གསར་འགོད་པས་སྤྱི་ཟླ་2པའི་ཚེས་18ཉིན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་རྒྱུས་ལོན་བྱུང་བ་ལྟར་ན། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་མི་རིགས་ས་ཁུལ་གྱི་ལས་ཞུགས་སྐུལ་འདེད་བྱེད་སྒོའི་བླང་བྱ་དོན་འཁྱོལ་བྱེད་པ་དང་། རང་རེའི་ཞིང་ཆེན་གྱི་བོད་ཁུལ་དང་ལའང་ཧྲན་དབྱིས་ཁུལ་ཆེ་ཆུང་གི་མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་བཅོས་ཇེ་མགྱོགས་སུ་གཏང་ཆེད། ད་ལོ་རང་རེའི་ཞིང་ཆེན་གྱིས་མུ་མཐུད་དུ་ཞིང་ཆེན་ཡོངས་ཀྱི་བོད་ཁུལ་དང་ལའང་ཧྲན་དབྱིས་ཁུལ་ཆེ་ཆུང་དུ་མི་རིགས་ས་ཁུལ་གྱི་མང་ཚོགས་ཀྱི་ལས་རིགས་གསོ་སྦྱོང་བྱེད་སྒོ་སྤེལ་རྒྱུ་ཡིན་པ་དང་། མང་ཚོགས་2000རྩ་འཛུགས་བྱས་ཏེ་ལས་རིགས་གསོ་སྐྱོང་སྦྱོང་བརྡར་ལ་ཞུགས་སུ་འཇུག་རྒྱུ་རེད།
     དེའི་ནང་ལེ་ཧྲན་གྱིས་དབྱིས་ཁུལ་གྱི་མང་ཚོགས་300ཡན་རྩ་འཛུགས་བྱས་ནས་གསོ་སྦྱོང་ལ་ཞུགས་རྒྱུ་ཡིན་ལ། རྔ་བ་དང་དཀར་མཛེས་སོ་སོ་ནས་བོད་ཁུལ་གྱི་མང་ཚོགས་550ཡན་རྩ་འཛུགས་བྱས་ནས་གསོ་སྦྱོང་ནང་ཞུགས་རྒྱུ་རེད། ལའང་ཧྲན་ནས་དབྱིས་ཁུལ་གྱི་མང་ཚོགས་500དང་བོད་ཁུལ་གྱི་མང་ཚོགས་100སོ་སོ་ནས་རྩ་འཛུགས་བྱས་ནས་གསོ་སྦྱོང་ནང་ཞུགས་རྒྱུ་རེད།
   ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། གསོ་སྦྱོང་བྱེད་ཡུལ་ནི་ལས་རིགས་གསོ་སྦྱོང་གི་ཁ་གསབ་ལོངས་སུ་སྤྱོད་མྱོང་མེད་པའི་བོད་ཁུལ་དང་ལའང་ཧྲན་ཆེ་ཆུང་གི་དབྱིས་ཁུལ་གྱི་ཁྱིམ་ཚང་དབུལ་པོའི་བུ་ཕྲུག་དང་། གྲོང་ཁྱེར་དང་གྲོང་རྡལ་གྱི་ལས་ཤོར་ཐོ་འགོད་མི་སྣ། གྲོང་གསེབ་ཀྱི་ལས་ཞུགས་གཞན་སྒྱུར་བྱས་པའི་ངལ་རྩོལ་པ།  གསར་དུ་སློབ་མཐར་ཕྱིན་པའི་མཐོ་རིམ་སློབ་གྲྭའི་སློབ་མ། གྲོང་ཁྱེར་དང་གྲོང་གསེབ་ཀྱི་མུ་མཐུད་དུ་སློབ་རིམ་མ་འཕར་པའི་ད་ལོའི་དམའ་འབྲིང་དང་མཐོ་འབྲིང་གི་སློབ་མཐར་ཕྱིན་པའི་སློབ་མ་ལས་ལས་གཏོད་དང་ལས་ཞུགས་ཀྱི་རེ་བ་ཡོད་མཁན་དང་གསོ་སྦྱོང་གི་འདུན་པ་ཡོད་པའི་མི་སྣ་བཅས་ཡིན། གསོ་སྦྱོང་གི་ནང་དོན་ནི་བྱ་གཞག་གཏོད་པའི་སྦྱོང་བརྡར་རམ་ལས་རིགས་ལག་རྩལ + ལས་གཏོད་གསོ་སྦྱོང་ཡིན།།