2020ལོར་ཀྲུང་གོའི་ཁྱད་ཆོས་ལྡན་པའི་སྒོ་འབྱེད་སློབ་ཆེན་གྱི་མ་ལག་འཛུགས་སྐྲུན་ལེགས་འགྲུབ་བྱུང་བར་འབད་པ་བྱེད་དགོས།
རྩོམ་སྒྲིག་པ།ཡོང་ཁུངས། སྤེལ་དུས། 02-19
ཉེ་སྔོན། སློབ་གསོ་པུའུ་ཡིས་《སྒོ་འབྱེད་སློབ་ཆེན་ལེགས་པོ་བསྐྲུན་པའི་སྐོར་གྱི་བསམ་འཆར།》དཔར་འགྲེམ་བྱས་ཤིང་ས་གནས་སོ་སོས་ཁྱོན་ཡོངས་བཞིའི་བཀོད་སྒྲིག་ལྟར་ཀྲུང་གོའི་ཁྱད་ཆོས་རྒྱུན་འཁྱོངས་དང་སློབ་སྒྲུབ་ཆུ་ཚད་མཐོར་འདེགས་སུ་གཏང་སྟེ་2020ལོར་ཀྲུང་གོའི་ཁྱད་ཆོས་ལྡན་པའི་སྒོ་འབྱེད་སློབ་ཆེན་གྱི་མ་ལག་ལེགས་འགྲུབ་བྱུང་བར་འབད་པ་བྱས་ཏེ་སློབ་སྦྱོང་རྣམ་པའི་སྤྱི་ཚོགས་ལ་སྐུལ་ཤུགས་འདོན་སྤྲོད་དང་མི་ཤུགས་ཐོན་ཁུངས་ཀྱི་འདོན་སྤེལ་ལ་འགན་སྲུང་གལ་ཆེན་མཁོ་སྤྲོད་བྱ་དགོས་དགོས་པའི་རེ་བ་བཏོན།
སློབ་གསོ་པུའུ་ཡིས་ས་གནས་སོ་སོས་ཕན་ནུས་གོ་གནས་ལ་ངོས་འཛིན་གསལ་བོ་བྱས་ཏེ་སྒོ་འབྱེད་སློབ་ཆེན་དེ་དམངས་ཡོངས་ཀྱིས་ཚེ་གང་བོར་སློབ་སྦྱོང་བྱེད་པའི་རྣམ་པ་གསར་པའི་མཐོ་རིམ་སློབ་གྲྭར་འཛུགས་བསྐྲུན་བྱ་དགོས་པའི་རེ་བ་བཏོན་པ་དང་། ས་ཁུལ་དང་ལས་རིགས། ཁ་ལས་སོགས་རྣམ་པ་མི་འདྲ་བའི་ཚོགས་པར་ཁ་གཏད་དེ་སློབ་གསོའི་ཞབས་ཞུ་འདོན་སྤྲོད་བྱ་དགོས། རྒྱ་ཆེ་བའི་སྒོ་ནས་ལས་བཟོ་བའི་སློབ་གསོ་དང་སྡེ་ཁུལ་གྱི་སློབ་གསོ། རྒན་པའི་སློབ་གསོ། རྣམ་པ་གསར་པའི་ཞིང་བའི་སློབ་གསོ་དང་རིགས་མི་འདྲ་བའི་གསོ་སྐྱོང་སྤེལ་དགོས་པར་མ་ཟད། སློབ་སྒྲུབ་ཀྱི་རྨང་གཞའི་སྒྲིག་བཀོད་འཐུས་ཚང་དང་གྲངས་གཞི་ཅན་གྱི་སློབ་སྦྱོང་ཁོར་ཡུག་འཛུགས་སྐྲུན། བརྡ་འཕྲིན་ལག་རྩལ་གྱི་བཀོལ་སྤྱོད་ལ་ཤུགས་སྣོན་བྱེད་པ། དྲ་ཐོག་སློབ་གསོའི་ཆུ་ཚད་མཐོར་འདེགས། སྐུད་འོག་རྒྱབ་སྐྱོར་གྱི་ནུས་པ་མཐོར་འདེགས། སྤུས་ལེགས་སློབ་གཞི་འཛུགས་བསྐྲུན་དང་སློབ་སྦྱོང་གི་དགོས་མཁོ་སྐོང་དགོས་ཞེས་བསྟན།།
