར་ལྟར་ན། ད་ལོའི་དཔེ་དེབ་འགྲེམས་ཚོང་བྱེད་སྒོ་ལ་དཔེ་དེབ་5000ལྷག་ཀློག་པ་པོར་ཉོ་སྒྲུབ་མཁོ་འདོན་བྱས་ཡོད། ལས་བྱེད་པ་དང་ལས་བཟོ་བ། ལས་འཁྱུར་ངལ་གསོ་པ། གྲྭ་བཙུན། སློབ་མ་སོགས་བྱ་འགུལ་དེའི་ནང་ཞུགས་ཡོད་ལ་ཉིན་གཉིས་ཀྱི་རིང་ལ་དཔེ་དེབ་800ལྷག་ཚོང་ཡོད། རྒྱུས་ལོན་བྱུང་བ་ལྟར་ན། འབའ་ཐང་རྫོང་གི་ལོ་རེ་རེའི་ལོ་སར་དུས་ཆེན་ལ་བྱེད་སྒོ་འདི་སྤེལ་ཡོད་ལ། དེའི་དམིགས་ཡུལ་ནི་དམངས་ཡོངས་ཀྱི་བསམ་བློ་རིག་གནས་དང་བྱང་ཚད་ཇེ་མཐོར་ཡོང་བར་བྱས་ནས། དཔེ་ཀློག་ནི་ཚེ་གང་གི་གོམས་གཤིས་ཤིག་ཏུ་འགྱུར་པའི་ཆེད་དུ་ཡིན།