སྤྱི་ཟླ་2པའི་ཚེས་23ཉིན། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི། ཀྲུང་དབྱང་གི་ཕྱོགས་ཡོངས་ནས་བཅོས་སྒྱུར་གཏིང་ཟབ་ཏུ་སྤེལ་བའི་འགོ་ཁྲིད་ཚན་ཆུང་གི་འགན་འཛིན་པ་ཞི་ཅིན་ཕིང་གིས་ཀྲུང་དབྱང་གི་ཕྱོགས་ཡོངས་ནས་བཅོས་སྒྱུ་གཏིང་ཟབ་ཏུ་སྤེལ་བའི་འགོ་ཁྲིད་ཚན་ཆུང་གི་གྲོས་ཚོགས་ཐེངས་ཉེར་གཅིག་པར་གཙོ་སྐྱོང་གནང་བར་མ་ཟད་གསུང་བཤད་གནང་། ཁོང་གིས་ས་ཁུལ་སོ་སོ་དང་སྡེ་ཁག་སོ་སོས་ཕྱོགས་ཡོངས་ཀྱི་འདུ་ཤེས་དང་འགན་ཁུར་གྱི་འདུ་ཤེས་སྲ་བརྟན་དུ་གཏང་ཏེ་བཅོས་སྒྱུར་དམ་འཛིན་བྱེད་པ་དེ་ཆབ་སྲིད་ཀྱི་འགན་ཁུར་གལ་ཆེན་ཞིག་ཏུ་བརྩི་བ་དང་བཅོས་སྒྱུར་གྱི་ཆོད་སེམས་དང་ཡིས་ཆེས་ཇེ་བརྟན་དུ་གཏང་བ། བཅོས་སྒྱུར་གྱི་བསམ་བློའི་རང་རྟོགས་དང་འགུལ་སྐྱོད་རང་རྟོགས་གོང་འཕེལ་དུ་གཏང་དགོས། བཅོས་སྒྱུར་གྱི་སྐུལ་འདེད་པ་བྱ་དགོས་པར་མ་ཟད་བཅོས་སྒྱུར་དངོས་སྒྲུབ་པ་ཡང་བྱ་དགོས། སྙིང་སྟོབས་ཆེན་པོས་བཅོས་སྒྱུར་ལག་བསྟར་བྱེད་པ་དང་གནད་འགག་དམ་འཛིན་བྱེད་པ། གནད་ལ་འཁེལ་བའི་སྒོ་ནས་ཤུགས་འདོན་པ། དགལ་ངལ་ཁྱད་དུ་གསོད་པ། དམིགས་འཛིན་སྒོས་དམ་འཛིན་བྱེད་པ་དང་བསྐྱར་དུ་དམ་འཛིན་བྱས་ཏེ་གྲུབ་འབྲས་ལོན་པར་བྱ་དགོས་ཞེས་བསྟན།།