མིག་སྔར། གསར་འགོད་པས་གཟི་ཚ་སྡེ་དགུ་རྫོང་གི་སློབ་གསོ་སྡེ་ཁག་ནས་རྒྱུས་ལོན་བྱུང་པ་ལྟར་ན། སློབ་གྲྭས་གསར་འཛུགས་ཀྱི་ཇུས་འགོད་བཏོན་པ་བརྒྱུད་དེ་གྲོང་ཁྱེར་དང་ཁུལ་སློབ་གསོ་ཅུས་ཀྱིས་སྙན་ཞུ་དང་ཞིང་ཆེན་སློབ་གསོ་ཐིང་གིས་ཆེད་མཁས་པ་རྩ་འཛུགས་བྱས་ཏེ་《སི་ཁྲོན་ཞིང་ཆེན་ལུས་རྩལ་དཔེ་སྟོན་སློབ་གྲྭའི་དཔྱད་དཔོག་རྩ་དོན།》ལྟར་སྙན་ཞུ་བྱས་པའི་སློབ་གྲྭར་རྒྱུ་ཆའི་ཞིབ་བཤེར་དང་ཡུལ་དངོས་ཀྱི་དཔྱད་དཔོག་བྱས་ནས། གཟི་ཚ་སྡེ་དགུ་རྫོང་གི་རྫོང་སློབ་འབྲིང་ལ་ཞིང་ཆེན་སློབ་གསོ་ཐིང་གིས་2015ལོའི་སི་ཁྲོན་ཞིང་ཆེན་ལུས་རྩལ་དཔེ་སྟོན་སློབ་གྲྭ་ཞེས་པའི་མཚན་སྙན་ཐོབ་པ་དང་།  གཞན་རྔ་བ་ཁུལ་ཟུང་ཆུ་རྫོང་སློབ་འབྲིང་དང་ཧོང་ཡོན་རྫོང་ཁྱུང་མཆུའི་ཞག་སྡོད་སློབ་གྲྭ མའོ་རྫོང་གི་ཧྥོང་ཡུ་སློབ་ཆུང་བཅས་ལའང་ཞིང་ཆེན་རིམ་པའི་ལུས་རྩལ་དཔེ་སྟོན་སློབ་གྲྭ་ཞེས་པའི་མཚན་སྙན་ཐོབ།།