གསར་འགོད་པས་སྤྱི་ཟླ་2པའི་ཚེས་17ཉིན་ཞིང་ཆེན་སློབ་གསོ་ཐིང་ནས་རྒྱུས་ལོན་བྱས་པ་ལྟར་ན། རང་རེའི་ཞིང་ཆེན་གྱིས་ཡུག་ཁུལ་ཆེན་པོའི་བཞིའི་དབུལ་པོའི་རྫོང་ཁག་88ཀྱི་སློབ་གསོ་ཆ་འཕྲིན་ཅན་གྱི་ཆེད་དོན་དབུལ་སྐྱོར་གྱི་བྱ་འགུལ་གྱི་འཆར་གཞི་བཟོས་པ་མ་ཟད་ལག་བསྟར་བྱ་རྒྱུ་རེད། བརྒྱུད་སྤྲོད་སློབ་ཁྲིད་དང་དགེ་རྒན་གྲགས་ཅན་གྱི་སློབ་ཁྲིད། སློབ་གྲྭ་གྲགས་ཅན་གྱི་དྲ་རྒྱའི་སློབ་ཁྲིད་དབུལ་པོའི་རྫོང་ཁག་88ཀྱི་རིམ་པ་ཁག་དང་སློབ་གྲྭ་ཁག་ལ་སྦྲེལ་རྒྱུ་རེད།།

       ལོ་ལྔའི་འཆར་གཞི་བཅུ་གསུམ་པའི་སྐབས་སུ། རང་རེའི་ཞིང་ཆེན་གྱིས་སློབ་གྲྭ་སོ་སོའི་ཡངས་དྲ་སྦྲེལ་པའི་འཛུགས་སྐྲུན་བྱེད་ཤུགས་མུ་མཐུད་དུ་ཆེ་རུ་བཏང་ནས། 2020ལོར་གཞི་རྩའི་ཆ་ནས་ས་ཁུལ་ཡོངས་དང་རིམ་པ་ཁག་གི་སློབ་གྲྭ་སོ་སོའི་ཡངས་དྲ་ཁྱོན་ཡོངས་ནས་སྦྲེལ་ཐུབ་པ་མངོན་འགྱུར་ཡོང་བ་བྱ་དགོས་པ་དང་། ཆ་རྐྱེན་འཛོམས་པའི་སློབ་ཁྲིད་ས་ཚུགས་སུ་ཡོངས་དྲ་སྦྲེལ་ཐུབ་པ་མངོན་འགྱུར་བྱེད་པ་དང་། ཆ་རྐྱེན་འཛོམས་པའི་གྲོང་རྡལ་གྱི་སློབ་གྲྭ་ཁག་གིས་སྐུད་མེད་དྲ་བ་སྦྲེལ་ཐུབ་པ་བྱ་དགོས། རིམ་པ་ཁག་གི་སློབ་གྲྭ་སོ་སོར་དྲ་རྒྱའི་སློབ་ཁྲིད་ཁོར་ཡུག་དང་སློབ་ཁྲིད་གྲ་སྒྲིག་གི་ཁོར་ཡུག་ཡོངས་ཁྱབ་ཏུ་འཛོམས་པ་བྱ་དགོས།

       ཁྱོན་ཡོངས་ནས་སྤུས་ལེགས་ཐོན་ཁུངས་འཛིན་གྲྭ་ཀུན་ཏུ་ཁྱབ་པར་སྐུལ་འདེད་གཏང་བ་དང་གཞི་རྩའི་ཆ་ནས་གྲངས་འཛིན་སློབ་གསོའི་ཐོན་ཁུངས་ཀྱི་སྤྱི་པའི་ཞབས་ཞུའི་མ་ལག་བསྐྲུན་ཐུབ་པ་བྱ་དགོས། སློབ་སྦྱོང་རྣམ་པའི་སྤྱི་ཚོགས་འཛུགས་སྐྱོང་གི་དགོས་མཁོ་དང་འཚམ་པའི་ཆ་འཕྲིན་ཅན་གྱི་འདེགས་སྐྱོར་ཞབས་ཞུའི་མ་ལག་རྨང་གཞིའི་སྒོ་ནས་ཆགས་ཐུབ་པ་བྱ་དགོས།།