སྤྱི་ཟླ་2པའི་ཚེས་24ཉིན། སྐབས་དང་པོའི་ཁྲོན་ཚོང་ཕ་ཡུལ་དུ་ལོག་ནས་འཕེལ་རྒྱས་གཏང་བའི་ཚོགས་ཆེན་སྐབས་སུ། རང་རེའི་ཞིང་ཆེན་གྱི་གཡག་རྔ་དང་ནན་ཁྲོན། ཀོང་ཨན། ལའང་ཧྲན་དང་ཁྲེན་ཏུའུ་གྲོང་ཁྱེར་གྱི་ཝུའུ་ཧོས་ཆུས་སོགས་ཀྱིས་གཅིག་རྗེས་གཉིས་མཐུད་ངང་ཕ་ཡུལ་དུ་ལོག་ནས་མ་འཇོག་བྱེད་པའི་བཞུགས་མོལ་ཚོགས་འདུའམ་་མིང་རྟགས་འགོད་པའི་ཚོགས་འདུ་སྤེལ་ཞིང་། གཅིག་བསྡུས་ངང་ས་གནས་ཁག་གི་གཙོ་གནད་རྣམ་གྲངས་འོས་སྦྱོར་ངོ་སྤྲོད་བྱས།
      ཚེས་24ཉིན། གཡག་རྔ་གྲོང་ཁྱེར་གྱིས་སྐྱེ་ཁམས་རྒན་གསོ་དང་ཞིང་ལས་ཀྱི་རེས་འཁོར་དཔལ་འབྱོར་དཔེ་སྟོན་གླིང་སོགས་རྣམ་གྲངས་5ལ་མིང་རྟགས་བཀོད། སྤྱིའི་དངུལ་འཇོག་མ་དངུལ་སྒོར་དུང་ཕྱུར་6.58ལ་ཟིན་ཡོད།།